Yõaannẽ 10:12 - ꞌBuuk cĩ Thõõth cĩ Nyekuci

¹² Aitiõõ tũhayyioohiti ꞌcĩ adũmanniaa thõng, hõllõngaa ĩĩn baattĩ aꞌthaannu. Nẽ ma udtuuha nẽẽ huduumot, ũũnnĩk hinnia hatĩ aꞌtha ẽmmẽn nẽ ivvira. Nẽ ikia adak huduumotĩ aꞌtha nẽ ĩꞌthaan ĩhõõggõ.

Yõaannẽ 10:12 ပူးပေါင်းရင်းမြစ်များ

Maatteeo 10:16

“Hĩꞌthooyyuung naa ngagiit aaut hĩ aꞌtha ꞌcĩg hĩꞌthooikuung hõrggẽẽnaa cĩ huduumwanu. Nẽẽthĩ, õõt eggeenyit aaut hĩ hũkaaꞌnya nẽ iittu tarbalĩg hĩ ngabuuthiꞌnya.

Maatteeo 7:15

“Ĩcĩnĩt põrõvẽtaaꞌnya ꞌcĩg ĩĩn oloꞌngiaak jurrung! Hĩnĩngĩtĩ au nẽẽg hĩ ngagiit tarbalĩg haauto hĩ aꞌtha, nẽ ĩko ꞌthinneetinitõõ cĩggĩĩng, aattĩg hĩ huduumwaana ꞌcĩg au arukuung thõng.

Yõaannẽ 10:13

Avvir hatĩ ẽẽtĩ, hĩnĩngĩtĩ ĩĩn nẽẽ tũhayyioohit ꞌcĩ adũmanniaa thõng nẽ hõllõngaa aallak aꞌtha buúk.

Yõaannẽ 10:2

Ẽẽtĩ ꞌcĩ adukna hattũũgaa cobbi, ĩĩn tũhayyioohit cĩ aꞌthaannu.

Yõaannẽ 10:3

Abbuuhik bekioohiti cĩ hattuugu tũhayyioohit cĩ aꞌthaannu hattũũg nẽ ĩthĩhĩt aꞌtha molook cĩnnĩ. Avvĩ tũhayyioohiti aꞌtha cĩgĩnnĩg ꞌthaarĩĩ cĩggĩĩng cũũmõ cũũmõ nẽ ĩꞌngĩdeek geyyia.

Dtiicanĩ cĩg ꞌThooyyiahu 20:29

Haga naa uruta caannĩ, au hatĩ ꞌlimmanniooha ꞌcĩg ĩĩn oloꞌngiaak, ꞌcĩg aattĩg hĩ huduumwaana ꞌcĩg au acũda nyalõmaar, hiita huruktuung ngagiita.

1 Timotteeo 3:3

Abũnnaa ĩĩn eet ꞌcĩ hõllõngaa ĩĩn duuttiahit hode ahaattiohit, abũnnaa ĩĩn eet ꞌcĩ alalĩ ꞌthĩnĩt. Abũnnaa ĩĩn eet ꞌcĩ arũmĩ hĩ eet vẽlẽk lõꞌngõõc nẽ hõllõngaa ammĩnan ꞌrabbẽẽta.

1 Timotteeo 3:8

Abũnnaa dticcianniooha cĩg lothippit cĩ lemmioohu buúk, ĩĩn eet dĩdĩ ꞌcĩg itieelli eet nẽ hõllõngaa aꞌnyak utugeeti ꞌramma, hõllõngaa aangal mẽrta gẽrrẽẽt nẽ iittiõõ hõllõngaa ammĩnan ꞌrabbẽẽta.

2 Timotteeo 4:10

hĩnĩngĩtĩ ĩmmĩnan ꞌDẽẽma hẽlẽggĩ cĩg looc nicci ũtũngeeha haau ẽmmẽn, ĩtĩnga ũũk ꞌtaaũnaa cĩ Tẽꞌthaloonika. Nẽ tarĩ ĩtĩnga Kerethenĩ buúk ũũk looccaa cĩ ꞌGalaaꞌthia, õkõ adtican dtiic cĩ Makayyiookto nẽ ũũk Tiito looccaa cĩ Dalamatia.

Tiito 1:7

Hĩnĩngĩtĩ aaꞌnyĩk Nyekuci makayyioohit cobbi cĩ lothippit cĩ lemmioohu, hidticanoothĩk ĩnõõnnõ. Abũnnaa ĩĩn eet ꞌcĩ aitiõõ thõõth ꞌcĩ abathĩ tõõ. Abũnnaa hõllõngaa ĩĩn eet ꞌcĩ athĩngõõnyanĩ, abũnnaa ĩĩn eet ꞌcĩ hõllõngaa aaburii ꞌthĩnĩt. Abũnnaa ĩĩn eet ꞌcĩ hõllõngaa ĩĩn duuttiahit, hode aangal jora, hode adiim ꞌrabbẽẽt ꞌcĩg mẽẽlĩg ꞌgõõlaa ꞌcĩ abathĩ.

1 Pẽẽtũrũ 5:2

Ũtũhaac eet ꞌcĩg aaꞌnyuung Nyekuci ngagiita. Idticattoothĩk ĩhõõggõ jurrung, hõllõngaa hĩnĩngĩtĩ attĩnganoothikuung thõng, nẽẽthĩ, hĩnĩngĩtĩ accamanaannu ngaatĩ adticanoothiku Nyekuc, hõllõngaa hĩnĩngĩtĩ hátĩ ummuddia ꞌrabbẽẽta.

2 Pẽẽtũrũ 2:3

Ĩĩn hatĩ nẽẽg lobolobbiaak ꞌcĩg adiim eet ꞌcĩg anũ ĩhõõggõ nẽ iggoolluung thooꞌthiohĩĩ ꞌcĩg ẽmmẽdĩ. Nẽẽthĩ, baa idiim uuk Nyekuci ĩhõõggõ baangaani nẽ uuk hatĩ nẽẽ ĩhõõggõ dĩdĩ.