Yõaannẽ 10:10 - ꞌBuuk cĩ Thõõth cĩ Nyekuci

¹⁰ “Dtiic cĩ igorriaaktõ dioo ꞌcĩ aku ĩgõrꞌthĩ aꞌtha nẽ ucuhana nẽ ĩꞌthaan thõng. Nẽẽthĩ, dtiic caannĩ ꞌcĩ hakuu haaꞌnyĩkĩĩ aꞌtha rũgẽt vẽlẽk ꞌcĩ aalla ooo.

Yõaannẽ 10:10 ပူးပေါင်းရင်းမြစ်များ

Maatteeo 18:10

Ma nĩngaata, õthõõth Yeesu ĩĩ, “Ma hararru lõhõlĩ ꞌcĩg kidicig ꞌcĩg aattĩg hĩ cieegi. Hĩnĩngĩtĩ haduhaakuung dĩdĩ, acĩn aajĩlẽẽta cĩggĩĩng hẽẽtahujjieen hõdõõkõthĩ muum cĩ Baaba.

Maatteeo 18:11

Baa aku Ngeertĩ Eeto, hikia hẽẽla eet ꞌcĩg iꞌngittõõthĩ.

Maatteeo 20:28

haau hĩ Ngeertĩ Eeto baa aku hikia hidticanoothĩk eet, hõllõngaa hidticattoothĩk eeta ĩnõõnnõ, baa aku ajalana nẽẽ rũgẽt cĩnnĩ hẽẽla eet ꞌcĩg mẽẽlĩg.”

Maatteeo 21:13

Nĩngĩtĩ annẽẽkĩ Yeesu ĩhõõggõ, “Aduha ꞌBuuhi cĩ Nyekuci aĩ, ‘Haĩ ꞌcieeth caannĩ, ꞌCieeth cĩ Laiitto,’ au hinnia aarru niig hĩĩ, ‘nĩngĩtĩ aguꞌthẽẽnĩ igorriaaha.’ ”

Maatteeo 23:13

“Pĩĩrnanĩt hĩ ngagiit ꞌlimmanniook cĩg nyattal cĩ Mũũꞌtha hĩ Variꞌtheei, niig oloꞌngiaaha cieegi! Aꞌnyuuggu niig habuccieet cĩ hẽẽtkujjieen hẽbẽrẽẽnnĩĩ cĩg eetuk. Nẽ aitiõõ niig hõllõngaa occa aduhunnu habuccieet cĩ hẽẽtkujjieen hode ẽlẽmaaku eet ꞌcĩg adiim aduhuni.

Maarko 11:17

Nĩngĩtĩ allimanĩ eet annẽẽkĩ, “Aĩ Nyekuci ꞌBuuhaa cĩnnĩ, “ ‘Haĩ hatĩ ꞌCieeth caannĩ, ꞌCieeth cĩ Laiitto, ꞌcĩ alaiini eeta vẽlẽk cĩg loonyinu.’ Auunnu hinnia niig aarru hĩĩ ‘nĩngĩtĩ aguꞌthẽẽnĩ igorriaaha!’ ”

ꞌLuuka 19:10

Baa hakuu naa Ngeertĩ Eeto hikia hidiima nẽ hẽẽla eet ꞌcĩg iꞌngittõõthĩ.”

Yõaannẽ 10:1

Baa õthõõth Yeesu aĩ, “Haduhaakuung dĩdĩ, ẽẽtĩ ꞌcĩ hõllõngaa aduhun logguur cĩ aꞌthaannu hattũũgaa cobbi nẽ ĩꞌngõtha araana ꞌgõõlaa umwaanĩ huduhuna ĩĩttõõ, ĩĩn nẽẽ igorriaahit.

Yõaannẽ 10:11

Hĩĩnĩ naa tũhayyioohit ꞌcĩ abũnnaa. Ẽlẽmana tũhayyioohiti ꞌcĩ abũnnaa, rũgẽt cĩnnĩ, hĩnĩngĩtĩ aꞌtha cĩgĩnnĩg.

Yõaannẽ 12:47

“Ẽẽtĩ ꞌcĩ athĩhĩ thooꞌthiok cĩgannĩg nẽ hõllõngaa aꞌthũũnnĩ ĩhõõggõ, hõllõngaa hetteedi naa thõõth cĩnnĩ. Hĩnĩngĩtĩ baa hõllõngaa hakuu naa hikia hẽttẽẽd thõõth cĩ lootu, baa hakuu naa hikia hẽẽla looc nicci.

Yõaannẽ 12:6

Baa õthõõth ꞌJuuda hoti, hõllõngaa hĩnĩngĩtĩ ammĩnan nẽẽ eet ꞌcĩg appĩĩrna thõng, baa ĩĩn nẽẽ igorriaahit nẽ ĩĩn eet ꞌcĩ itiangĩth ꞌrabbẽẽta, gõõng attiha nẽẽ ꞌrabbẽẽt ꞌcĩg itiangꞌthĩ, adticanĩ thooꞌthiok ꞌcĩg adiim nẽẽnĩ.

Yõaannẽ 3:17

Baa hõllõngaa ĩꞌthõõa Nyekuci Ngeerĩnĩ loota nĩnga, hikia huuk eet cĩg looc nicci thõng, baa ĩꞌthõõa nẽẽ ĩnõõnnõ hikia hẽẽla ĩhõõggõ thõng.

Yõaannẽ 5:40

nẽẽthĩ, aburru hinnia niig ngaatĩ auunnu hĩ nganĩĩt, hátĩ ummuddia rũgẽt ꞌcĩ aalla ooo.

Yõaannẽ 6:33

Nẽ ũbũnĩ ꞌcĩ aaꞌnyĩk Nyekuci eet ko, ĩnõõnnõ ꞌcĩ alluuccia hẽẽtahujjieen hikia haaꞌnyĩk eet cĩg looc nicci rũgẽt.”

Yõaannẽ 6:51

Hĩĩnĩ naa ũbũnĩ cĩ rũgẽtõ baa alluuccia hẽẽtahujjieen. Eeta ꞌcĩg aduk ũbũnĩ icci, arũgĩ hatĩ nẽẽg ũdũt. Ĩĩn ũbũnĩ ciee ẽlẽ caannĩ ꞌcĩ hatĩ haaꞌnyihi eet cĩg looc nicci, hátĩ hũrũgĩt.”

ꞌRooma 2:21

Nẽẽthĩ, nii ꞌcĩ allimani ꞌgoonogu ho, hõllõngaa thĩ allimani ẽlẽ cunni buúk inni? Nii ꞌcĩ irriooni thõõth cĩ ĩgoro ho, aitiõõ nii hõllõngaa ĩgõrꞌthĩ?

1 Timotteeo 1:15

Ĩĩn thõõth ciee thõõth dĩdĩ ꞌcĩ occa hẽlẽmĩ dĩdĩ. Baa aku Yeesu Krĩstõ loota nĩnga, hátĩ hẽẽla ꞌthẽccanniook nẽ ꞌthẽccannioohit umwa naa buúk ꞌcĩ baa habathi gẽrrẽẽt.

Ebereei 6:17

Nẽ tarĩ, aꞌthũũnnĩ Nyekuci ẽllaa cĩnnĩ ẽmmẽn lõbũtĩ, hátĩ hagaacõ eeta baag aduhaak nẽẽ lõbũtĩ ngaatĩ ĩĩnnĩ thõõth cĩ Nyekuci dĩdĩ.

Ebereei 7:25

Nẽẽthĩ hoti ho, ũũlũ Yeesu ngaatĩ ẽẽlanĩ eet ꞌcĩg ẽlẽmĩ Nyekuc hĩnĩngĩtĩ ĩnõõnnõ.

2 Pẽẽtũrũ 1:11

Nẽ hatĩ elemuung ngagiit Makayyioohiti Ellioohiti cĩnaac Yeesu Krĩstõ bulẽẽtta nẽ aaꞌnyuung uduhunit habuccieetaa cĩnnĩ ĩĩcĩ aalla ooo.