Yõaannẽ 1:9 - ꞌBuuk cĩ Thõõth cĩ Nyekuci

⁹ Lanyit ꞌcĩ ĩĩn dĩdĩ, ꞌcĩ aku aara hĩ eet vẽlẽk ko, aku hĩ eet loota nĩnga.

Yõaannẽ 1:9 ပူးပေါင်းရင်းမြစ်များ

Maatteeo 6:23

Nẽẽthĩ, má rubettĩg nganiit hẽbẽrĩ, abbĩꞌthĩĩ hatĩ muguuri ẽlẽ cunni vẽlẽk. Nẽ má ĩĩn lanyit ꞌcĩ ammuhi nii aini aaĩ ẽllaa cunni ho muguur, ĩĩn occa hinnia muguuri ẽllaa cunni hutuno?”

ꞌLuuka 11:36

Nẽẽthĩ noho, má maka lanyit ẽllaa cunni nẽ iittiõõ ũbũtĩ ꞌcĩ ĩĩn muguur tõõ, attũllĩ hatĩ jurrung hĩgõõng attuhullii nganiit lanyit cĩ ꞌloomoo.”

Yõaannẽ 1:4

Baa aaĩ rũgẽtĩ hĩ ĩnõõnnõ nẽ baa ĩĩn rũgẽtĩ niccia lanyit cĩ eetu.

Yõaannẽ 1:7

ꞌcĩ baa aku aduhaak eet lanyit nicci, hátĩ helemit eeta vẽlẽk ĩnõõnnõ.

Yõaannẽ 12:46

Baa hakuu naa loota nĩnga hĩĩ lanyit, hatĩ hiittiõõ eeta ꞌcĩg ẽlẽmma nganĩĩt hõllõngaa aattĩg muguratõõ.

Yõaannẽ 14:6

Ẽdẽcĩ Yeesu ĩnõõnnõ anneek, “Hĩĩnĩ naa ꞌgõõl hĩ thõõth ꞌcĩ ĩĩn dĩdĩ hĩ rũgẽt. Aitiõõ ẽẽtĩ ꞌcĩ occa õkõ hĩ Baaba, hatĩ haitiõõ naa tõõ!

Yõaannẽ 15:1

Baa aduhaak Yeesu nuyyiook cĩgĩnnĩg anneek, “Hĩĩnĩ naa hẽẽt cĩ viinoo ꞌcĩ ĩĩn dĩdĩ nẽ ĩĩ Baaba baattĩ manu.

Yõaannẽ 6:32

Nĩngĩtĩ annẽẽkĩ Yeesu ĩhõõggõ, “Haduhaakuung dĩdĩ, baa hõllõngaa Mũũꞌtha ꞌcĩ aaꞌnyuung ngagiit ũbũnẽẽt ꞌcĩg au hẽẽtahujjieen ko, baa Baaba ꞌcĩ aaꞌnyuung ngagiit ũbũnẽẽt ꞌcĩg ĩĩn dĩdĩ, ꞌcĩg au hẽẽtahujjieen ko.

Yõaannẽ 7:12

Baa ẽppẽhanõõnĩ eeta Yeesu lothippita gẽrrẽẽt. Baa õthõõth ũgẽẽgĩ aĩ, “Ĩĩn Yeesu eet ꞌcĩ abũnnaa.” Nẽ tarĩ ĩĩtõ ũgẽẽgĩ, “Ĩggõõl nẽẽ eet vẽlẽk.”

1 Yõaannẽ 1:8

Má haĩ naag nga hẽꞌthẽcattõ, hĩggõõl naag eleeti cĩggaac thõng, nẽ aitiõõ thõõth ꞌcĩ ĩĩn dĩdĩ ꞌthinneetinii cĩggaac tõõ.

1 Yõaannẽ 2:8

Nẽẽthĩ, ĩĩn tilooinit ꞌcĩ ĩĩn ngeju dĩdĩ, nẽ agayyu niig thõõth cĩnnĩ ꞌcĩ ĩĩn dĩdĩ haau hĩcĩ aga Krĩstõ. Occa icittu niig ẽlẽk ngaatĩ aꞌnginõõꞌthĩ muguuri nẽ ũttũhũlõõ lanyit ꞌcĩ ĩĩn dĩdĩ ẽlẽk.

1 Yõaannẽ 5:20

Hagaacõ naag buúk haĩ, ikia Yeesu Krĩstõ Ngeertĩ Nyekuci nẽ eteretheeheet ngagĩĩt Nyekuc ꞌcĩ ĩĩn dĩdĩ. Nẽ haattĩg naag hĩ ĩnõõnnõ ꞌcĩ ĩĩn dĩdĩ nẽ tarĩ, hũrũmtĩ hĩ Loholeec cĩnnĩ Yeesu Krĩstõ ꞌcĩ ĩĩn Nyekuc dĩdĩ nẽ aaꞌnyeet ngagĩĩt rũgẽt ꞌcĩ aalla ooo.