Yõaannẽ 1:51 - ꞌBuuk cĩ Thõõth cĩ Nyekuci

⁵¹ Ma nĩngaata, õthõõth Yeesu ĩĩ, “Haduhaakuung dĩdĩ, acinnu hatĩ hẽẽtkujjieen ngaatĩ abbuuhẽnĩ nẽ udtuuktau aajĩlẽẽt cĩg Nyekuci, ngaatĩ õtõdĩ nẽ ulluucciak Ngeertĩ Eeto.”

Yõaannẽ 1:51 ပူးပေါင်းရင်းမြစ်များ

ꞌThianaattõ 28:12

Ma ũꞌnyaahĩtõõ, õhõnõõthĩ nẽẽ ĩcĩn lõkĩrrĩhĩ umwa ꞌcĩ uuni akatĩ looc hõdõlan õlõ cĩ Nyekuci hẽẽtahujjieen. Baa adtuuha nẽẽ aajĩlẽẽt cĩg Nyekuci ngaatĩ õtõdĩ õõĩ hẽẽtahujjieen nẽ ulluuccia ũgẽẽgĩ iita loota lõkĩrrĩhaa nĩĩcĩ.

Maatteeo 25:31

“Nẽ kõr ꞌcĩ hatĩ akuuni Ngeertĩ Eeto bulẽẽttaa cĩnnĩ hĩ aajĩlẽẽt cĩgĩnnĩg vẽlẽk, iccioloongan hatĩ nẽẽ dtaabawaa cobbi bulẽẽttaa cĩ hẽẽtkujjieen.

Maatteeo 26:24

Adaahĩ hatĩ Ngeertĩ Eeto hĩ baa aduha ꞌBuuhi cĩ Nyekuci. Nẽẽthĩ, appĩĩrna hatĩ ẽẽtĩ ꞌcĩ õhõppõõcan Ngeertĩ Eeto ho gẽrrẽẽt! Occa baa mẽẽn hĩ ĩnõõnnõ ngaatĩ hõllõngaa arrittiaanĩ.”

Maatteeo 3:16

Ngaanĩngĩtĩ aggamĩ Yeesu baattithimo ho, ikia ĩꞌngõtha nẽẽ maamĩ battaala. Ma nĩngaata noho, ẽdẽẽnyõthĩ hẽẽtkujjieen ngaatĩ abbuuhẽnĩ nẽ udtuuha Lori cĩ Nyekuci ngaatĩ alluucciakĩ ĩnõõnnõ, ꞌcĩ aaĩ hĩ bõllõõĩ hikia hiccioloonganĩ ĩnõõnnõ.

Maatteeo 4:11

Nĩngĩtĩ ũũnnĩkĩ habuui cĩ loriẽẽt ꞌcĩg abathĩ ho, Yeesu nẽ iita eelito aajĩlẽẽta ĩnõõnnõ haanytĩk ꞌgii ꞌcĩ adiim nẽẽnĩ.

Maatteeo 8:20

Ẽdẽcĩ Yeesu anneek, “Aꞌnyak irrieerrwaana ꞌlõõhĩt nẽ aꞌnyahit hĩbaallĩ ꞌcieethi cĩggĩĩng, nẽẽthĩ aitiõõ Ngeertĩ Eeto nĩngĩtĩ oongiyyi haaga tõõ.”

Maatteeo 9:6

Nẽẽthĩ, heterꞌtheekuung naa ngaatĩ aꞌnyahĩ Ngeertĩ Eeto makaaꞌthĩt ꞌcĩ ammaannĩkĩ eet ꞌthẽccanẽẽt, loota nĩnga.” Nĩngĩtĩ annẽẽkĩ Yeesu eet ꞌcĩ alalliaa ẽlẽ ho, “Tĩnga! Dũhan lotoonu bĩĩt ĩĩcĩ olu.”

Maarko 1:10

Ma baa ĩꞌngõtha Yeesu maamĩ battaala, ikia ĩcĩnõõthĩ nẽẽ hẽẽtkujjieen ngaatĩ abbuuhẽnĩ nẽ ulluucciak ĩnõõnnõ Lorii ꞌcĩ Ẽllẽẽmĩth ꞌcĩ aaĩ hĩ bõllõõĩ.

Maarko 14:62

Ẽdẽcĩ Yeesu anneek, “Eei, acinnu hatĩ niig Ngeertĩ Eeto ngaatĩ iccioloonganĩ attiaa cobbi ĩĩcĩ Nyekuc Gayyioohit vẽlẽk nẽ ulluuccia diiꞌthiohĩ hẽẽtahujjieen.”

ꞌLuuka 2:13

Ma hĩdĩĩkoothong, uppwaanna lothippiti cobbi gẽrrẽẽt cĩ aajĩleetu ummuddiaak aa oou nẽ ĩdĩhĩthĩt Nyekuc nĩngaata hõdẽĩ ĩĩtõ,

ꞌLuuka 2:9

Ma baalin niccia, uppwaannak aajĩlõ cĩ Makayyiookto ĩhõõggõ nẽ aara bulẽẽnĩtĩ cĩ Makayyiookto hũttũhũl ĩhõõggõ, nĩngĩtĩ itieelini nẽẽg gẽrrẽẽt.

ꞌLuuka 22:43

Ma ho, uppwaannak ĩnõõnnõ aajĩlõ ꞌcĩ aku hẽẽtahujjieen nẽ ikia aaꞌnyĩk ĩnõõnnõ ꞌtirrian.

ꞌLuuka 22:69

Nẽẽthĩ, iꞌthianaanĩ kõr nicci, iccioloongan hatĩ Ngeertĩ Eeto attiaa cobbi ĩĩcĩ Nyekuc ꞌTirriannioohit vẽlẽk.”

ꞌLuuka 24:4

Ma baa nga ĩccaad ĩhõõggõ thõõth cieeni, uppwaatta eeta ꞌramma ꞌcĩg ahimit ceremwa ꞌcĩg attaalĩthĩ nẽ ĩbĩlĩt ojoonu ngaatĩ aattiyyi nẽẽg ko.

ꞌLuuka 3:21

Ma baa aggameek Yõaannẽ eet vẽlẽk baattithimo, ikia aggam Yeesu buúk baattithimo. Ma baa nga alayyi nẽẽnĩ, ubbuuhi hẽẽtkujjieen

Yõaannẽ 1:50

Ma ho, ĩĩnnĩk Yeesu ĩnõõnnõ, “Elemi nii thõõth caannĩ, hĩnĩngĩtĩ hanneekii, iyyia hacciinnii aa iccioloongani ꞌmũũnĩca uruta. Acini hatĩ nii hẽlẽggĩ ꞌcĩg ĩllõõan thooꞌthiok iccig.”

Yõaannẽ 10:1

Baa õthõõth Yeesu aĩ, “Haduhaakuung dĩdĩ, ẽẽtĩ ꞌcĩ hõllõngaa aduhun logguur cĩ aꞌthaannu hattũũgaa cobbi nẽ ĩꞌngõtha araana ꞌgõõlaa umwaanĩ huduhuna ĩĩttõõ, ĩĩn nẽẽ igorriaahit.

Yõaannẽ 10:7

Ma ho, uduhaak Yeesu eet tarĩ ĩĩnnĩk, “Haduhaakuung dĩdĩ, hĩĩnĩ naa hattũũg cobbi cĩ aꞌthaannu.

Yõaannẽ 13:16

Haduhaakuung dĩdĩ, aitiõõ dticciannioohiti ꞌcĩ ĩllõõan makayyioohit cĩnnĩ tõõ nẽ aitiõõ ẽẽtĩ ꞌcĩ ĩꞌthooyyi hõllõngaa maka hĩ eet ꞌcĩ ĩꞌthõ ĩnõõnnõ ho.

Yõaannẽ 13:38

Nĩngĩtĩ ẽdẽcĩ Yeesu ĩnõõnnõ annẽẽkĩ, “Aga nii ngaatĩ adaaknĩ, hĩnĩngĩtĩ nganĩĩt dĩdĩ? Haduhaakii dĩdĩ, hatĩ nga hõrõõk tũhũlũca, ẽppẽhannaa hatĩ nii nganĩĩt tabattĩ iyyio, aini hõllõngaa agayyaanĩ.”

Yõaannẽ 14:12

Haduhaakuung dĩdĩ, ẽẽtĩ ꞌcĩ ẽlẽmma nganĩĩta, adĩman hatĩ nẽẽ thooꞌthiok baag hadĩmani naana. Adĩman hatĩ nẽẽ thooꞌthiok ꞌcĩg ĩllõõan iccig buúk, hĩnĩngĩtĩ hũũha naa hĩ Baaba.

Yõaannẽ 16:20

Haduhaakuung dĩdĩ, aluyyu hatĩ nẽ hinnia accamattoothĩk eeta cĩg looc nicci thõng. Ommothiinnu hatĩnĩ nẽ hatĩ ikia ũtũhũĩ mothiiniti cunuung ho ĩĩ taliinit.

Yõaannẽ 16:23

Kõr niccia, iittiõõ hatĩ ꞌgii ꞌcĩ nga ajinnaangu niig nganĩĩt tõõ. Haduhaakuung dĩdĩ, aaꞌnyuung hatĩ Baaba ꞌgii vẽlẽk ꞌcĩ ajinnu niig ĩnõõnnõ ꞌthaarĩĩ cĩgannĩg.

Yõaannẽ 21:18

Haduhaakii dĩdĩ, baa nga ĩĩnĩ nii nyahaappan, baa gõõng ahimiti ẽlẽ cunni ẽmmẽn nẽ uuhu ĩĩcĩ adiimi niina. Nẽẽthĩ ma atahaanyu, odongi hatĩ athĩn cugunnig nẽ itihimttii eeta cĩrrĩĩng nẽ ootti ĩĩcĩ hõllõngaa adiimi niina.”

Yõaannẽ 3:3

Ẽdẽcĩ Yeesu Nikodemo anneek, “Haduhaakii dĩdĩ, aitiõõ ẽẽtĩ ꞌcĩ occa aduhun habuccieet cĩ Nyekuci, hatĩ nga hittirria nẽẽ tarĩ tõõ.”

Yõaannẽ 3:5

Ẽdẽcĩ Yeesu ĩnõõnnõ anneek, “Haduhaakii thõõth dĩdĩ, aitiõõ ẽẽtĩ ꞌcĩ aduhun habuccieet cĩ Nyekuci, hatĩ nga hittirria maamĩ hĩ Loriiaa ꞌcĩ Ẽllẽẽmĩth tõõ.

Yõaannẽ 5:19

Ma nĩngaata, ẽdẽc Yeesu makayyiook cĩg ꞌJudeei ĩĩnnĩk, “Haduhaakuung dĩdĩ, aitiõõ ꞌgii ꞌcĩ adtican Ngeertĩ Nyekuci ẽmmẽn tõõ. Adĩman nẽẽ thõõth ꞌcĩ acĩna hĩ Maaꞌnyĩ. ꞌGii ꞌcĩ adĩman Maaꞌnyia, adĩman Ngeerĩnĩ buúk.

Yõaannẽ 5:27

Nẽ aaꞌnyĩk Maaꞌnyia ĩnõõnnõ makaaꞌthĩt ꞌcĩ ẽttẽẽdĩ thooꞌthiok cĩg eet vẽlẽk, hĩnĩngĩtĩ ĩĩn nẽẽ Ngeertĩ Eeto.

Yõaannẽ 6:26

Ẽdẽcĩ Yeesu ĩhõõggõ anneek, “Haduhaakuung dĩdĩ, adiimmaangu niig nganĩĩt, hĩnĩngĩtĩ ꞌgẽẽn baa haaꞌnyuung ngagiit uduhit ũũppattĩ, hõllõngaa, hĩnĩngĩtĩ thooꞌthiok baag ĩnaattu hadĩmani naana.

Yõaannẽ 6:32

Nĩngĩtĩ annẽẽkĩ Yeesu ĩhõõggõ, “Haduhaakuung dĩdĩ, baa hõllõngaa Mũũꞌtha ꞌcĩ aaꞌnyuung ngagiit ũbũnẽẽt ꞌcĩg au hẽẽtahujjieen ko, baa Baaba ꞌcĩ aaꞌnyuung ngagiit ũbũnẽẽt ꞌcĩg ĩĩn dĩdĩ, ꞌcĩg au hẽẽtahujjieen ko.

Yõaannẽ 6:47

“Haduhaakuung dĩdĩ, ẽẽtĩ ꞌcĩ ẽlẽmma nganĩĩta, ammũda hatĩ nẽẽ rũgẽt ꞌcĩ aalla ooo.

Yõaannẽ 6:53

Nĩngĩtĩ annẽẽkĩ Yeesu ĩhõõggõ, “Haduhaakuung dĩdĩ, má hõllõngaa aduku ẽlẽ cĩ Ngeertĩ Eeto nẽ uhuddu biyyi cĩgĩnnĩg, aitiõõ rũgẽtĩ hĩ ngagiit tõõ.

Yõaannẽ 8:34

Ẽdẽcĩ Yeesu ĩhõõggõ anneek, “Haduhaakuung dĩdĩ, ĩĩn eeta ꞌcĩg adĩman ꞌthẽccanẽẽt appahacaaꞌnya cĩg ꞌthẽccaanak.

Yõaannẽ 8:51

Haduhaakuung dĩdĩ, ẽẽtĩ ꞌcĩ aꞌthũũnnĩ thõõth caannĩ, aitiõõ hatĩ hõllõngaa adaahĩ ũdũt.”

Yõaannẽ 8:58

Ẽdẽcĩ Yeesu ĩhõõggõ anneek, “Haduhaakuung dĩdĩ, baa nga hittirria Abũrahamĩ haau naa ẽlẽk!”

Dtiicanĩ cĩg ꞌThooyyiahu 10:11

Baa adtuuha nẽẽ ngaatĩ abbuuhẽnĩ hẽẽtkujjieen nẽ ulluucciak ꞌgiimwaa looc ꞌcĩ uuni aaĩ hĩ nyatõõga ꞌcĩ abĩlĩ kũdũlnyaannĩ ꞌwec.

Dtiicanĩ cĩg ꞌThooyyiahu 7:56

Nĩngĩtĩ aĩnnĩ Tẽẽvẽnõ, “Ĩcĩnĩt nõõ, hadtuuha abbuuhi hẽẽtkujjieen nẽ abĩlĩ Ngeertĩ Eeto attiaa cobbi ĩcĩ Nyekuci!”

2 Tẽꞌthaloonika 1:7

nẽẽthĩ, õõgannuung hatĩ nẽẽ ngagiit ꞌcannaanaa cunuung. Nẽ õõganneet hatĩ ngagĩĩt buúk, hatĩ õbõda Makayyioohiti Yeesu hẽẽtahujjieen, ookorria hĩ aajĩlẽẽt cĩgĩnnĩg ꞌcĩg attiranĩ,

2 Tẽꞌthaloonika 1:9

Uuk hatĩ Nyekuci ĩhõõggõ nẽ aaꞌnyĩk haccanattĩ ooo, nẽ hatĩ ũꞌnyũũgtothoothĩk nẽẽg battaala hĩĩtõ ꞌrẽẽttĩg hĩ Makayyioohit, hiittiõõ hõllõngaa acĩn ĩnõõnnõ hĩ bulẽẽnĩt hĩ ꞌtirrian cĩnnĩ.

1 Timotteeo 3:16

Aitiõõ jinẽẽnĩtĩ tõõ, ĩĩn ciee thõõth cobbi gẽrrẽẽt, ꞌcĩ ĩllõõan ꞌgẽẽnyĩth cĩ eetu lemiittaa cĩnaac. Baa arrittiaa Yeesu loota nĩnga hĩĩ eet hĩ naaga nẽ ikia ẽtẽrẽtha Lorii ꞌcĩ Ẽllẽẽmĩth aĩ, aaꞌnyĩk nẽẽ Nyekuc hatal gẽrrẽẽt nẽ ĩcĩnĩt aajĩlẽẽta buúk ĩnõõnnõ, ma nĩngaata, ikia ũũhĩ Nyekuci ĩnõõnnõ bulẽẽtta hẽẽtahujjieen. Allimanoothĩk thõõth cĩnnĩ eet loonyini vẽlẽk, nĩngĩtĩ au ẽlẽmmĩ eeta thõõth cĩnnĩ.

Ebereei 1:14

Nẽẽthĩ hoti ho, ĩĩn aajĩlẽẽta loriẽẽt haaga ꞌcĩg ĩꞌthooyyiaa, hiita hidticattoothĩk eet ꞌcĩg hatĩ eelliaa.

ꞌJuud 1:14

Baa ĩĩn Ẽẽnõhĩ eet ꞌcĩ ĩĩn tũkĩramma ngaatĩ anũõõꞌthĩ Aadam, nẽ baa õthõõth nẽẽ thõõth cĩ eet iccig aĩ, “Ĩcĩnĩt nõõ! Aku hatĩ Makayyioohiti õõkõra hĩ aalibꞌnya cĩg aajĩlẽẽt ꞌcĩg ẽllẽẽmĩth ꞌcĩg occa hõllõngaa agiili,

Terethiinit 19:11

Ma ho, hĩcĩnootha hẽẽtkujjieen ngaatĩ abbuuhẽnĩ tarĩ, haau ngaburuur nẽ hudtuuha nyangõõllẽẽ ꞌcĩ õõrĩ ꞌcĩ aꞌthuhan ꞌthukannioohiti ꞌcĩ haĩ ꞌthaar cĩgĩnnĩg Lemmioohit, hĩ Thõõth ꞌcĩ ĩĩn Dĩdĩ. Gõõng ẽttẽẽd nẽẽ thooꞌthiok jurrung, hatĩ aduha thõõth umwa hode hatĩ õkõ jora.

Terethiinit 4:1

Ma nĩngaata, hĩcĩna hattũũg cĩ õlõ cĩ Nyekuci hẽẽtahujjieen ubbuuhi nẽ ikia mõlõõhĩ ꞌcĩ baa hĩthĩha ĩĩcĩ oou ẽlẽk, ẽggẽrꞌnya hĩ tũũrĩ nẽ ĩnnĩhaa, “Ijjia da ngaati, hátĩ heteretheehii thooꞌthiok ꞌcĩg hatĩ edeeꞌnyia urutaa cĩ thooꞌthiok iccig.”