Yõaannẽ 1:44 - ꞌBuuk cĩ Thõõth cĩ Nyekuci

⁴⁴ Baa au Pilippo hĩ Andrea hĩ Pẽẽtũrũ ꞌtaaũnaa cĩ Beꞌthaida.

Yõaannẽ 1:44 ပူးပေါင်းရင်းမြစ်များ

Maatteeo 10:3

Pilippo hĩ Bartolomeeo, Tomaaꞌthio hĩ Maatteeo baa ĩĩn eet ꞌcĩg alũt occoro, ꞌJeemith ngeertĩ Aliveo, hĩ Tadeeo;

Maatteeo 11:21

“Pĩĩrnanĩt hĩ ngagiit eet cĩg Korathini hĩ cĩg Beꞌthaida. Má baa hĩĩ ꞌcĩ hadticanĩĩ naa thooꞌthiok baag ĩnaat eeta ꞌtaaũnnioohĩĩ cugguung, hĩĩ ꞌcĩ baa hadticanĩĩ ꞌtaaũnnioohĩĩ ꞌcĩg abathĩ ĩĩcĩg ꞌTire hĩ ꞌThidõõnẽ, occa ꞌyioko baa ũtũngteek nẽẽg ꞌthẽccanẽẽt cĩggĩĩng baa hũnũũk nẽ itihimit ceremwa cĩg ulwaanak nẽ ujuhanit hatiꞌtheet ootinii cĩggĩĩng, hĩĩ terethiinit ꞌcĩ edeethini nẽẽg ꞌthẽccanẽẽtĩĩ cĩggĩĩng.

Maarko 3:18

Andrea, Pilippo, Bartolomeeo, Maatteeo, Tomaaꞌthio, ꞌJeemith ngeertĩ Aliveo, Tadeeo, ꞌThimõõnẽ baa gõõng ĩĩn ꞌThilot,

Maarko 6:45

Ma hĩdĩĩkoothong, uduhaak Yeesu nuyyiook cĩgĩnnĩg hotodit haahũl hutuattĩ habaaktĩ hõõt ĩĩcĩ Beꞌthaida dhoortaa cĩ baakitu, baa nga ĩꞌthaan nẽẽ lothippit cĩ eetu hũũk.

Maarko 8:22

Ma baa iita nẽẽg ĩꞌthõng Beꞌthaida, iita aꞌnyaktaak eeta ũgẽẽgĩ Yeesu eet umwa ꞌcĩ rubenĩ nẽ iita alaacõ ĩnõõnnõ huhum eet nicci.

ꞌLuuka 10:13

Ma ho, õthõõth Yeesu ĩĩ, “Pĩĩrnanĩt hĩ ngagiit eet cĩg Korathini hĩ cĩg Beꞌthaida! Hĩnĩngĩtĩ ꞌyioko baa hĩĩ ꞌcĩ adĩmaniini thooꞌthioha ꞌcĩg ĩnaat eeta looccaa cunuung ko, hĩĩ ꞌcĩ baa adĩmaniini ꞌtaaũnnioohĩĩ cĩg ꞌTire hĩ ꞌThidõõnẽ, occa baa ũtũngteek eeta cĩg ꞌTire hĩ ꞌThidõõnẽ ꞌthẽccanẽẽt cĩggĩĩng baa hũnũũk ꞌrĩng. Occa ꞌyioko baa ahimit ceremwa cĩg ulwaanak nẽ aauto hatiꞌtheeta.

ꞌLuuka 6:14

Baa ẽbẽra nẽẽ ꞌThimõõnẽ (nẽ akateek ꞌthaar ꞌcĩg haĩ Pẽẽtũrũ) nẽ tarĩ ẽbẽra ꞌgõtõnĩ Pẽẽtũrũ ꞌcĩ haĩ Andrea hĩ ꞌJeemith hĩ Yõaannẽ, hĩ Pilippo hĩ Bartolomeeo,

ꞌLuuka 9:10

Ma baa oboddia ꞌthooyyiaha, iita uduktaak Yeesu dtiicanĩ ꞌcĩg baag adĩman nẽẽg ko. Nĩngĩtĩ õkõõĩ nẽẽ ĩhõõggõ ĩĩcĩ ꞌtaaũn cĩ Beꞌthaida.

Yõaannẽ 1:43

Ma loohoth cĩnnĩ, ĩtĩnga Yeesu ũũk ĩĩcĩ ꞌGalileea. Ma baa ommottio hĩ Pilippo, uduhaak ĩnõõnnõ ĩĩnnĩk, “Ijjia nũaa nganĩĩta.”

Yõaannẽ 1:45

Nĩngĩtĩ ammũdaanĩ Pilippo Nathaniele nẽ uduhaak ĩĩnnĩk, “Hummuddiaawa eet baa ẽhẽẽd Mũũꞌtha nyattaala nẽ eteheedito põrõvẽtaaꞌnya buúk ĩĩtõ, Yeesu cĩ Naaꞌtharẽtĩ ngeertĩ Yothebo.”

Yõaannẽ 1:46

Nĩngĩtĩ ajini Nathaniele ĩnõõnnõ annẽẽkĩ, “Occa ꞌthẽk aku ꞌgiimwa ꞌcĩ abũnnaa Naaꞌtharẽta?” Ẽdẽcĩ Pilippo ĩnõõnnõ anneek, “Ijjia thĩ da cĩnõ.”

Yõaannẽ 1:48

Ẽdẽcĩ Nathaniele ĩnõõnnõ anneek, “Agayyaa nii nganĩĩt hutuno?” Ẽdẽcĩ Yeesu anneek, “Hacinnii naa nganiit aa nga hutuvvii Pilippo, iccioloongani ꞌmũũnĩca uruta.”

Yõaannẽ 12:21

Baa aaĩ ẽẽtĩ umwaa ꞌcĩ haĩ Pilippo, ꞌcĩ aku ꞌtaaũnaa cĩ Beꞌthaida looccaa cĩ ꞌGalileea. Nĩngĩtĩ ajini nẽẽg ĩnõõnnõ annẽẽkĩ, “Ẽlẽ! Hadiimma hacĩnna Yeesu.”

Yõaannẽ 12:22

Ma ho, uduhaak Pilippo Andrea thõõth nicci nẽ õõt nẽẽg vẽlẽk uduktaak Yeesu.

Yõaannẽ 6:5

Ma baa acĩn Yeesu au eeta ĩĩcĩ aayyi nẽẽ ho, ijin nẽẽ Pilippo ĩĩnnĩk, “Ẽlẽ Pilippo, hammũda occa hatĩ ũbũnẽẽt ꞌcĩg haaꞌnyĩk lothippit ꞌcĩ ĩĩn noho vẽlẽk ko ĩĩna?”

Yõaannẽ 6:7

Ẽdẽcĩ Pilippo ĩnõõnnõ anneek, “Aitiõõ ꞌdinaarꞌnya ꞌmiiaꞌnya ꞌramma, hõllõngaa ũũppan ngaatĩ ũũtanĩ ũbũnẽẽt ꞌcĩg ẽllẽẽnnõõ hĩ eet iccig hõdẽĩ hõdẽĩ tõõ.”

Dtiicanĩ cĩg ꞌThooyyiahu 1:13

Ma baa õdõlanit nẽẽg ꞌtaaũn, õõt otodit ꞌcieetha lokora ngaatĩ baa aattiyyi. ꞌThooyyiak ꞌcĩg baag aattĩg nĩngaata ho cieegi: Pẽẽtũrũ, Yõaannẽ, ꞌJeemith hĩ Andrea, Pilippo hĩ Tomaaꞌthio, Bartolomeeo hĩ Maatteeo, ꞌJeemith ngeertĩ Aliveo, ꞌThimõõnẽ ꞌThilot, ꞌJuuda ngeertĩ ꞌJeemithi.