Yõaannẽ 1:4 - ꞌBuuk cĩ Thõõth cĩ Nyekuci

⁴ Baa aaĩ rũgẽtĩ hĩ ĩnõõnnõ nẽ baa ĩĩn rũgẽtĩ niccia lanyit cĩ eetu.

Yõaannẽ 1:4 ပူးပေါင်းရင်းမြစ်များ

Maatteeo 4:16

Tananga aattĩg eeta cugunnig muguratõõ, acĩn hatĩ nẽẽg lanyit ꞌcĩ õõppẽr. Tananga aattĩg nẽẽg muguraa cĩ daahĩthõõ, attũlla hatĩ lanyit ĩhõõggõ.”

ꞌLuuka 2:32

Ĩĩn nẽẽ lanyit ꞌcĩ eterꞌtheek loonyin vẽlẽk thõõth cunni, nẽ aꞌnyahaak hatĩ eet cugunnig Ĩꞌthĩraẽl bulẽẽnĩt.”

Yõaannẽ 11:25

Ẽdẽcĩ Yeesu tarĩ aĩ, “Nganĩĩt ꞌcĩ harũgtha eet daahĩtha nẽ haaꞌnyĩha rũgẽt. Ẽẽtĩ ꞌcĩ ẽlẽmma nganĩĩt tananga hadaak, arũgĩ hatĩnĩ.

Yõaannẽ 12:35

Ẽdẽcĩ Yeesu ĩhõõggõ anneek, “Aaĩ hatĩ lanyit hĩ ngagiit ꞌthaa ꞌcĩ huturi haaga. Õtõõc nga aꞌnyaku lanyit, nga hikia muguuri hĩ ngagiita. Ẽẽtĩ ꞌcĩ õvvõ muguratõõ, ẽrẽk nĩngĩtĩ õkõõĩ.

Yõaannẽ 12:46

Baa hakuu naa loota nĩnga hĩĩ lanyit, hatĩ hiittiõõ eeta ꞌcĩg ẽlẽmma nganĩĩt hõllõngaa aattĩg muguratõõ.

Yõaannẽ 14:6

Ẽdẽcĩ Yeesu ĩnõõnnõ anneek, “Hĩĩnĩ naa ꞌgõõl hĩ thõõth ꞌcĩ ĩĩn dĩdĩ hĩ rũgẽt. Aitiõõ ẽẽtĩ ꞌcĩ occa õkõ hĩ Baaba, hatĩ haitiõõ naa tõõ!

Yõaannẽ 3:19

“Ikia lanyit loota nĩnga ẽlẽk nẽ eeta ꞌcĩg adĩman thooꞌthiok ꞌcĩg abathĩ, etteeddiothoothĩk thooꞌthioha ꞌcĩg abathĩ ĩhõõggõ ẽlẽk, hĩnĩngĩtĩ ammĩnan nẽẽg muguur hĩllõõan lanyit.

Yõaannẽ 5:21

Hĩcĩ arũgtha Maaꞌnyia daakiak nẽ aaꞌnyĩk ĩhõõggõ rũgẽt, ꞌgõõlaa cĩ buúk, aaꞌnyĩk hatĩ Ngeerĩnĩ rũgẽt eet ꞌcĩ accamana nẽẽnĩ.

Yõaannẽ 5:26

Hĩcĩ aꞌnyak Baaba rũgẽt ẽllaa cĩnnĩ, ikia aaꞌnyĩk nẽẽ Ngeerĩnĩ buúk haꞌnyak rũgẽt ẽllaa cĩnnĩ.

Yõaannẽ 8:12

Ma baa othooꞌthio Yeesu hĩ eet tarĩ, ikia ĩĩnnĩk nẽẽ ĩhõõggõ, “Hĩĩnĩ naa lanyit cĩ looc vẽlẽk. Ẽẽtĩ ꞌcĩ anũyya nganĩĩta, aitiõõ hatĩ nẽẽ hõllõngaa õvvõ muguratõõ, ammũda hatĩ nẽẽ lanyit cĩ rũgẽtõ.”

Yõaannẽ 9:5

Nẽ hĩcĩ nga haaĩ naa loota nĩnga ho, hĩĩnĩ naa lanyit cĩ looc nicci.”

Dtiicanĩ cĩg ꞌThooyyiahu 26:23

Baa haduhaahi ĩhõõggõ ꞌgõõl baa appĩĩrnanĩ Krĩstõ hikia hũrũga daahĩthaa ĩcĩ oou, hátĩ haꞌnyahaak eet cĩgĩnnĩg lanyit hĩ eet ꞌcĩg hõllõngaa ĩĩn ꞌJudeei.”

1 Korinthia 15:45

Baa aduha ꞌBuuhi cĩ Nyekuci aĩ, “Baa ĩĩn Aadamĩ eet ꞌcĩ oou nẽ ĩĩ eet ꞌcĩ arũgĩ. Nẽẽthĩ, Yeesu ꞌcĩ ĩĩn Aadam ꞌcĩ adtuurna ho, ĩĩn lori ꞌcĩ aaꞌnyeet rũgẽt.”

Eevvetho 5:14

hĩnĩngĩtĩ lanyit ꞌcĩ aaꞌnyĩk ꞌgii vẽlẽk hedeeꞌnyia. Ĩnõõ ꞌcĩ aĩnnĩ ꞌBuuhi cĩ Nyekuci, “Anneek uꞌnyaakiahit tĩnga, rũga daahĩtha, hátĩ haaꞌnyi Krĩstõ lanyit.”

Kolooꞌthe 3:4

Ma õbõda Krĩstõ ꞌcĩ aaꞌnyuung ngagiit ũrũgĩt ko, au hatĩ arũmeennu niig hĩ ĩnõõnnõ bulẽẽtta.

1 Yõaannẽ 1:1

Haduhaakuung naa ngagiit eet ꞌcĩ baa aaĩ baa ꞌthianaattaa cĩ lootu, baa hathĩkna nẽ hĩcĩtta ĩnõõnnõ hẽbẽrẽẽnnĩĩ cĩggaang nẽ huhumta athĩnĩĩ cĩggaang dẽẽdẽ. Ĩĩn nẽẽ Thõõth cĩ rũgẽt ꞌcĩ hirrioonna naag ko.

1 Yõaannẽ 1:2

Baa uppwannakeet ẽẽtĩ ciee ĩĩn rũgẽt ko ngagĩĩt nẽ hĩcĩtta ĩnõõnnõ. Nẽ ꞌyioko, hĩĩtta naag ꞌcĩg haduhaakuung ngagiit thõõth cĩnnĩ ho, hẽbẽrĩ cĩgĩnnĩg ꞌcĩg hanneekuung, ĩĩn nẽẽ rũgẽt ꞌcĩ aalla ooo. Baa arũmĩ nẽẽ hĩ Maaꞌnyĩ nẽ uppwaannaheet ngagĩĩta.

1 Yõaannẽ 5:11

Baa uduha Nyekuci buúk aĩ aaꞌnyeet nẽẽ ngagĩĩt rũgẽt ꞌcĩ aalla ooo nẽ Ngeerĩnĩ ꞌcĩ aꞌnyahaakeet rũgẽt icci ho.

Terethiinit 22:1

Ma ho, eteretheeha aajĩlõ hidioo umwa ꞌcĩ ariha maama dtaabawaa ꞌcĩ aayyi Nyekuci hĩ Mĩꞌnyõõn. Lĩĩl ꞌcĩ attalĩth maama nẽ ĩĩtõ tẽllĩg thõng. Ĩĩn maama tĩko maam ꞌcĩg aaꞌnyeet rũgẽt.

Terethiinit 22:16

“Nganĩĩt Yeesu! Nẽ nganĩĩt ꞌcĩ hĩꞌthõõakii nganiit aajĩlõ caannĩ ho, hikia huduhaahi thooꞌthiok iccig, hátĩ hĩthĩhĩt lothippiꞌnya cĩg lemmioohu vẽlẽk. Hĩĩnĩ naa habuccieet cĩ hattũũg cĩ õlõ cĩ Daavide. Nẽ Hĩĩnĩ coobooc gõõng aara ngerrenita.”