Yõaannẽ 1:34 - ꞌBuuk cĩ Thõõth cĩ Nyekuci

³⁴ Hĩcĩna ĩnõõnnõ dĩdĩ nẽ hagawa ngaatĩ ĩĩnnĩ nẽẽ Ngeertĩ Nyekuci.”

Yõaannẽ 1:34 ပူးပေါင်းရင်းမြစ်များ

Maatteeo 11:27

“Baa aaꞌnya nganĩĩt Baaba hẽlẽggĩ vẽlẽk. Aitiõõ ẽẽtĩ ꞌcĩ aga Ngeerĩnĩ tõõ, Maaꞌnyĩ dioo ꞌcĩ aga nẽ aitiõõ ẽẽtĩ ꞌcĩ aga Maaꞌnyĩ tõõ, Ngeerĩnĩ dioo ꞌcĩ aga, hĩ eet baag ẽbẽra Ngeerĩnĩ, hátĩ hagaacõ nẽẽg buúk ĩnõõnnõ.

Maatteeo 16:16

Ẽdẽcĩ ꞌThimõõnẽ Pẽẽtũrũ ĩnõõnnõ anneek, “Ĩĩnĩ nii Krĩstõ, Ngeertĩ Nyekuc ꞌcĩ arũgĩ.”

Maatteeo 17:5

Ma baa nga õthõõth nẽẽnĩ, ikia ũmmũt ĩhõõggõ diith umwaa ꞌcĩ õõppẽr nẽ õthõõtha mõlõõhĩ umwaa diithatõõ ĩĩ, “Loholeec caannĩ ꞌcĩ hamĩna cieeni, haccamanoothihi naa gẽrrẽẽt, hĩnĩngĩtĩ ĩnõõnnõ. Ĩthĩhĩt ĩnõõnnõ!”

Maatteeo 26:63

Baa aalla Yeesu ĩjjaaki kim. Nĩngĩtĩ annẽẽkĩ paadĩrĩ cobbi ho ĩnõõnnõ, “Hajinnii naa nganiit ꞌthaarĩĩ cĩg Makayyioohit Nyekuc ꞌcĩ aalla arũgĩ ũdũt hanneekii, duhaaheet da hatĩ ĩĩnĩ nii Krĩstõ Ngeertĩ Nyekuci dĩdĩ.”

Maatteeo 27:40

nẽ ĩĩtõ, “Nii ꞌcĩ othoothi aini õkõ hatĩ ĩꞌthaani ꞌCieeth cĩ Nyekuci nẽ etehenyuu tarĩ urutaa cĩ waathinniook iyyio ho, ẽla thĩ da ꞌyioko ẽlẽ cunni, luuccia loota hurucceea, hatĩ ĩĩnĩ nii Ngeertĩ Nyekuci!”

Maatteeo 27:43

Ẽlẽmĩ nẽẽ Nyekuc. Aꞌnyĩĩk Nyekuc hẽẽla ĩnõõnnõ ꞌyioko hatĩ adiimi, hĩnĩngĩtĩ aĩ nẽẽ, ‘Hĩĩnĩ Ngeertĩ Nyekuci.’ ”

Maatteeo 27:54

Ma baa acĩn ꞌgaalacĩ cĩ ũũrũta cĩg ꞌRooma hĩ eet ꞌcĩg baag arũmĩ hĩ ĩnõõnnõ ẽbẽk Yeesu, hirihidtik hĩ hẽlẽggĩ ꞌcĩg baag edeeꞌnyia vẽlẽk ko, iita abarritit nẽẽg gẽrrẽẽt nẽ ĩĩtõ, “Ĩko mĩĩ baa ĩĩn ẽẽtĩ ciee Ngeertĩ Nyekuci dĩdĩ!”

Maatteeo 3:17

Ma ho, õthõõtha mõlõõhĩ umwaa hẽẽtahujjieen ĩĩ, “Loholeec caannĩ ciee ꞌcĩ hamĩna, haccamanaa naa ĩnõõnnõ gẽrrẽẽt.”

Maatteeo 4:3

Nĩngĩtĩ aku attĩmanĩ ꞌThĩttaanĩ ĩnõõnnõ annẽẽkĩ, “Má ĩĩnĩ nii Ngeertĩ Nyekuci dĩdĩ, duhaak biyyiẽẽn iccig hutuhuyyi hĩĩtõ ũbũnẽẽta.”

Maatteeo 4:6

Ma nĩngaata, ĩttĩman ĩnõõnnõ ĩĩnnĩk, “Má ĩĩnĩ nii Ngeertĩ Nyekuci dĩdĩ, dhuhi da ngaati, hĩnĩngĩtĩ eheeddi ꞌBuuhaa cĩ Nyekuci aĩ, “ ‘Aduhaak hatĩ Nyekuci aajĩlẽẽt cĩgĩnnĩg halaamtaii athĩnĩĩ cĩggĩĩng, hátĩ hiittiõõ hõllõngaa aduulli bẽẽ ꞌthoo.’ ”

Maatteeo 8:29

Ma ho, eggerenyit ĩĩtõ, “Adiimi nii hĩ ngagĩĩt neegi Ngeertĩ Nyekuci? Ikia nii uukeet ngagĩĩt nga hũttũbanoothĩk kõrra baa eberriaa ꞌcĩ hatĩ ukẽẽttõ?”

Maarko 1:1

Ĩĩn ciee ꞌthianaanĩt cĩ nyeemuut ꞌcĩ abũnnaa cĩ Ngeertĩ Nyekuci Yeesu Krĩstõ.

Maarko 1:11

Ma ho, õthõõth mõlõõhĩ umwaa ꞌcĩ aku hẽẽtahujjieen ĩĩ, “Ĩĩnĩ nii Loholeec caannĩ ꞌcĩ hammĩnannii gẽrrẽẽt ũdũt nẽ haccamanoothihi naa, hĩnĩngĩtĩ nganiita.”

ꞌLuuka 1:35

Ẽdẽcĩ aajĩlõ ĩnõõnnõ anneek, “Alluucciakii hatĩ Lorii ꞌcĩ Ẽllẽẽmĩth nganiit nẽ ummuti ꞌtirriani cĩ Nyekuc ꞌcĩ ĩllõõan vẽlẽk. Ma urutaa cĩnnĩ, ũũkcaa hatĩ loholeec ꞌcĩ ẽllẽẽmĩth ꞌcĩ hatĩ haĩ Ngeertĩ Nyekuci.

ꞌLuuka 3:22

nẽ ulluuccia Lorii ꞌcĩ Ẽllẽẽmĩth ꞌcĩ aaĩ hĩ bõllõõĩ. Nĩngĩtĩ õthõõthanĩ mõlõõhĩ umwaa hẽẽtahujjieen aĩnnĩ, “Ĩĩnĩ nii Loholeec caannĩ ꞌcĩ hamĩna. Haccamanannii maaꞌnyu gẽrrẽẽt.”

Yõaannẽ 1:18

Nga hĩcĩn eet umwaa Nyekuc, Ngeerĩnĩ ꞌcĩ odoyyii dioo, ꞌcĩ ĩĩn Nyekuc dĩdĩ nẽ õbõhõõ hĩ Maaꞌnyĩ ꞌcĩ etereꞌtheet ngagĩĩt hagaac Nyekuc.

Yõaannẽ 1:49

Nĩngĩtĩ õthõõthĩ Nathaniele aĩnnĩ, “ꞌLimmannioohit! Ĩĩnĩ nii Ngeertĩ Nyekuci, habu cĩ Ĩꞌthĩraẽlĩ!”

Yõaannẽ 10:30

Hĩĩgĩnna naag hĩ Baaba hõdẽẽthõng.”

Yõaannẽ 10:36

Inni ahaddiahaangu ĩĩttĩhaangu hadĩmani ꞌthẽccan ꞌcĩ abathĩ dtẽc ngaatĩ haĩnnĩ, hĩĩnĩ Ngeertĩ Nyekuci ho? Nẽ nẽẽ tarĩ, Baaba ꞌcĩ baa ẽbẽraanna nganĩĩt nẽ ĩꞌthõõawaa hikia loota nĩnga ho.

Yõaannẽ 11:27

Ẽdẽcĩ Maarta anneek, “Eei, helemi Makayyioohit! Helemi naa ngaatĩ ĩĩnnĩ nii Krĩstõ Ngeertĩ Nyekuci, baa hammuka naag haĩnna aku hatĩ looccaa nĩĩcĩ.”

Yõaannẽ 19:7

Baa ara eeta cĩg ꞌJudeei aĩ, “Haꞌnyaka naag nyattal nẽ nyattaalaa tĩho, adiim aruhi nẽẽ, hĩnĩngĩtĩ aĩ hĩĩnĩ Ngeertĩ Nyekuci.”

Yõaannẽ 20:28

Ma ho, ĩĩnnĩk Tomaaꞌthio ĩnõõnnõ, “Makayyioohit caannĩ hĩ Nyekuc caannĩ!”

Yõaannẽ 20:31

Nẽẽthĩ, baa eheeddi thooꞌthioha cieeg, hátĩ elemit niig ngaatĩ ĩĩnnĩ Yeesu Krĩstõ Ngeertĩ Nyekuci. Nẽ má elemtu, aꞌnyaku hatĩ rũgẽt ꞌcĩ aalla ũdũt ꞌthaarĩĩ cĩgĩnnĩg.

Yõaannẽ 6:69

Helemmi naag nganiit nẽ hagayyia ngaatĩ ĩĩnnĩ nii Loholeec ꞌcĩ Odoyyii ꞌcĩ Elleemi cĩ Nyekuci.”

ꞌRooma 1:4

Nẽẽthĩ, baa aduha Lorii ꞌcĩ Ẽllẽẽmĩth ꞌtirriaanaa cĩnnĩ, ngaatĩ ĩĩnnĩ Yeesu Krĩstõ Makayyioohit cĩnaac Ngeertĩ Nyekuci, hĩnĩngĩtĩ baa arũgtha Nyekuci ĩnõõnnõ daahĩtha.

2 Korinthia 1:19

Hĩnĩngĩtĩ Yeesu Krĩstõ Ngeertĩ Nyekuci baa hallimaneekuung naag ngagiita, hõllõngaa aĩ pang pang thõõthaa ꞌcĩ ĩĩn dĩdĩ, hode ĩĩcĩ hõllõngaa ĩĩn dĩdĩ. Ĩnõõnnõ baa haduhaakuung naag hĩ ꞌThĩĩla hĩ Timotteeo Nyeemuut cĩnnĩ ꞌcĩ Abũnnaa. Ĩĩn thooꞌthioha ꞌcĩg aduha Nyekuci vẽlẽk dĩdĩ nẽ adĩman hõdõõkõthĩ thõõth ꞌcĩ aduha nẽẽnĩ.

Ebereei 7:3

Baa aitiõõ hõllõngaa agayyi maaꞌnyĩ Melkithẽdẽhĩ hode ngaannia hode maajiha cĩg baarkit hode ꞌtirriaanĩtĩ hĩ daahĩth cĩnnĩ. Ikia aala nẽẽ ĩĩ paadĩr ũdũt haau hĩ Ngeertĩ Nyekuci.

1 Yõaannẽ 2:23

Ẽẽtĩ ꞌcĩ abũrĩ Ngeertĩ Nyekuci, abũrĩ nẽẽ Maaꞌnyĩ buúk. Nẽẽthĩ, ẽẽtĩ ꞌcĩ ẽlẽmĩ Ngeertĩ Nyekuci, ẽlẽmĩ nẽẽ Maaꞌnyĩ buúk.

1 Yõaannẽ 3:8

Ẽẽtĩ ꞌcĩ aalla adĩman ꞌthẽccan, ĩĩn eet cĩ habu cĩ loriẽẽt ꞌcĩg abathĩ. Baa ẽꞌthẽcanõõ ꞌThĩttaanĩ baa ꞌthianaatta, nẽẽthĩ, baa aku Ngeertĩ Nyekuci hikia hõõga eet dtiicanẽẽnnĩ vẽlẽk ĩcĩg abathĩ ĩcĩg ꞌThĩttaanak.

1 Yõaannẽ 4:9

ꞌGõõl ꞌcĩ baa eterꞌtheekeet Nyekuci mĩnnan cĩnnĩ cieeni, kõr baa ĩꞌthõõanĩ Ngeerĩnĩ ꞌcĩ odoyyii, hikia haaꞌnyeet rũgẽt.

1 Yõaannẽ 5:20

Hagaacõ naag buúk haĩ, ikia Yeesu Krĩstõ Ngeertĩ Nyekuci nẽ eteretheeheet ngagĩĩt Nyekuc ꞌcĩ ĩĩn dĩdĩ. Nẽ haattĩg naag hĩ ĩnõõnnõ ꞌcĩ ĩĩn dĩdĩ nẽ tarĩ, hũrũmtĩ hĩ Loholeec cĩnnĩ Yeesu Krĩstõ ꞌcĩ ĩĩn Nyekuc dĩdĩ nẽ aaꞌnyeet ngagĩĩt rũgẽt ꞌcĩ aalla ooo.

2 Yõaannẽ 1:9

Ma arayyu uuhuyyu thõõth cĩ Krĩstõ baa allimanoothikuung ngagiita, occa hinnia hatĩ hõllõngaa aaĩ Nyekuci hĩ ngagiit tarĩ. Nẽẽthĩ, má aꞌthũũnnu thõõth baa Krĩstõ baa allimanoothikuunga, aattĩg thĩ hatĩ Baangẽẽtĩ hĩ Ngeerĩnĩ hĩ ngagiita.

Terethiinit 2:18

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu, ꞌtaaũnaa cĩ Thiatira. “Duhaak anneek, nyeemuut nicciaa ꞌcĩ ĩꞌthõõa Ngeertĩ Nyekuci, ꞌcĩ alanyĩt hẽbẽrĩ haauto hĩ lanyit cĩ ꞌgwoyyio nẽ attaalito ꞌthoona hĩ ꞌthĩĩha ꞌcĩg attalĩthĩ.