Yõaannẽ 1:3 - ꞌBuuk cĩ Thõõth cĩ Nyekuci

³ Baa ẽhẽnytaa hẽlẽggĩ vẽlẽk Thõõthaa nĩĩcĩ. Má baa hiittiõõ nẽẽ tõõ, aitiõõ baa ꞌgii ꞌcĩ ẽhẽnytaa tõõ.

Yõaannẽ 1:3 ပူးပေါင်းရင်းမြစ်များ

ꞌThianaattõ 1:1

Baa ꞌthianaatta, baa ẽhẽnyta Nyekuci hẽẽtkujjieen hĩ looc.

ꞌThianaattõ 1:26

Nẽ õthõõth Nyekuci tarĩ ĩĩ, “Nẽẽthĩ ꞌyioko, hẽtẽhẽnyta thĩ eet ꞌcĩ aaĩ hĩ naaga, hátĩ hũꞌthũũtĩ ulugo hĩ hĩbaallĩ hĩ idiꞌngwa ꞌcĩg obbitig hĩ ꞌcĩg hidicig vẽlẽk ꞌcĩg õvvõ loota.”

Yõaannẽ 1:10

Baa aaĩ Thõõth loota nĩnga, tananga baa ẽhẽnyta nẽẽ looc, baa hinnia aitiõõ ẽẽtĩ ꞌcĩ aga ĩnõõnnõ tõõ.

Yõaannẽ 1:2

Baa arũmĩ Thõõth hĩ Nyekuc baa ꞌthianaatta.

1 Korinthia 8:6

Haꞌnyak naag Nyekuc hõdẽẽthõng diooni nẽ ĩĩn Baangeet. Baa ẽhẽnyta nẽẽ hẽlẽggĩ vẽlẽk nẽ harũgĩ naag, hĩnĩngĩtĩ ĩnõõnnõ. Yeesu Krĩstõ diooni ꞌcĩ ĩĩn Makayyioohit cĩnaac. Baa ẽhẽnytaa hẽlẽggĩ vẽlẽk ꞌthaarĩĩ cĩgĩnnĩg nẽ aaꞌnyeet Yeesu ngagĩĩt rũgẽt.

Eevvetho 3:9

Baa heberria naa, hátĩ hẽddẽẽbak eet vẽlẽk thooꞌthiok ꞌcĩg ĩllõõan ꞌgẽẽnyĩth cĩ eetu, baag agunyuth Nyekuci Teheꞌnyioohiti cĩ hẽlẽggĩ vẽlẽk, ngaanĩngĩtĩ ꞌthianaattõ.

Ebereei 11:3

Hĩnĩngĩtĩ lemiinit, haga naag haĩ, baa ẽhẽnytaa lõõcĩ thõõthaa ꞌcĩ aduha Nyekuci. Nẽ tarĩ haga naag haĩ, baa ẽhẽnytaa ꞌgii ꞌcĩ hacĩn naag ꞌyioko ho, ꞌgiiaa ꞌcĩ hõllõngaa edeeꞌnyia.

1 Yõaannẽ 5:1

Ẽẽtĩ ꞌcĩ ẽlẽmĩ ngaatĩ ĩĩnnĩ Yeesu, Krĩstõ, ĩĩn nẽẽ loholeec cĩ Nyekuci nẽ ẽẽtĩ ꞌcĩ ammĩnan Maaꞌnyĩ, ammĩnan nẽẽ ngeerĩnĩ buúk.

Terethiinit 3:14

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu ꞌtaaũnaa cĩ Laodicea. “Duhaak anneek, aku nyeemuut ciee hĩ eet ꞌcĩ haĩ Aamẽn, eet ꞌcĩ ẽlẽmĩ Nyekuc nẽ ĩĩ hebereec ꞌcĩ ĩĩn dĩdĩ, ĩĩn nẽẽ eet ꞌcĩ aggam looc ꞌcĩ ĩĩn ngeju ꞌcĩ nga ẽhẽnyta Nyekuci thõng.

Terethiinit 4:11

“Makayyioohit hĩ Nyekuc cĩnaang, iini nii eet ꞌcĩ occa aaꞌnyĩhoothikii dĩhĩthẽẽnĩtĩ hĩ bulẽẽnĩt hĩ ꞌtirrian vẽlẽk, hĩnĩngĩtĩ baa ẽhẽnyta nii hẽlẽggĩ vẽlẽk, baa ẽtẽhẽnytaa nẽẽg tabiittaa cunni, nẽ aaꞌnyĩhuu ĩhõõggõ rũgẽt.”