Yõaannẽ 1:18 - ꞌBuuk cĩ Thõõth cĩ Nyekuci

¹⁸ Nga hĩcĩn eet umwaa Nyekuc, Ngeerĩnĩ ꞌcĩ odoyyii dioo, ꞌcĩ ĩĩn Nyekuc dĩdĩ nẽ õbõhõõ hĩ Maaꞌnyĩ ꞌcĩ etereꞌtheet ngagĩĩt hagaac Nyekuc.

Yõaannẽ 1:18 ပူးပေါင်းရင်းမြစ်များ

ꞌThianaattõ 16:13

Nĩngĩtĩ akannẽẽkĩ Hagaarĩ ꞌthaar iccig Makayyioohit baa õthõõthõõ hĩ ĩnõõnnõ aĩ, “Iini nii Nyekuc ꞌcĩ acĩnnaa nganĩĩta, hĩcĩna aattĩ eet ꞌcĩ acĩnna nganĩĩt ko.”

ꞌThianaattõ 18:33

Ma baa edecciaak nẽẽg ngaatĩ õthõõthõnĩ, ĩtĩnga Makayyioohiti ũũha. Nĩngĩtĩ õbõdõõꞌthĩ Abũrahamĩ buúk ĩĩcĩ õlõ cĩnnĩ.

Luugithõõ 23:21

Ĩthĩhĩt thõõth vẽlẽk ꞌcĩ aduha aajĩlõ jurrung, hĩnĩngĩtĩ haaꞌnyĩha naa ĩnõõnnõ makaaꞌthĩt nẽ hõllõngaa occa hatĩ ẽlẽmĩ nẽẽ eet ꞌcĩ ĩĩn ꞌloorriahit.

Luugithõõ 24:10

Ma nĩngaata, udtuukta nẽẽg Nyekuc cĩ Ĩꞌthĩraẽlĩ. Nẽ ꞌthõõnĩĩ cĩgĩnnĩg loota, baa aaĩ ꞌgiimwaa ꞌcĩ aaĩ hĩ bẽẽ ꞌcĩ cũlahẽẽnĩ nẽ ĩĩ tẽlla haau hĩ hẽẽtkujjieen.

Maatteeo 11:27

“Baa aaꞌnya nganĩĩt Baaba hẽlẽggĩ vẽlẽk. Aitiõõ ẽẽtĩ ꞌcĩ aga Ngeerĩnĩ tõõ, Maaꞌnyĩ dioo ꞌcĩ aga nẽ aitiõõ ẽẽtĩ ꞌcĩ aga Maaꞌnyĩ tõõ, Ngeerĩnĩ dioo ꞌcĩ aga, hĩ eet baag ẽbẽra Ngeerĩnĩ, hátĩ hagaacõ nẽẽg buúk ĩnõõnnõ.

ꞌLuuka 10:22

“Baa aaꞌnya nganĩĩt Baaba caannĩ hẽlẽggĩ vẽlẽk. Aitiõõ ẽẽtĩ ꞌcĩ aga Ngeerĩnĩ tõõ, Maaꞌnyĩ dioo ꞌcĩ aga. Nẽ tarĩ, aitiõõ ẽẽtĩ ꞌcĩ aga Maaꞌnyĩ tõõ, Ngeerĩnĩ dioo hĩ eet ꞌcĩg ẽbẽra Ngeerĩnẽẽnĩ ꞌcĩg aga ĩnõõnnõ.”

Yõaannẽ 1:14

Ma nĩngaata, ikia Thõõth baa ĩĩn lanyit ĩĩ eet nẽ hũrũmtĩ hĩ ngagĩĩt hõdẽĩ loota nĩnga. Hiita hĩcĩnĩt naag bulẽẽnĩt cĩnnĩ dĩdĩ, bulẽẽnĩt cĩ Ngeertĩ Nyekuc Maaꞌnyĩ ꞌcĩ odoyyii. Aꞌnyahaakeet nẽẽ ngagĩĩt loota nĩnga, bũnnai hĩ thõõth vẽlẽk ꞌcĩ ĩĩn dĩdĩ, ꞌcĩ aku hĩ Nyekuc.

Yõaannẽ 12:41

Baa aduha põrõvẽtaacĩ Iꞌthaia thõõth icci, hĩnĩngĩtĩ baa ĩcĩn nẽẽ thõõth cĩ bulẽẽnĩt cĩ Yeesu horumwa nẽ õthõõth bulẽẽnĩt cĩ Elliookto.

Yõaannẽ 13:23

Baa aaĩ nuyyioohiti umwaa ꞌcĩ baa gõõng ammĩnan Yeesu, baa õbõhõõ nẽẽ hĩ Yeesu ꞌthaa ꞌcĩ aduhẽẽnĩ nẽẽgĩ.

Yõaannẽ 14:9

Ẽdẽcĩ Yeesu Pilippo anneek, “Pilippo, hũrũmtĩ naag hĩ ngagiit waathinniook ꞌcĩg mẽẽlĩg nẽ nga gawaa buúk? Má ĩcĩna ẽẽtĩ umwaa nganĩĩta, ĩcĩn nẽẽ Baaba buúk. Anneekaa gõõng ‘Teretheeheet Baaba inni?’

Yõaannẽ 17:26

Haaꞌnyĩha naa ĩhõõggõ hagayyi nganiita nẽ aalla hatĩ haaꞌnyihi ĩhõõggõ hagayyi nganiit, hátĩ haau mĩnnanĩ ꞌcĩ aꞌnyaheekaa nii nganĩĩt hĩ ĩhõõggõ nẽ hátĩ haau naa buúk hĩ ĩhõõggõ.”

Yõaannẽ 17:6

“Heteretheehii naa nganiit eet baag aaꞌnyaa nii nganĩĩt loota nĩnga. Baa ĩĩn nẽẽg eet cugunnig, baag aaꞌnyaa nii nganĩĩta nẽ uꞌthuutti nẽẽg thõõth cunni.

Yõaannẽ 3:11

Haduhaakii thõõth dĩdĩ, haduhaanna naag thõõth ꞌcĩ hagayyia, hĩnĩngĩtĩ hĩcĩtta hẽbẽrẽẽnnĩĩ cĩggaang. Nẽẽthĩ hinnia, hõllõngaa elemmu thõõth ꞌcĩ haduhaanna naag ko ũdũt.

Yõaannẽ 6:46

Nga hĩcĩn eet umwaa Baaba, nẽẽthĩ, eet baa aku hĩ Nyekuc dioo ꞌcĩ ĩcĩn ĩnõõnnõ.

2 Korinthia 4:4

ꞌThĩttaan ꞌcĩ aggam looc nicci. Nẽ ĩnõõnnõ ꞌcĩ adĩĩt ooti cĩg eet ꞌcĩg hõllõngaa aga lanyit ꞌcĩ ĩĩn bulẽẽnĩt cĩ nyeemuut ꞌcĩ abũnnaa cĩ Krĩstõ, ꞌcĩ ĩĩn ꞌthooura cĩ Nyekuci ho.

Kolooꞌthe 1:15

Aaĩ Krĩstõ hĩ Nyekuci ꞌcĩ hõllõngaa hacĩn naaga. Baa arrittiaa nẽẽ ĩĩcĩ oou nẽ ĩĩn nẽẽ habu cĩ hẽlẽggĩ vẽlẽk ꞌcĩg ẽhẽnytaa.

1 Timotteeo 1:17

Aꞌnyĩĩk eet hĩdĩhĩthĩt nẽ ubuluthit Nyekuc cĩnaac irkiꞌnyia hĩ irkiꞌnyia. Ĩĩn nẽẽ habu ꞌcĩ aalla ũdũt, ꞌcĩ hõllõngaa edeeꞌnyia nẽ hõllõngaa adaahĩ. Ĩĩn nẽẽ dioo Nyekuc. Aamẽn.

1 Timotteeo 6:16

Ĩnõõnnõ dioo ꞌcĩ arũgĩ ũdũt, aaĩ nẽẽ lanyitatõõ ꞌcĩ hõllõngaa occa õdõlan ẽẽtĩ umwaa hõbõktõ. Nga hĩcĩn eet umwaa Nyekuc nẽ aitiõõ hatĩ eet umwaa ꞌcĩ acĩn ĩnõõnnõ ũdũt tõõ. Hĩdĩhĩthĩt Nyekuc, aalla hatĩ makaaꞌthĩt cĩnnĩ ooo, Aamẽn!

1 Yõaannẽ 4:12

Nga hĩcĩn eet umwaa Nyekuc. Nẽẽthĩ, má hammĩnan naag eleeti cĩggaac, aaĩ Nyekuci eleetinii cĩggaac nẽ edeeꞌnyia mĩnnanĩ cĩnnĩ ho hĩ ngagĩĩt, ꞌgõõlaa ꞌcĩ hammĩnanĩ eet ũgĩ.

1 Yõaannẽ 4:20

Má aĩ eet umwaa hammĩnani Nyekuc nẽ hõllõngaa ammĩnan ꞌgõtõnĩ hode ngõõnĩ, ĩĩn ẽẽtĩ tĩho oloꞌngiaahit. Hĩnĩngĩtĩ ẽẽtĩ ꞌcĩ hõllõngaa ammĩnan ꞌgõtõnĩ hode ngõõnĩ ꞌcĩ acĩn nẽẽnĩ, hõllõngaa occa ammĩnan nẽẽ Nyekuc ꞌcĩ nga hĩcĩn nẽẽnĩ.

1 Yõaannẽ 4:9

ꞌGõõl ꞌcĩ baa eterꞌtheekeet Nyekuci mĩnnan cĩnnĩ cieeni, kõr baa ĩꞌthõõanĩ Ngeerĩnĩ ꞌcĩ odoyyii, hikia haaꞌnyeet rũgẽt.

1 Yõaannẽ 5:20

Hagaacõ naag buúk haĩ, ikia Yeesu Krĩstõ Ngeertĩ Nyekuci nẽ eteretheeheet ngagĩĩt Nyekuc ꞌcĩ ĩĩn dĩdĩ. Nẽ haattĩg naag hĩ ĩnõõnnõ ꞌcĩ ĩĩn dĩdĩ nẽ tarĩ, hũrũmtĩ hĩ Loholeec cĩnnĩ Yeesu Krĩstõ ꞌcĩ ĩĩn Nyekuc dĩdĩ nẽ aaꞌnyeet ngagĩĩt rũgẽt ꞌcĩ aalla ooo.