Yõaannẽ 1:14 - ꞌBuuk cĩ Thõõth cĩ Nyekuci

¹⁴ Ma nĩngaata, ikia Thõõth baa ĩĩn lanyit ĩĩ eet nẽ hũrũmtĩ hĩ ngagĩĩt hõdẽĩ loota nĩnga. Hiita hĩcĩnĩt naag bulẽẽnĩt cĩnnĩ dĩdĩ, bulẽẽnĩt cĩ Ngeertĩ Nyekuc Maaꞌnyĩ ꞌcĩ odoyyii. Aꞌnyahaakeet nẽẽ ngagĩĩt loota nĩnga, bũnnai hĩ thõõth vẽlẽk ꞌcĩ ĩĩn dĩdĩ, ꞌcĩ aku hĩ Nyekuc.

Yõaannẽ 1:14 ပူးပေါင်းရင်းမြစ်များ

Maatteeo 1:16

nẽ Yakobo ikia ittira Yothebo, ꞌcĩ baa hikia hũꞌthũwan Maria ꞌcĩ hikia hĩĩ aattĩ Yeesu ꞌcĩ haĩ Krĩstõ.

ꞌLuuka 2:11

Ittirria Ellioohiti cunuung iyyieni ꞌtaaũnaa cĩ Daavide, ĩnõõnnõ Krĩstõ Makayyioohiti.

ꞌLuuka 2:7

nĩngĩtĩ ũũkcanĩ nẽẽ ngeerĩnĩ ꞌcĩ oou nẽ ũmũmmũũran cẽrẽma nẽ aaꞌnyĩk hatangu haahũlaa ꞌcĩ aarĩkĩ eeta cĩg ꞌJudeei arteenit ꞌcĩ ẽgĩ hẽlẽggĩ, hĩnĩngĩtĩ baa ummuddioothĩk nẽẽg ĩbbĩt nĩngĩtĩ ꞌcĩ gõõng adũman heerinniooha nẽ atagguuꞌthi.

ꞌLuuka 9:32

Ammũdeek hinnia thõõth ciee aggamta Pẽẽtũrũ hĩ ꞌgõõnõgĩ ũꞌnyaaha. Ma baa acĩnĩ ho, adtuuha hinnia bulẽẽnĩt cĩ Yeesu nẽ ĩcĩnĩt eet ꞌramma abĩlĩ hõdẽĩ hĩ ĩnõõnnõ.

Yõaannẽ 1:1

Baa ꞌthianaatta, baa aaĩ Thõõtha. Baa arũmĩ Thõõth hĩ Nyekuc nẽ baa ĩĩn Thõõth Nyekuc.

Yõaannẽ 11:40

Ẽdẽcĩ Yeesu ĩnõõnnõ anneek, “Nga nooyyia huduhaahii naa nganiit hiinnihi, má aꞌnyahi lemiinit, acini hatĩ bulẽẽnĩt cĩ Nyekuci?”

Yõaannẽ 14:6

Ẽdẽcĩ Yeesu ĩnõõnnõ anneek, “Hĩĩnĩ naa ꞌgõõl hĩ thõõth ꞌcĩ ĩĩn dĩdĩ hĩ rũgẽt. Aitiõõ ẽẽtĩ ꞌcĩ occa õkõ hĩ Baaba, hatĩ haitiõõ naa tõõ!

Yõaannẽ 14:9

Ẽdẽcĩ Yeesu Pilippo anneek, “Pilippo, hũrũmtĩ naag hĩ ngagiit waathinniook ꞌcĩg mẽẽlĩg nẽ nga gawaa buúk? Má ĩcĩna ẽẽtĩ umwaa nganĩĩta, ĩcĩn nẽẽ Baaba buúk. Anneekaa gõõng ‘Teretheeheet Baaba inni?’

Yõaannẽ 17:22

Haaꞌnyĩha naa ĩhõõggõ bulẽẽnĩt baa aaꞌnyaa nii nganĩĩta, hátĩ hũrũmtĩ nẽẽg hõdẽĩ hĩcĩ harũmĩ naag hĩ nganiita.

Yõaannẽ 17:24

“Baaba, hadiimi naa eet vẽlẽk baag aaꞌnyaa nii hũrũmteea hĩ nganĩĩt ngaatĩ haayyi naana, hátĩ hĩcĩnĩt nẽẽg bulẽẽnĩt caannĩ, bulẽẽnĩt baa aaꞌnyaa nii nganĩĩta, hĩnĩngĩtĩ ammĩnannaa nii nganĩĩt baa nga heteheꞌnyiaa lõõcĩ.

Yõaannẽ 18:37

Nĩngĩtĩ aĩnnĩ Pĩlaatõ, “Ĩĩnĩ thĩ mĩĩ ꞌthẽk habu!” Ẽdẽcĩ Yeesu anneek, “Ẽbẽaneehi ngaatĩ aĩnnĩ hĩĩnĩ naa habu. Nẽ dĩdĩ, baa harrittia naa, hĩnĩngĩtĩ thõõth icci nẽ baa thõõth icci ꞌcĩ hakuuni naa loota nĩnga ho, hátĩ hĩĩ hebereec cĩ thõõth ꞌcĩ ĩĩn dĩdĩ. Nẽ eeta vẽlẽk ꞌcĩg ammĩnan thõõth ꞌcĩ ĩĩn dĩdĩ, athĩhĩ thõõth caannĩ.”

Yõaannẽ 2:11

Thõõth ꞌcĩ baa adtican Yeesu ĩĩcĩ oou, ꞌcĩ ĩnaat eeta ho cieeni. Baa adtican nẽẽ thõõth icci, õlõõ cĩ Kana, looccaa cĩ ꞌGalileea. Ikia ẽtẽrẽtha Yeesu bulẽẽnĩt cĩnnĩ õlõõ nĩĩca nẽ iita elemit nuyyiooha cĩgĩnnĩg ĩnõõnnõ, hĩnĩngĩtĩ thõõth icci.

Yõaannẽ 3:16

“Hĩnĩngĩtĩ baa ammĩnan Nyekuci eet cĩg looc nicci gẽrrẽẽt ũdũt, ĩnõõ ꞌcĩ ẽlẽmanaanĩ Ngeerĩnĩ ꞌcĩ odoyyii ẽlẽ cĩnnĩ, hátĩ hiittiõõ ẽẽtĩ ꞌcĩ ẽlẽmĩ Ngeerĩnĩ hõllõngaa adaahĩ. Ammũda hatĩ ẽẽtĩ ꞌcĩ ẽlẽmĩ ĩnõõnnõ ho, rũgẽt ꞌcĩ aalla ooo.

Yõaannẽ 3:18

Hõllõngaa hatĩ uuki ẽẽtĩ ꞌcĩ ẽlẽmĩ Ngeertĩ Nyekuci, nẽẽthĩ, ẽẽtĩ ꞌcĩ hõllõngaa ẽlẽmĩ ĩnõõnnõ, ẽttẽẽdĩ thõõth cĩnnĩ ẽlẽk, hĩnĩngĩtĩ hõllõngaa ẽlẽmĩ nẽẽ Ngeertĩ Nyekuci ꞌcĩ odoyyii.

Yõaannẽ 6:51

Hĩĩnĩ naa ũbũnĩ cĩ rũgẽtõ baa alluuccia hẽẽtahujjieen. Eeta ꞌcĩg aduk ũbũnĩ icci, arũgĩ hatĩ nẽẽg ũdũt. Ĩĩn ũbũnĩ ciee ẽlẽ caannĩ ꞌcĩ hatĩ haaꞌnyihi eet cĩg looc nicci, hátĩ hũrũgĩt.”

Yõaannẽ 8:32

Au hatĩ agayyu thõõth ꞌcĩ ĩĩn dĩdĩ nẽ hatĩ õõgauung ngagiit thõõth ꞌcĩ ĩĩn dĩdĩ ho, aaut lõꞌngõõc.”

Dtiicanĩ cĩg ꞌThooyyiahu 13:33

idticaneeheet Nyekuci ngagĩĩt lõhõlĩ cĩg hĩbaangĩ cĩggaac, thõõth ꞌcĩ arũgthaanĩ nẽẽ Yeesu. Hĩcĩ eheeddi ꞌBuuhaa cĩ Tegellwaanu dhoortaa ꞌcĩ ĩĩn ꞌramma aĩ, “ ‘Iini nii Loholeec caannĩ nẽ ꞌyioko kõr nicci, hanneekii hĩĩna naa Maaꞌnyu.’

ꞌRooma 8:3

Hõllõngaa occa adĩman nyattalĩ cĩ Mũũꞌtha thõõth icci, hĩnĩngĩtĩ aaꞌnyĩk thõõth ꞌcĩ habũranẽẽkĩ naag nyattal, hiittiõõ hõllõngaa attiranĩ. Nẽẽthĩ, baa õõgauung ngagiit Nyekuci, ngaatĩ ĩꞌthõõanĩ Ngeerĩnĩ hikia haau hĩ naag ꞌthẽccanniooha nẽ ĩĩ ꞌgaarrieenit cĩ ꞌthẽccanẽẽt cĩggaac. Adticaniini Nyekuci ẽlẽ cĩ Yeesu habathanĩ ꞌthẽccan.

ꞌRooma 9:5

Ĩĩn Abũrahamĩ hĩ Iꞌthaako hĩ Yakobo maajihi cĩggĩĩng nẽ baa ĩĩn Yeesu Krĩstõ buúk Ĩꞌthĩraẽleenit hĩ ẽẽtĩ ꞌcĩ holli õõ. Nẽ ĩĩn nẽẽ Nyekuc, ꞌcĩ aggam looc vẽlẽk, hátĩ hĩdĩhĩthĩt eeta ĩnõõnnõ ooo! Aamẽn.

1 Korinthia 15:47

Baa ẽhẽnytaa ẽẽtĩ ꞌcĩ oou dooba, nẽẽthĩ, baa aku ẽẽtĩ ꞌcĩ uruto ho hẽẽtahujjieen.

2 Korinthia 12:9

Nẽ ikia ẽdẽca nẽẽ nganĩĩt ĩnnĩhaa, “Bũnnai caannĩ dioo ꞌcĩ adiimi niina. Hĩnĩngĩtĩ maka ꞌtirriani caannĩ hatĩ appĩĩrna niina.” Nẽẽthĩ, hatali hatĩ naa gẽrrẽẽt hatĩ aaꞌnya Krĩstõ nganĩĩt ꞌtirrian cĩnnĩ, hĩnĩngĩtĩ appĩĩrna ẽlẽ caannẽẽnĩ.

ꞌGalaaꞌthia 4:4

Ma baa õdõlan kõrra niccia dẽẽdẽ, ikia ĩꞌthõõa Nyekuci Ngeerĩnĩ, ꞌcĩ baa ũũkca ngaa baa aꞌthũũnnĩ nyattal cĩ Mũũꞌtha,

Eevvetho 3:8

Tananga hĩĩnĩ naa eet umwa haaga eetinii cĩg Nyekuci vẽlẽk, baa aaꞌnyĩhoothĩkaa nganĩĩt bũnnai ciee, hátĩ hillimaneek eet ꞌcĩg hõllõngaa ĩĩn ꞌJudeei baliinit cobbi gẽrrẽẽt ꞌcĩ aaĩ hĩ Krĩstõ.

Kolooꞌthe 1:19

Baa accamanoothĩk Nyekuci ngaatĩ aayyi nẽẽ hũtũrũũr ẽllaa cĩ Ngeerĩnĩ.

Kolooꞌthe 2:3

Aguꞌthi ꞌgẽẽnyĩthĩ hĩ gaiinit vẽlẽk hĩ ĩnõõnnõ.

Kolooꞌthe 2:9

Hĩnĩngĩtĩ aaĩ Nyekuci hũtũrũũr ẽllaa cĩ Krĩstõ.

1 Timotteeo 3:16

Aitiõõ jinẽẽnĩtĩ tõõ, ĩĩn ciee thõõth cobbi gẽrrẽẽt, ꞌcĩ ĩllõõan ꞌgẽẽnyĩth cĩ eetu lemiittaa cĩnaac. Baa arrittiaa Yeesu loota nĩnga hĩĩ eet hĩ naaga nẽ ikia ẽtẽrẽtha Lorii ꞌcĩ Ẽllẽẽmĩth aĩ, aaꞌnyĩk nẽẽ Nyekuc hatal gẽrrẽẽt nẽ ĩcĩnĩt aajĩlẽẽta buúk ĩnõõnnõ, ma nĩngaata, ikia ũũhĩ Nyekuci ĩnõõnnõ bulẽẽtta hẽẽtahujjieen. Allimanoothĩk thõõth cĩnnĩ eet loonyini vẽlẽk, nĩngĩtĩ au ẽlẽmmĩ eeta thõõth cĩnnĩ.

Ebereei 1:3

Ĩĩn Ngeerĩnĩ lanyit cĩ bulẽẽnĩt cĩ Nyekuci nẽ aduhõõ nẽẽ hĩ Nyekuc ꞌgiiaa vẽlẽk. Aggam nẽẽ looc vẽlẽk kõmĩĩthaa cĩ thõõth cĩnnĩ. Ma baa ũtũũny nẽẽ ꞌthẽccanẽẽt cĩg eetuk ẽlẽk, ũũk iccioloongan hẽẽtahujjieen attiaa cobbi makaaꞌthĩtaa cĩ Nyekuci.

Ebereei 1:5

Baa nga hĩĩnnĩk Nyekuci aajĩlõ umwa, “Iini nii Loholeec caannĩ, nẽ ꞌyioko kõr nicci, hĩĩna naa Maaꞌnyu.” Hode anneek, “Hĩĩnĩ hatĩ naa Maaꞌnyĩ nẽ ĩĩn hatĩ nẽẽ Loholeec caannĩ.”

Ebereei 10:5

Ĩnõõ baa akuuni Krĩstõ loota nĩnga, hikia hĩĩnnĩk Nyekuc, “Baa hõllõngaa adiimi nii ꞌgaarriẽẽn cĩg idiꞌngwaanu hode atabi ꞌbaaninit ꞌcĩ ũũny ꞌthẽccanẽẽt. Nẽẽthĩ, baa aaꞌnyaa nii nganĩĩt ẽlẽ caannĩ hẽlẽmana hĩĩ ꞌbaaninit.

Ebereei 2:11

Yeesu hĩ eet ꞌcĩg aaꞌnyĩk nẽẽ helleemito ho, odoyyii Maaꞌnyia. Ĩnõõ ꞌcĩ hõllõngaa aꞌngaaõnnĩ Yeesu ngaatĩ avvĩyyĩ ĩhõõggõ annẽẽkĩ ꞌgõtõõnõgĩ hĩ ngõõnõgĩ.

Ebereei 5:5

Ĩnõõ baa hõllõngaa attihi Krĩstõ makaaꞌthĩt cĩ paadĩr cobbi ẽmmẽn, Nyekuc ꞌcĩ baa aduhaak ĩnõõnnõ anneek, “Iini nii Loholeec caannĩ nẽ ꞌyioko kõr nicci, hanneekii hĩĩnĩ naa Maaꞌnyu.”

1 Yõaannẽ 4:14

Baa ĩꞌthõõa Nyekuci Ngeerĩnĩ hikia hĩĩ Ellioohit cĩ eet cĩg looc nicci. Baa hĩcĩtta naag Ngeerĩnĩ nẽ ꞌyioko huduktaaha naag eet thõõth cĩnnĩ.

1 Yõaannẽ 4:9

ꞌGõõl ꞌcĩ baa eterꞌtheekeet Nyekuci mĩnnan cĩnnĩ cieeni, kõr baa ĩꞌthõõanĩ Ngeerĩnĩ ꞌcĩ odoyyii, hikia haaꞌnyeet rũgẽt.

2 Yõaannẽ 1:7

Haduhaakuung naa ngagiit thõõth icci, hĩnĩngĩtĩ ĩĩ mẽẽlĩg oloꞌngiaaha ꞌcĩg aauto looccaa nĩĩcĩ gẽrrẽẽt. Ẽppẽhan nẽẽg aĩ, baa hõllõngaa aꞌnyak Yeesu Krĩstõ ẽlẽ cĩ eet ꞌcĩ holli õõ. Ĩĩn eeta ꞌcĩg aattĩg noho, oloꞌngiaak nẽ ĩĩn mĩrõk cĩg Krĩstõ.

Terethiinit 19:13

Nẽ tarĩ, itihim cẽrẽm ꞌcĩ uudothoothĩk biyyieeta nẽ haĩ ꞌthaar cĩgĩnnĩg, “Thõõth cĩ Nyekuci.”

Terethiinit 21:3

Nẽ hĩthĩha molook ꞌcĩ ẽggẽrꞌnya dtaabawaa cĩ Nyekuci aĩ, “Nẽ ꞌyioko ĩꞌthõng ũdũt, ikia õlõ cĩ Nyekuci ũrũmtĩ hĩ eet cĩgĩnnĩg. Ĩĩn hatĩ eeta, eet cĩgĩnnĩg nẽ ĩĩ Nyekuci, Nyekuc cĩnĩĩng. Nẽ dĩdĩ aarĩk hatĩ Nyekuci õlõ cĩnnĩ hõrggẽẽnaa cĩ eet cĩgĩnnĩg.