Yõaannẽ 1:13 - ꞌBuuk cĩ Thõõth cĩ Nyekuci

¹³ Baa hõllõngaa ĩĩn nẽẽg lõhõlĩ cĩg Nyekuci hĩgõõng arrita eeta lõhõlĩ cĩggĩĩng, baa Nyekuc ꞌcĩ aaꞌnyĩk ĩhõõggõ hittirria hiita hĩĩtõ lõhõlĩ cĩgĩnnĩg ko.

Yõaannẽ 1:13 ပူးပေါင်းရင်းမြစ်များ

ꞌThianaattõ 25:22

Ma baa nga hutuhuyyiaa Rẽbẽka, baa aga nẽẽ ngaatĩ aꞌnyahĩ hũũhũꞌnya, hĩnĩngĩtĩ baa athĩknoothi nẽẽ ngaatĩ ĩddaaõnĩ hũũhũꞌnya niccieeg hẽẽngatõõ. Nĩngĩtĩ ammuhi Rẽbẽka aĩnnĩ, “Inni occa gõõng hikiaaha thõõth ꞌcĩ aaĩ hoti ho?” Ma nĩngaata, ũũk ala nẽẽ Makayyioohit, hĩnĩngĩtĩ thõõth icci.

ꞌThianaattõ 25:28

Baa ammĩnan Iꞌthaako Eꞌthaau, hĩnĩngĩtĩ baa gõõng ammĩnan Iꞌthaako ngaatĩ adahĩ iding cĩ moru ꞌcĩg aruk Eꞌthaau. Baa ammĩnan Rẽbẽka ꞌcĩ ĩĩn Yakobo.

ꞌThianaattõ 27:33

Nĩngĩtĩ abarti Iꞌthaako gẽrrẽẽt nẽ ijin ngeerĩnĩ ĩĩnnĩk, “Nganĩ hatĩ aa aꞌnyahaaka iding ngaati? Nga hẽdẽcaahi iding tĩho ꞌyioko noho. Haggatana ĩnõõnnõ ẽlẽk, ũũhĩ nẽẽ ꞌgattan cunni ũdũt.”

ꞌThianaattõ 27:4

Nẽ ikia ĩwaadu ꞌgõõlaa ĩgõõng haccamanaa naana nẽ aꞌnyahaahaa hátĩ haggatanii nga hadaahõ.”

Maatteeo 3:9

Ma hammuku hainnu, ‘Haꞌnyaka nẽẽ naag baangeet cĩnaang Abũrahaamõ.’ Haduhaakuunga! Aga Nyekuci ngaatĩ ũũkcĩ biyyiẽẽn iccig hĩĩtõ lõhõlĩ cĩg Abũrahamĩ.

Yõaannẽ 3:3

Ẽdẽcĩ Yeesu Nikodemo anneek, “Haduhaakii dĩdĩ, aitiõõ ẽẽtĩ ꞌcĩ occa aduhun habuccieet cĩ Nyekuci, hatĩ nga hittirria nẽẽ tarĩ tõõ.”

1 Korinthia 3:6

Baa nganĩĩt ꞌcĩ hathaci hinyomooc nẽ ikia udduutik Appoolo maam, nĩngĩtĩ aaꞌnyĩkĩ Nyekuci hinyomooc nicci hĩtĩlĩth.

Pilippi 2:13

Hĩnĩngĩtĩ adticanni Nyekuci hĩ ngagiit, haaꞌnyuung accamatta tabiinit nẽ aaꞌnyuung ꞌtirriani ꞌcĩ uuluyyu ngaatĩ adĩmannu thõõth ꞌcĩ accamana nẽẽnĩ.

Tiito 3:5

ikia eeleet nẽẽ ngagĩĩta, hõllõngaa hĩnĩngĩtĩ thõõth umwa ꞌcĩ abũnnaa ꞌcĩ hadtican naaga, aku ẽẽlanneet hĩnĩngĩtĩ ammaannĩkeet ngagĩĩt nẽ ũtũũny ꞌthẽccanẽẽt cĩggaac vẽlẽk. Aaꞌnyeet nẽẽ ngagĩĩt hittirria tarĩ nẽ haꞌnyahit rũgẽt ꞌcĩ ĩĩn ngeju Loriiaa ꞌcĩ Ẽllẽẽmĩthĩ,

ꞌJeemith 1:18

Adiimmeet Nyekuci ngagĩĩt hĩĩtõ eet cĩgĩnnĩg nẽ ĩꞌthõõa nyeemuut ꞌcĩ ĩĩn dĩdĩ haaꞌnyeet ngagĩĩt rũgẽt ꞌcĩ ĩĩn ngeju.

1 Pẽẽtũrũ 1:23

Baa aaꞌnyuung Nyekuci ngagiit rũgẽt ꞌcĩ ĩĩn ngeju ꞌcĩ hõllõngaa aku ꞌgiiaa ꞌcĩ occa adaahĩ, nẽẽthĩ, aku ꞌgiiaa ꞌcĩ hõllõngaa occa adaahĩ. Baa ittirriaau niig tarĩ, nyeemuutaa cĩ Nyekuci ĩcĩ arũgĩ ũdũt.

1 Pẽẽtũrũ 1:3

Hĩdĩhĩthĩt Nyekuc Maaꞌnyĩ Makayyioohit cĩnaac Yeesu Krĩstõ. Tamaatittaa cĩnnĩ ĩcobbi, aaꞌnyeet Nyekuci ngagĩĩt rũgẽt ꞌcĩ ĩĩn ngeju hĩ muhẽẽnĩt ꞌcĩ abũnnaa ꞌcĩ aalla ũdũt, ngaatĩ arũgthaanĩ Yeesu daahĩtha.

1 Pẽẽtũrũ 2:2

Aaut hĩ ĩdõlẽẽta ꞌcĩg adiim ira ꞌcĩg tẽllĩg ꞌcĩg au hĩ Nyekuc diooni, ꞌcĩ occa eelluung ngagiit ĩtĩlĩthĩt elliaattaa cunuung,

1 Yõaannẽ 3:9

Hõllõngaa occa aalla adĩman lohollia cĩg Nyekuci ꞌthẽcan. Hĩnĩngĩtĩ aaĩ ꞌtirriani cĩ Nyekuci ꞌcĩ aaꞌnyĩk ĩhõõggõ rũgẽt nẽ aaꞌnyĩk ĩhõõggõ hĩĩtõ lõhõlĩ cĩgĩnnĩg, hátĩ hiittiõõ hõllõngaa ara adĩman ꞌthẽccan.

1 Yõaannẽ 4:7

ꞌGotoonoga hĩ ngoonoga, hĩmmĩnanit eleeti cĩggaac, hĩnĩngĩtĩ aku mĩnnanĩ hĩ Nyekuc. Ẽẽtĩ ꞌcĩ aꞌnyak mĩnnan, ĩĩn nẽẽ loholeec cĩ Nyekuci nẽ aga nẽẽ Nyekuc.

1 Yõaannẽ 5:1

Ẽẽtĩ ꞌcĩ ẽlẽmĩ ngaatĩ ĩĩnnĩ Yeesu, Krĩstõ, ĩĩn nẽẽ loholeec cĩ Nyekuci nẽ ẽẽtĩ ꞌcĩ ammĩnan Maaꞌnyĩ, ammĩnan nẽẽ ngeerĩnĩ buúk.

1 Yõaannẽ 5:18

Haga naag jurrung haĩ, hõllõngaa aalla lohollia cĩg Nyekuci ẽꞌthẽcan thooꞌthiok. Hĩnĩngĩtĩ eteiini Ngeertĩ Nyekuci ĩhõõggõ nẽ hõllõngaa occa adĩman ꞌThĩttaanĩ ĩhõõggõ ꞌbuth.

1 Yõaannẽ 5:4

Aga lohollia cĩg Nyekuci vẽlẽk, ngaatĩ occa ĩllõõanĩ looc nicci ꞌthẽccaanõ ho nẽ hammũda naag ꞌlõõani icci lemiittaa cĩnaac.