Yõaannẽ 1:1 - ꞌBuuk cĩ Thõõth cĩ Nyekuci

¹ Baa ꞌthianaatta, baa aaĩ Thõõtha. Baa arũmĩ Thõõth hĩ Nyekuc nẽ baa ĩĩn Thõõth Nyekuc.

Yõaannẽ 1:1 ပူးပေါင်းရင်းမြစ်များ

ꞌThianaattõ 1:1

Baa ꞌthianaatta, baa ẽhẽnyta Nyekuci hẽẽtkujjieen hĩ looc.

Maatteeo 1:23

“Ũũkca hatĩ bũhẽẽcĩ ꞌcĩ nga hatagguutho hĩ eet, loholeec ꞌcĩ maacĩ nẽ hatĩ hĩĩtõ ꞌthaar cĩgĩnnĩg Emmanuele,” Nĩngĩtĩ aĩ, “Aaĩ Nyekuci hĩ ngagĩĩta.”

ꞌLuuka 24:53

Nĩngĩtĩ õõ aallanĩ nẽẽg ꞌCieethaa cĩ Nyekuci nẽ ĩdĩhĩthĩt Nyekuc.

Yõaannẽ 1:14

Ma nĩngaata, ikia Thõõth baa ĩĩn lanyit ĩĩ eet nẽ hũrũmtĩ hĩ ngagĩĩt hõdẽĩ loota nĩnga. Hiita hĩcĩnĩt naag bulẽẽnĩt cĩnnĩ dĩdĩ, bulẽẽnĩt cĩ Ngeertĩ Nyekuc Maaꞌnyĩ ꞌcĩ odoyyii. Aꞌnyahaakeet nẽẽ ngagĩĩt loota nĩnga, bũnnai hĩ thõõth vẽlẽk ꞌcĩ ĩĩn dĩdĩ, ꞌcĩ aku hĩ Nyekuc.

Yõaannẽ 1:18

Nga hĩcĩn eet umwaa Nyekuc, Ngeerĩnĩ ꞌcĩ odoyyii dioo, ꞌcĩ ĩĩn Nyekuc dĩdĩ nẽ õbõhõõ hĩ Maaꞌnyĩ ꞌcĩ etereꞌtheet ngagĩĩt hagaac Nyekuc.

Yõaannẽ 1:2

Baa arũmĩ Thõõth hĩ Nyekuc baa ꞌthianaatta.

Yõaannẽ 16:28

Baa hakuu naa hĩ Baaba hikia looccaa nĩĩcĩ nẽ ꞌyioko hũtũngeeha naa looc nicci, hobodootha hĩ Baaba.”

Yõaannẽ 17:5

Nẽẽthĩ ꞌyioko Baaba, buluthaa nganĩĩt muumaa cunni bulẽẽttaa baa haꞌnyak naag hĩ nganiit, baa nga heteheꞌnyiaa lõõcĩ.

Yõaannẽ 20:28

Ma ho, ĩĩnnĩk Tomaaꞌthio ĩnõõnnõ, “Makayyioohit caannĩ hĩ Nyekuc caannĩ!”

Yõaannẽ 8:58

Ẽdẽcĩ Yeesu ĩhõõggõ anneek, “Haduhaakuung dĩdĩ, baa nga hittirria Abũrahamĩ haau naa ẽlẽk!”

ꞌRooma 9:5

Ĩĩn Abũrahamĩ hĩ Iꞌthaako hĩ Yakobo maajihi cĩggĩĩng nẽ baa ĩĩn Yeesu Krĩstõ buúk Ĩꞌthĩraẽleenit hĩ ẽẽtĩ ꞌcĩ holli õõ. Nẽ ĩĩn nẽẽ Nyekuc, ꞌcĩ aggam looc vẽlẽk, hátĩ hĩdĩhĩthĩt eeta ĩnõõnnõ ooo! Aamẽn.

Eevvetho 3:9

Baa heberria naa, hátĩ hẽddẽẽbak eet vẽlẽk thooꞌthiok ꞌcĩg ĩllõõan ꞌgẽẽnyĩth cĩ eetu, baag agunyuth Nyekuci Teheꞌnyioohiti cĩ hẽlẽggĩ vẽlẽk, ngaanĩngĩtĩ ꞌthianaattõ.

Pilippi 2:6

Tananga baa ĩĩn Krĩstõ Nyekuc dĩdĩ, baa hõllõngaa aaꞌnyĩk nẽẽ ẽlẽ cĩnnĩ hudukto hĩ Nyekuc thõng.

Kolooꞌthe 1:15

Aaĩ Krĩstõ hĩ Nyekuci ꞌcĩ hõllõngaa hacĩn naaga. Baa arrittiaa nẽẽ ĩĩcĩ oou nẽ ĩĩn nẽẽ habu cĩ hẽlẽggĩ vẽlẽk ꞌcĩg ẽhẽnytaa.

Kolooꞌthe 1:17

Baa aaĩ nẽẽ baa nga hẽtẽhẽnytaa hẽlẽggĩ vẽlẽk nẽ aggam nẽẽ hẽlẽggĩ ꞌcĩg ẽhẽnytaa vẽlẽk haauto hõdẽĩ.

1 Timotteeo 3:16

Aitiõõ jinẽẽnĩtĩ tõõ, ĩĩn ciee thõõth cobbi gẽrrẽẽt, ꞌcĩ ĩllõõan ꞌgẽẽnyĩth cĩ eetu lemiittaa cĩnaac. Baa arrittiaa Yeesu loota nĩnga hĩĩ eet hĩ naaga nẽ ikia ẽtẽrẽtha Lorii ꞌcĩ Ẽllẽẽmĩth aĩ, aaꞌnyĩk nẽẽ Nyekuc hatal gẽrrẽẽt nẽ ĩcĩnĩt aajĩlẽẽta buúk ĩnõõnnõ, ma nĩngaata, ikia ũũhĩ Nyekuci ĩnõõnnõ bulẽẽtta hẽẽtahujjieen. Allimanoothĩk thõõth cĩnnĩ eet loonyini vẽlẽk, nĩngĩtĩ au ẽlẽmmĩ eeta thõõth cĩnnĩ.

Tiito 2:13

nga haꞌnyak muhẽẽnĩt ꞌcĩ hẽrẽẽĩ kõr cĩ decciaanĩt cĩ lootu ꞌcĩ hatĩ edeeꞌnyianĩ bulẽẽnĩtĩ cĩ Yeesu Krĩstõ ꞌcĩ ĩĩn Nyekuc hĩ Ellioohit cĩnaac.

Ebereei 13:8

Aitiõõ Yeesu Krĩstõ hõllõngaa ẽgẽẽranni. Aaĩ nẽẽ baalõ hĩ kõr nicci nẽ aalla ooo.

Ebereei 7:3

Baa aitiõõ hõllõngaa agayyi maaꞌnyĩ Melkithẽdẽhĩ hode ngaannia hode maajiha cĩg baarkit hode ꞌtirriaanĩtĩ hĩ daahĩth cĩnnĩ. Ikia aala nẽẽ ĩĩ paadĩr ũdũt haau hĩ Ngeertĩ Nyekuci.

2 Pẽẽtũrũ 1:1

Aku waraga ciee hĩ nganĩĩt ꞌThimõõnẽ Pẽẽtũrũ dticciannioohit hĩ ꞌthooyyiahit cĩ Yeesu Krĩstõ. Hẽhẽẽdakuung naa waraga icci ngagiit eet ꞌcĩg hõthõl lemiinit ꞌcĩ haꞌnyak naag ko. Baa aaꞌnyĩhoothĩkeet lemiiniti ciee ngagĩĩt, hĩnĩngĩtĩ bũnnai cĩ Yeesu Krĩstõ, ꞌcĩ ĩĩn Nyekuc nẽ ĩĩ Ellioohit cĩnaac.

1 Yõaannẽ 5:20

Hagaacõ naag buúk haĩ, ikia Yeesu Krĩstõ Ngeertĩ Nyekuci nẽ eteretheeheet ngagĩĩt Nyekuc ꞌcĩ ĩĩn dĩdĩ. Nẽ haattĩg naag hĩ ĩnõõnnõ ꞌcĩ ĩĩn dĩdĩ nẽ tarĩ, hũrũmtĩ hĩ Loholeec cĩnnĩ Yeesu Krĩstõ ꞌcĩ ĩĩn Nyekuc dĩdĩ nẽ aaꞌnyeet ngagĩĩt rũgẽt ꞌcĩ aalla ooo.

1 Yõaannẽ 5:7

Ĩĩn hẽlẽggĩ iyyio ꞌcĩg aduha thõõth icci ho.

Terethiinit 1:11

Othoothĩkaa mõlõõhĩ tĩho anneeka, “Teheedĩk ꞌbuuhatõõ thooꞌthiok ꞌcĩg acini nii vẽlẽk nẽ ĩꞌthooihuu lothippiꞌnya cĩg lemmiook ꞌcĩg ĩĩn tũkĩramma ho. ꞌThooĩk Eevvetho hĩ Thĩmĩrna hĩ Pẽrgamo hĩ Thiatira hĩ Thaardith hĩ Viladelvia hĩ Laodicea.”

Terethiinit 1:17

Ma baa hadtuuha ĩnõõnnõ ho, hẽttẽẽda looc ꞌthõõnĩĩ cĩgĩnnĩg haau hĩ ẽẽtĩ ꞌcĩ hadaaha ẽlẽk. Nĩngĩtĩ ataadĩka aꞌthiit cĩnnĩ cobbi nẽ ĩnnĩhaa, “Ma hiꞌngolli! Nganĩĩt ꞌcĩ hiꞌthianẽẽkĩ hẽlẽggĩ vẽlẽk nẽ nganĩĩt ꞌcĩ hadtuurna.

Terethiinit 1:2

Nẽ ikia uduha Yõaannẽ thooꞌthiok vẽlẽk ꞌcĩg baag acĩn nẽẽ nyeemuutaa cĩ Nyekuci, hĩ thooꞌthiok vẽlẽk ꞌcĩg baag aduha Yeesu Krĩstõ, hĩ ꞌcĩg adĩmanĩ.

Terethiinit 1:8

Õthõõth Makayyioohiti Nyekuci aĩ, “Nganĩĩt ꞌcĩ hiꞌthianaanĩ nẽ hudtuura. Baa haalla haaĩ baangaani nẽ nga haalla noho nẽ hakuu hatĩ tarĩ. Nganĩĩt ꞌTirriannioohit ꞌcĩ hĩllõõani vẽlẽk.”

Terethiinit 19:13

Nẽ tarĩ, itihim cẽrẽm ꞌcĩ uudothoothĩk biyyieeta nẽ haĩ ꞌthaar cĩgĩnnĩg, “Thõõth cĩ Nyekuci.”

Terethiinit 2:8

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu, ꞌtaaũnaa cĩ Thĩmĩrna. “Duhaak anneek, nyeemuut nicciaa ꞌcĩ aku hĩ eet ꞌcĩ baa iꞌthianaanĩ hẽlẽggĩ vẽlẽk nẽ udtuura. Baa adaaha nẽ ꞌyioko kõr icci ũrũga.

Terethiinit 21:6

Nẽ õthõõthahaa tarĩ ĩnnĩhaa, “Edeccia dtiici! Iꞌthianaanĩ hẽlẽggĩ vẽlẽk hĩ nganĩĩta nẽ adtuurnik hĩ nganĩĩta. Haaꞌnyihi hatĩ naa eet ꞌcĩ aam kõrra hũhũd maam cĩg rũgẽt ꞌcĩ aalla ooo, hõllõngaa ũũta thõng buúk.

Terethiinit 22:13

Nganĩĩt ꞌcĩ huwwatta nẽ Nganĩĩt cĩ hadtuurna, Nganĩĩt ꞌcĩ hiꞌthianaanĩ hẽlẽggĩ vẽlẽk nẽ Nganĩĩt ꞌcĩ hẽdẽcaahi hẽlẽggĩ vẽlẽk.”

Terethiinit 3:14

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu ꞌtaaũnaa cĩ Laodicea. “Duhaak anneek, aku nyeemuut ciee hĩ eet ꞌcĩ haĩ Aamẽn, eet ꞌcĩ ẽlẽmĩ Nyekuc nẽ ĩĩ hebereec ꞌcĩ ĩĩn dĩdĩ, ĩĩn nẽẽ eet ꞌcĩ aggam looc ꞌcĩ ĩĩn ngeju ꞌcĩ nga ẽhẽnyta Nyekuci thõng.