Vilõmẽẽnõ 1:22 - ꞌBuuk cĩ Thõõth cĩ Nyekuci

²² Kũmaneeka ꞌcieeth umwa hikia haavvi. Haꞌnyahi muhẽẽnĩt ꞌcĩ abũnnaa haini, ẽdẽcĩ hatĩ Nyekuci laiinit cunni nẽ aaꞌnya hikia hicinii hĩdĩĩkoothong.

Vilõmẽẽnõ 1:22 ပူးပေါင်းရင်းမြစ်များ

Dtiicanĩ cĩg ꞌThooyyiahu 27:24

hikia hĩĩnnĩhaa nganĩĩt, ‘Paaulo, ma hiteelli! Õkõ hatĩ abili nii muumaa cĩ habu cobbi cĩ ꞌRooma. Nẽ hĩnĩngĩtĩ nganiita, ẽẽla hatĩ Nyekuci eet ꞌcĩg ookorru haahũlatõõ ho vẽlẽk.’

Dtiicanĩ cĩg ꞌThooyyiahu 28:23

Nĩngĩtĩ aarĩkĩ kõr umwa ꞌcĩ au õmmõtõõnĩ hĩ Paaulo. Ma ho, iita ꞌthẽk othohottia nẽẽg eet ꞌcĩg mẽẽlĩg ngaatĩ baa aayyi nẽẽ ho. Ma kõr niccia ngerrenita ĩꞌthõng hutub lõõcĩ, irrioonĩk Paaulo eet nẽ uduhaak ĩhõõggõ habuccieet cĩ Nyekuci. Baa attĩman gẽrrẽẽt, ngaatĩ alũllũũmanẽẽkĩ ĩhõõggõ thõõth cĩ Yeesu, nyattaalaa cĩ Mũũꞌtha hĩ thooꞌthiohĩĩ ꞌcĩg ẽhẽẽd põrõvẽtaaꞌnya.

ꞌRooma 15:24

hammuhi occa hadĩmani noho, hatĩ hũũha looccaa cĩ Thĩppania. Haꞌnyahi muhẽẽnĩt ꞌcĩ hẽhẽẽrõnaakuung ngagiit õõaa ꞌcĩ nga hikiaaĩ nĩĩca, hátĩ iita eelliaangu nganĩĩt hẽẽrõnaa caannĩ nĩĩca, urutaa ꞌcĩ hiita haautti hĩ ngagiit hĩdĩhĩdĩĩc.

2 Korinthia 1:11

Nẽ hĩcĩ eellieetu niig ngagĩĩt laiittaa cunuung ko, mẽẽlĩg hatĩ eeta buúk ꞌcĩg anneek Nyekuc ĩlaallẽ, hĩnĩngĩtĩ ẽdẽcĩ Nyekuci laiinit cunuung hĩnĩngĩtĩ ngagĩĩta.

Pilippi 1:19

hĩnĩngĩtĩ haga naa laiittaa cunuung hĩ eliinit ꞌcĩ aku hĩ Lori cĩ Yeesu Krĩstõ, ꞌgii baa adĩmanoothĩkaa nganĩĩta, aku hatĩ ũũkcĩ hĩĩ thõõth ꞌcĩ heellianĩĩ naana.

Pilippi 2:24

Nẽ haga naa dĩdĩ haini, ẽlẽmaaka hatĩ Makayyioohiti nganĩĩt buúk hikia hĩdĩĩkoothong.

Ebereei 13:19

Hadiimi naa laiinit cunuung hĩ Nyekuc, hátĩ hẽhẽẽrõnaahuung ngagiit tarĩ hĩdĩĩkoothong.

Ebereei 13:23

Hadiimmuung naa ngagiit ꞌyioko agaac ĩĩtõ, ooggia ꞌgõtõõnẽẽtĩ cĩnaac Timotteeo baabuutha. Má ikia nẽẽ ngaati hĩdĩĩkoothong, hõthõkta hatĩ ĩnõõnnõ hikia hicinuung ngagiita.

ꞌJeemith 5:16

Má baa ẽꞌthẽcattoou niiga, occa aduhaaku ꞌgoonogu ꞌthẽccanẽẽt ꞌcĩg baa adĩmannu ho. Nẽẽthĩ, alayyiooyyu eleeti hõdẽĩ, hátĩ hũtũngeek Makayyioohiti ꞌthẽccanẽẽt cugguung. Attiran laiiniti cĩ eet ꞌcĩ abũnnaa nẽ aga ngaatĩ eelluung ngagiit gẽrrẽẽt.

2 Yõaannẽ 1:12

Haꞌnyahi naa thõõth ꞌcĩ maka gẽrrẽẽt ꞌcĩ haĩ huduhaahuunga, nẽẽthĩ, hõllõngaa hadiimi heheedi waragaawa. Hadiimi hakuu hacinnuung hĩdĩĩkoothong nẽ hiita hothooꞌthioo jurrung, nẽẽthĩ hátĩ haccamattoothĩk dĩdĩ.

3 Yõaannẽ 1:14

Hammuhi hakuu hatĩ hacinnuung hĩdĩĩkoothong nẽ thĩ hatĩ hiita hothooꞌthio hõdẽĩ.