Vilõmẽẽnõ 1:20 - ꞌBuuk cĩ Thõõth cĩ Nyekuci

²⁰ Ẽlẽ ꞌgõõna, dĩmaneehaa thõõth icci, hĩnĩngĩtĩ Makayyioohit. Aꞌnyaa nganĩĩt kũttan icci, hĩnĩngĩtĩ Krĩstõ.

Vilõmẽẽnõ 1:20 ပူးပေါင်းရင်းမြစ်များ

1 Korinthia 16:18

Nẽ tarĩ, aanyta haccamanoothĩk gẽrrẽẽt, hĩ baa aaꞌnyuung ngagiit buúk accamattoothĩk. Ĩĩttĩk eet ꞌcĩg aattĩg noho ĩlaallẽ.

2 Korinthia 2:2

Má ĩĩn nganĩĩt dẽẽdẽ ꞌcĩ haaꞌnyuung ngagiit aaut mothiitta, nganĩ hatĩ ꞌcĩ aku aaꞌnya nganĩĩt haccamanoothĩk? Ngagiit ꞌcĩg haaꞌnyuung naa mothiinit ko? Ngagiit ꞌthẽk dẽẽdẽ ꞌcĩg hatĩ aaꞌnyaangu nganĩĩt haccamanoothĩk.

2 Korinthia 7:13

Nẽ ikia ũkũtaneet ngagĩĩt thõõth cunuung gẽrrẽẽt. Nẽ Tiito ꞌcĩ baa aku aalla ĩttoorĩkeet ngagĩĩt taliinit gẽrrẽẽt, hĩnĩngĩtĩ hĩcĩtta naag ĩnõõnnõ ngaatĩ accamanõõthĩkĩ gẽrrẽẽt, hĩnĩngĩtĩ baa iita aanytĩhu niig vẽlẽk muhẽẽnĩt cĩnnĩ hiyyioman.

Pilippi 1:8

Nyekuc ꞌcĩ aga dĩdĩ, ngaatĩ hadiim hakuu hacinnuung naa ngagiita. Aga nẽẽ ngaatĩ haꞌthuunnuung naa ngagiit, hĩcĩ aꞌthuunnuung Yeesu Krĩstõ ngagiita.

Pilippi 4:1

Nẽẽthĩ hoti ho, ꞌgotoonoga hĩ ngoonoga ꞌcĩg hammĩnani, aallattia uꞌthuutti thõõth cĩ Makayyiookto jurrung. Hammĩnannuung naa ngagiit nẽ hadiimi hakuu hacinnuunga. Hirriani naa hõdõõkõthĩ nẽ hatala, hĩnĩngĩtĩ ngagiita.

Vilõmẽẽnõ 1:12

Hĩꞌthõõakii naa nganiit Onethimo ꞌgõõna cĩ ꞌthĩnĩtõ, hõbõda hikia hĩ nganiita.

Vilõmẽẽnõ 1:7

ꞌGõtõna, aaꞌnya mĩnnanĩ cunni nganĩĩt haccamanoothĩk gẽrrẽẽt nẽ amammaayanaa, hĩnĩngĩtĩ aaꞌnyĩk tarbalꞌthẽẽt cunni eet cĩg Nyekuci haccamattoothĩk.

Ebereei 13:17

Niig lemmioha, ĩthĩhĩt makayyiook cugguung nẽ ĩdĩmattu thooꞌthiok ꞌcĩg aduhaakuung nẽẽgĩ. Ebekuung nẽẽg ngagiit nẽ Nyekuc ꞌcĩ hatĩ ẽttẽẽd thooꞌthiok cĩggĩĩng. Nẽẽthĩ, ma haaꞌnyiku ĩhõõggõ hõngõõngõõcõ dtiicaa cĩnĩĩng. Aanytĩk ĩhõõggõ haccamattoothĩk, hĩnĩngĩtĩ aitiõõ hinnia hatĩ hõllõngaa eelluung ngagiit ũdũt.

1 Yõaannẽ 3:17

Má haꞌnyak naag hẽlẽggĩ vẽlẽk ꞌcĩg hadiim naaga nẽ hĩcĩnĩt eet cĩggaac ꞌcĩg appĩĩrna, adiim occa hammaannĩk naag eet tĩko, má aitiõõ, occa hõllõngaa haĩ naag aaĩ mĩnnanĩ cĩ Nyekuci hĩ ngagĩĩta.

3 Yõaannẽ 1:4

Aitiõõ taliiniti umwaa ꞌcĩ haꞌnyahi naa hĩllõõan ngaatĩ hathĩknĩ aĩ, aꞌthũũnnĩ lohollia cĩgannĩg thõõth ꞌcĩ ĩĩn dĩdĩ tõõ.