Vilõmẽẽnõ 1:2 - ꞌBuuk cĩ Thõõth cĩ Nyekuci

² hĩ ngooneet Aappia hĩ Arkippo, eet ꞌcĩ adticanoothĩk Makayyioohit hĩ naaga, hĩ lothippit cĩ lemmioohu ꞌcĩ alayyi õlõõ cunni.

Vilõmẽẽnõ 1:2 ပူးပေါင်းရင်းမြစ်များ

ꞌRooma 16:1

Hadiimi haduhaakuung dtiic ꞌcĩ abũnnaa ꞌcĩ baa adĩman ngõõnẽẽtĩ cĩnaac Voebe, ꞌcĩ ĩĩn dticciannioohit cĩ lothippit cĩ lemmioohu ꞌtaaũnaa cĩ Cencerea.

ꞌRooma 16:5

Ĩꞌthaayyihaangu lothippit cĩ lemmiook gõõng õmmõtõõ ꞌcieethaa cĩnĩĩng. Ĩꞌthaayyihaangu ꞌgõõna Epeneto baa atiman ngaatĩ ẽlẽmmĩ Krĩstõ ĩĩcĩ oou looccaa cĩ Aaꞌthia.

1 Korinthia 16:19

Ĩꞌthaayyuung lothippiti cĩ lemmiook ꞌcĩg au ꞌtaaũnnioohĩ cũũmõ cũũmõ ĩĩcĩ looc cĩ Aaꞌthia. Ĩꞌthaayyuung Akwila hĩ Piriciilla gẽrrẽẽt ꞌthaarĩĩ cĩg Makayyiookto, hõdẽĩ hĩ lemmiook ꞌcĩg õmmõtõõ ꞌcieethaa cĩnĩĩng.

Pilippi 2:25

Hammuhi occa abũnnaa ngaatĩ hĩꞌthõõakuung ngagiit Epavorodito hõbõda hĩ ngagiit tarĩ, ĩĩn nẽẽ ꞌgõtõna, dticciannioohit nẽ ĩĩ ũũrũtaac ꞌcĩ hadticaniinna hõdẽĩ, ꞌcĩ ĩĩn ꞌthooyyiahit cunuung baa ĩꞌthõõannnu niig hikia hũꞌthũũtta nganĩĩta.

Kolooꞌthe 4:15

Ĩꞌthaayyihaangu lemmiook cĩg ꞌtaaũn cĩ Laodicea hõdẽĩ hĩ ngooneet Nyĩmva hĩ lothippit cĩ lemmiook ꞌcĩg alayyi õlõõ cĩnnĩ.

Kolooꞌthe 4:17

Uduktaak Arkippo ĩĩttĩk, “Dẽcaak dtiic baa aaꞌnyĩhoothikii nganiit ꞌthaarĩĩ cĩg Makayyiookto.”