Tiito 3:8 - ꞌBuuk cĩ Thõõth cĩ Nyekuci

⁸ Thõõth ꞌcĩ ĩĩn dĩdĩ cieeni, thooꞌthiok ꞌcĩg abũnnaa cieeg hĩ eet vẽlẽk. ꞌRĩccana ꞌlimmaneek eet hũnnẽẽcõ thooꞌthiok iccig, hátĩ hidticanit eeta ꞌcĩg ẽlẽmĩ thõõth cĩ Nyekuci, thooꞌthiok ꞌcĩ abũnnaa.

Tiito 3:8 ပူးပေါင်းရင်းမြစ်များ

Maatteeo 20:4

Nĩngĩtĩ aduhaakĩ ĩhõõggõ annẽẽkĩ, ‘Õõt idticattõ niig buúk manatõõ tõõ caannĩ ĩcĩ viinoo nẽ hatĩ hũdũmanuung ngagiit ꞌgiiaa ꞌcĩ abũnnaa.’

Yõaannẽ 12:44

Baa irrioonĩk Yeesu lothippit moloohaa cobbi anneek, “Ẽẽtĩ ꞌcĩ ẽlẽmma nganĩĩta, hõllõngaa ẽlẽmma nganĩĩt diooni, ẽlẽmĩ eet baa ĩꞌthõõannaa nganĩĩta.”

Yõaannẽ 5:24

Haduhaakuung dĩdĩ, ẽẽtĩ ꞌcĩ athĩhĩ thõõth caannĩ nẽ ẽlẽm eet baa ĩꞌthõõannaa nganĩĩta, ammũda hatĩ ẽẽtĩ tĩho rũgẽt ꞌcĩ aalla ooo nẽ hõllõngaa hatĩ uuki, hĩnĩngĩtĩ abaakia nẽẽ daahĩtha ikia rũgẽta.

Dtiicanĩ cĩg ꞌThooyyiahu 12:15

Baa hinnia anneek eeta ĩnõõnnõ, “Adaki nganiit maangõnĩ!” Ma baa aalla arrĩcana loholeec ciee thõõth noho ho, iita othoothito ĩĩtõ, “Aajĩlõ mõnõ cĩnnĩ thõng.”

ꞌRooma 4:5

Nẽẽthĩ, ẽẽtĩ ꞌcĩ hõllõngaa adticanni nẽ aꞌnyak lemiinit hĩ Nyekuc ꞌcĩ ẽlẽmĩ eet ꞌcĩg ĩĩn ꞌthẽccanniook, ẽlẽmĩ hatĩ Nyekuci ĩnõõnnõ hĩĩ eet ꞌcĩ abũnnaa, hĩnĩngĩtĩ aꞌnyak nẽẽ lemiinit hĩ Nyekuc.

2 Korinthia 4:13

Aĩ ꞌBuuhi cĩ Nyekuci nẽẽ, “Baa helemi naa Nyekuc, ĩnõõ ꞌcĩ hõthõõthĩ naa ho.” Nẽ haꞌnyak naag buúk lemiinit icci, hátĩ hothoothit,

Eevvetho 4:28

Ẽẽtĩ ꞌcĩ baa gõõng ĩgõrꞌthĩ, aꞌnyĩĩk hũtũngeek ĩgõr, adiim ꞌthẽk adtican ẽẽtĩ dtiic ꞌcĩ occa ẽẽl ĩnõõnnõ athĩnĩĩ cĩgĩnnĩg ẽmmẽn, hátĩ hũmmũda ꞌgii ꞌcĩ occa õthõl hĩ pĩĩrnatttiaak.

1 Timotteeo 1:15

Ĩĩn thõõth ciee thõõth dĩdĩ ꞌcĩ occa hẽlẽmĩ dĩdĩ. Baa aku Yeesu Krĩstõ loota nĩnga, hátĩ hẽẽla ꞌthẽccanniook nẽ ꞌthẽccannioohit umwa naa buúk ꞌcĩ baa habathi gẽrrẽẽt.

1 Timotteeo 2:8

Hadiimi naa eet ꞌcĩg maacĩg loonyini vẽlẽk, halayyio hodongit athĩn cĩggĩĩng ꞌcĩg ẽllẽẽmĩth ꞌjieena, hiittiõõ liilii hode pẽkanĩ tõõ.

1 Timotteeo 5:10

Abũnnaa agayyi nẽẽ gẽrrẽẽt ngaatĩ adticanĩ thooꞌthiok ꞌcĩg abũnnaa, ꞌcĩg aattĩg hĩ ꞌcĩg iroktaanĩ lõhõlĩ cĩgĩnnĩg jurrung, hĩ ngaatĩ akũmanẽẽkĩ hẽẽrõn õlõõ cĩnnĩ, akũmaneek eet cĩg Nyekuci õlõõ cĩnnĩ jurrung, ẽẽl pĩĩrnattiaak nẽ ĩrrĩcana ngaatĩ adticanĩ thooꞌthiok vẽlẽk ꞌcĩg abũnnaa.

2 Timotteeo 1:12

Ĩnõõ ꞌcĩ happĩĩrnanĩĩ naa hĩ ꞌyioko ho. Nẽ hõllõngaa haꞌngaaoni, hĩnĩngĩtĩ haga naa Krĩstõ ꞌcĩ helemi naa dĩdĩ nẽ õkõmĩ nganĩĩt ꞌthĩnĩt haini, ĩnõõnnõ ꞌcĩ occa aꞌthũũnna nganĩĩt dtiicaa cĩnnĩ, ĩꞌthõng kõr ꞌcĩ hatĩ õbõdaanĩ nẽẽnĩ.

Tiito 1:9

Aꞌnyĩĩk hũꞌthũũtĩ thõõth baa ĩĩn dĩdĩ baa allimanoothĩk ĩnõõnnõ, hátĩ hẽẽl ꞌlimmanĩ cĩnnĩ ꞌcĩ ĩĩn dĩdĩ ho ꞌgõõnõgĩ nẽ itilo eet ꞌcĩg adiim abũrĩ thõõth icci.

Tiito 2:14

Baa ẽlẽmana nẽẽ ẽlẽ cĩnnĩ hadaak hĩnĩngĩtĩ ngagĩĩta, hátĩ hõõgaeet ꞌthẽccanẽẽtĩ vẽlẽk nẽ aaꞌnyeet hĩĩtõ eet cĩgĩnnĩg ꞌcĩg ũtũũnyeet nẽẽ hĩĩtõ eet cĩgĩnnĩg, ꞌcĩg hadiim hadtican thooꞌthiok ꞌcĩg abũnnaa dĩdĩ.

Tiito 2:7

Nẽ nii buúk, ꞌrĩccana ngaatĩ ẽtẽrꞌthẽẽkĩ eet ꞌgõõl ꞌcĩ adĩmanĩĩ thõõth ꞌcĩ abũnnaa. ꞌLimman eet ꞌthĩnĩta dĩdĩ hĩ ꞌgõõlaa ꞌcĩ õkõmmĩ eeta.

Tiito 3:1

Duhaak eet cugunnig hĩthĩhĩt thõõth ꞌcĩ aduha makayyiooha cĩg ꞌgaala, hiittiõõ hõllõngaa õjõthẽẽkĩ thõõth cĩnĩĩng. Aꞌnyĩĩk hũkũmattoothĩk nẽẽg hatĩ hĩdĩmanit thõõth ꞌcĩ abũnnaa hõdõõkõthĩ,

Tiito 3:14

Abũnnaa adticanni eeta cĩggaac jurrung, hátĩ haꞌnyahit hẽlẽggĩ vẽlẽk ꞌcĩg adiim nẽẽgĩ, hĩnĩngĩtĩ abathĩ ngaatĩ ĩĩnĩ nẽẽg nyamuttiook.

Vilõmẽẽnõ 1:11

Baa õõa, baa gõõng nga ĩĩn nẽẽ eet umwa haaga hĩ nganiita, nẽẽthĩ ꞌyioko, ikia ĩĩ nẽẽ tiir hĩ nganĩĩt nẽ ĩĩ tiir hĩ nganiit buúk.

Ebereei 10:24

Huꞌthuutti ngaatĩ hakũtanĩ eleeti ꞌgõõlaa ꞌcĩ hammĩnanõõnĩ nẽ hĩdĩmanit thooꞌthiok ꞌcĩg abũnnaa.

1 Pẽẽtũrũ 1:21

Nẽ hĩnĩngĩtĩ Krĩstõ, iita elemtu niig Nyekuc nẽ aꞌnyaktu lemiinit cunuung hĩ muhẽẽnĩt ꞌcĩ abũnnaa hĩ Nyekuc baa arũgtha Krĩstõ daahĩtha nẽ aaꞌnyĩk ĩnõõnnõ bulẽẽnĩt cobbi gẽrrẽẽt.