Tiito 3:5 - ꞌBuuk cĩ Thõõth cĩ Nyekuci

⁵ ikia eeleet nẽẽ ngagĩĩta, hõllõngaa hĩnĩngĩtĩ thõõth umwa ꞌcĩ abũnnaa ꞌcĩ hadtican naaga, aku ẽẽlanneet hĩnĩngĩtĩ ammaannĩkeet ngagĩĩt nẽ ũtũũny ꞌthẽccanẽẽt cĩggaac vẽlẽk. Aaꞌnyeet nẽẽ ngagĩĩt hittirria tarĩ nẽ haꞌnyahit rũgẽt ꞌcĩ ĩĩn ngeju Loriiaa ꞌcĩ Ẽllẽẽmĩthĩ,

Tiito 3:5 ပူးပေါင်းရင်းမြစ်များ

Maatteeo 3:11

“Haggameekuung naa baattithimo cĩ tũngẽẽnĩt cĩ ꞌthẽccaneetu maamĩ haaga, nẽẽthĩ, aku hatĩ eet umwaa ꞌcĩ ĩllõõannaa nganĩĩta, eet ꞌcĩ aitiõõ naa hõllõngaa hũũppani ngaatĩ hĩĩnnĩ appahaca cĩnnĩ nẽ hitilola caawa cĩgĩnnĩg. Aggameekuung hatĩ nẽẽ ngagiit baattithimo Loriiaa ꞌcĩ Ẽllẽẽmĩthĩ hĩ ꞌgwoyyia.

ꞌLuuka 1:50

Ammaannĩk nẽẽ eet ꞌcĩg iꞌngolli ĩnõõnnõ irkiꞌnyia hĩ irkiꞌnyia.

ꞌLuuka 1:54

Ẽẽl nẽẽ dticciannioohit cĩnnĩ Ĩꞌthĩraẽl nẽ ummuhunõõthĩ ngaatĩ ammaannĩkĩ nẽẽ

ꞌLuuka 1:72

Nẽ ẽtẽrẽtha tamaati baa aduhaak nẽẽ hĩbaangĩ cĩggaac nẽ ummuhunõõthĩ lõhõt baa nĩnnĩ ẽllẽẽmĩth,

ꞌLuuka 1:78

hĩnĩngĩtĩ tamaati cobbi cĩ Nyekuc cĩnaac ꞌcĩ abũnnaa, ꞌcĩ hatĩ aku uppwannakeet kõrra ngagĩĩt hẽẽtahujjieen,

ꞌRooma 11:14

haꞌnyahi muhẽẽnĩt ꞌcĩ abũnnaa hoti, haĩ haaꞌnyĩk eet cĩgannĩg ũgĩ hiinanit ngaatĩ eellianĩ.

ꞌRooma 11:6

Baa aaĩ thõõth ciee hoti, hĩnĩngĩtĩ tarbalꞌthẽẽt cĩ Nyekuci ꞌcĩ hõllõngaa ũũlũ eet umwaanĩ nẽ hõllõngaa, hĩnĩngĩtĩ dtiicanĩ ũgĩ ꞌcĩg abũnnaa ꞌcĩg adĩman nẽẽgĩ. Occa baa hõllõngaa adĩmanni noho, hiittiõõ tarbalꞌthẽẽt cĩ Nyekuci tõõ.

ꞌRooma 12:2

Ma nga hanuyyu thooꞌthiok cĩg looc nicci tarĩ, nẽẽthĩ ũtũkẽẽc muhẽẽnĩt cĩ ꞌthinneeti cugguung hĩĩtõ ngeju. Ĩnõõ ꞌcĩ hatĩ uuluyyu ngaatĩ attĩmannu nẽ ummuddiaau tabiinit cĩ Nyekuci, ngaatĩ abũnnayyĩ hĩllõõan.

ꞌRooma 3:20

Nẽẽthĩ hoti ho, aitiõõ hatĩ ẽẽtĩ ꞌcĩ adukiaa aĩ abũnnaa muumaa cĩ Nyekuci tõõ, hatĩ anũ nẽẽ nyattal. Nẽẽthĩ, hĩnĩngĩtĩ nyattal, hiita hagaacõ naag ꞌthẽccan.

ꞌRooma 3:28

Hĩnĩngĩtĩ haga naag ẽlẽmĩ Nyekuci eet, hĩnĩngĩtĩ lemiinit nẽ hõllõngaa ẽlẽmĩ, hĩnĩngĩtĩ anũ nyattal.

ꞌRooma 4:5

Nẽẽthĩ, ẽẽtĩ ꞌcĩ hõllõngaa adticanni nẽ aꞌnyak lemiinit hĩ Nyekuc ꞌcĩ ẽlẽmĩ eet ꞌcĩg ĩĩn ꞌthẽccanniook, ẽlẽmĩ hatĩ Nyekuci ĩnõõnnõ hĩĩ eet ꞌcĩ abũnnaa, hĩnĩngĩtĩ aꞌnyak nẽẽ lemiinit hĩ Nyekuc.

ꞌRooma 9:11

Nẽẽthĩ, baa nga hittirria lohollia ꞌcĩg ĩĩn heengti ho, hode hĩdĩmanit ꞌgiimwa ꞌcĩ abũnnaa hode ꞌcĩ abathĩ, ikia ũmmũda Rẽbẽka nyeemuut umwa hĩ Nyekuc, ꞌcĩ aĩ, ẽbẽra Nyekuci eet hĩnĩngĩtĩ tabiinit cĩnnĩ.

ꞌRooma 9:16

Nẽẽthĩ hoti ho, arũgĩ hẽlẽggĩ vẽlẽk tamaatittaa cĩ Nyekuci nẽ hõllõngaa hĩnĩngĩtĩ ꞌgii ꞌcĩ adiim hode adtican eeta.

ꞌRooma 9:30

Occa ꞌyioko hõthõõth haĩ ne? Aĩ thõõth ciee, baa hõllõngaa attĩman eeta ꞌcĩg hõllõngaa ĩĩn ꞌJudeei, ngaatĩ ammũdaanĩ ꞌgõõl cĩ bũnnaiitto, nẽẽthĩ, iita ummuddia nẽẽg bũnnai ngaatĩ aꞌnyahĩ nẽẽg lemiinit hĩ Nyekuc.

1 Korinthia 6:11

Baa gõõng aattiyyu niig ũgẽẽgĩ nohota. Nẽẽthĩ ꞌyioko, utuunytuung ngagiit ꞌthaara cĩg Makayyioohit cĩnaac Yeesu Krĩstõ, hĩ ꞌtirrian cĩ Lori cĩ Nyekuci haanytuung ĩĩtõ tẽllĩg nẽ elemuung Nyekuci.

ꞌGalaaꞌthia 2:16

Haga naag ngaatĩ ẽlẽmmĩ Nyekuci eet ꞌcĩg ẽlẽmĩ Yeesu Krĩstõ diooni, aitiõõ ẽẽtĩ ꞌcĩ occa aaꞌnyĩk Nyekuc haccamanoothĩk tõõ, hatĩ athĩhĩ thooꞌthiok cĩg nyattaalak diooni. Hẽlẽmĩ naag Yeesu Krĩstõ, hĩnĩngĩtĩ athĩhĩ nẽẽ Nyekuc, ĩnõõ ꞌcĩ elemeet Nyekuci ngagĩĩt, hĩnĩngĩtĩ lemiinit cĩnaac ko.

Eevvetho 2:4

Nẽẽthĩ, hĩnĩngĩtĩ mĩnnan cĩnnĩ cobbi ꞌcĩ aꞌnyaheekeet nẽẽ ngagĩĩta, ikia Nyekuci ꞌcĩ aꞌnyak tamaati ꞌcĩ maka,

Eevvetho 4:23

Aanytĩk muhẽẽnĩt cunuung hũtũhũĩ hĩĩ ngeju,

Eevvetho 5:26

Baa aaꞌnyĩk Krĩstõ lemmiook helleemito ngaatĩ ũũnyĩ ĩhõõggõ maamĩ, ꞌtirriaanaa cĩ thõõth cĩ Nyekuci.

Kolooꞌthe 3:10

Iittu niig vẽlẽk eet ꞌcĩg ĩĩn ngeju. Ũũhũyyuung ngagiit Nyekuci hõdõõkõthĩ aaut hĩ nẽẽ Teheꞌnyioohiti cĩ rũgẽt cunuung ꞌcĩ ĩĩn ngeju, nẽ iita hatĩ agayyu ĩnõõnnõ jurrung.

2 Timotteeo 1:9

Baa ẽẽlaeet ngagĩĩt Nyekuci nẽ ẽbẽraaeet hĩĩtõ eet cĩgĩnnĩg ꞌcĩg haattĩg authetaa ꞌcĩ ẽllẽẽmĩthĩ. Adĩman Nyekuci hoti, hõllõngaa, hĩnĩngĩtĩ thõõth ꞌcĩ hadĩman naaga, adĩman nẽẽ noho, hĩnĩngĩtĩ bũnnai cĩnnĩ. Baa aaꞌnyeet Nyekuci ngagĩĩt bũnnai, ꞌthaarĩĩ cĩg Yeesu Krĩstõ, baa nga heteheꞌnyiaa lõõcĩ.

Tiito 3:4

Nẽẽthĩ, ma baa edeeꞌnyia tarbalꞌthẽẽt hĩ mĩnnan cĩ Nyekuc Ellioohit cĩnaac,

Ebereei 10:22

hõõt muumaa cĩ Nyekuci ꞌthinneetinii ꞌcĩg ĩĩn dĩdĩ ĩcĩg hẽlẽmmĩ ĩnõõnnõ. Hĩnĩngĩtĩ ũtũũnyĩ muhẽẽnĩtĩ cĩ ꞌthinneeti cĩggaac cĩg ꞌthẽccaanak, biyyiẽẽtĩĩ cĩg Krĩstõ, haanyteet ngagĩĩt hĩĩtõ tẽllĩg nẽ ũtũũnytĩ eleeti cĩggaac buúk maamĩĩ ꞌcĩg tẽllĩg.

Ebereei 4:16

Hõõt naag vẽlẽk dtaaba cĩ bulẽẽttõ cũrũmũũm, hátĩ hummuddia tamaati hĩ bũnnai ꞌcĩ eelleet nẽẽ ngagĩĩt, hatĩ hadiim eliinit.

Ebereei 6:6

nẽ ꞌyioko ũtũbũrĩt Nyekuc. Õkõmĩ gẽrrẽẽt ngaatĩ ũũnnĩkĩ eeta ꞌcĩg aattĩg noho ꞌthẽccanẽẽt cĩggĩĩng, hĩnĩngĩtĩ ũtũbũrĩt nẽẽg Ngeertĩ Nyekuci nẽ aauto hĩcĩ odooddĩk ĩnõõnnõ hurucceea tarĩ nẽ aanytĩk ngaaoni lothippita.

1 Pẽẽtũrũ 1:3

Hĩdĩhĩthĩt Nyekuc Maaꞌnyĩ Makayyioohit cĩnaac Yeesu Krĩstõ. Tamaatittaa cĩnnĩ ĩcobbi, aaꞌnyeet Nyekuci ngagĩĩt rũgẽt ꞌcĩ ĩĩn ngeju hĩ muhẽẽnĩt ꞌcĩ abũnnaa ꞌcĩ aalla ũdũt, ngaatĩ arũgthaanĩ Yeesu daahĩtha.

1 Pẽẽtũrũ 2:10

Baa nga ĩĩtõ niig eet cĩg Nyekuci baa ĩĩcĩ oou, nẽẽthĩ ꞌyioko, iittu eet cĩgĩnnĩg. Baa nga hatamaatihuung eet umwaa ngagiita, nẽẽthĩ ꞌyioko, ikia atamaatihuung Nyekuci ngagiita.

1 Pẽẽtũrũ 3:21

Ĩthakꞌthoothĩk maama cĩg tawaanak ko, baattithimo ꞌcĩ ꞌyioko ẽẽlannuung ngagiit ko. Nẽẽthĩ, ĩllõõan baattithimo tũũnyẽnĩt cĩ ꞌriiring cĩg ẽllaak. Ĩĩn baattithimo ꞌgõõl ꞌcĩ õbõdaanĩ eeta hĩ Nyekuc ꞌthinneetinii ꞌcĩg abũnnaa, hĩnĩngĩtĩ baa ũrũga Yeesu Krĩstõ daahĩtha.