Tiito 3:3 - ꞌBuuk cĩ Thõõth cĩ Nyekuci

³ Baa gõõng haggiithi naag hõjõthẽẽkĩ thõõth cĩ Nyekuci, hĩnĩngĩtĩ hõllõngaa haga nẽ hĩĩtõ appahacaaꞌnya ꞌcĩg habũraneek thooꞌthiok ꞌcĩg abathĩ ꞌcĩg iggoolleet ngagĩĩta. Baa gõõng hĩĩgĩn eet ꞌcĩg habathĩ nẽ halĩĩlĩ hẽlẽggĩ cĩg eetuk, aaburreekeet eeta nẽ haaburreek naag buúk eet vẽlẽk.

Tiito 3:3 ပူးပေါင်းရင်းမြစ်များ

ꞌThianaattõ 38:9

Abũrĩ hinnia Õnaanĩ ngaatĩ õlõmĩ ngagõtõnõõnĩ, hĩnĩngĩtĩ agaoothi aĩ, aitiõõ hatĩ loholeec ꞌcĩ arrittiaa hõllõngaa ĩĩn cĩnnĩ. Nẽ ma adiim oogin hĩ ngaa nicci, attumaniini hinnia ĩnõõnnõ haaga hõllõngaa arritaak loholeec ũdũt.

ꞌThianaattõ 39:16

Nĩngĩtĩ iyyangꞌthĩ ngaa nicciee cẽrẽm cĩ Yothebo ho ĩꞌthõng hõbõda maac cĩnnĩ ĩĩcĩ baa õkõõĩ.

Maatteeo 21:29

“Ẽdẽcĩ ngeerĩnĩ aĩ, ‘Hõllõngaa hõkõ,’ ma uruta, ikia ũtũhũ muhẽẽnĩt cĩnnĩ, nĩngĩtĩ õkõõĩ manatõõ.

ꞌLuuka 21:8

Ẽdẽcĩ Yeesu anneek, “Uꞌthuutti eleeti, hátĩ hiittiõõ hõllõngaa iggoolluung eeta. Au hatĩ eeta ꞌcĩg mẽẽlĩg ꞌthaarĩĩ cĩgannĩg ꞌcĩg au õthõõth aĩ, ‘Hĩĩnĩ naa Krĩstõ,’ nẽ ‘Õbõhĩ kõrra.’ Ma hanuyyu ĩhõõggõ.

Yõaannẽ 8:34

Ẽdẽcĩ Yeesu ĩhõõggõ anneek, “Haduhaakuung dĩdĩ, ĩĩn eeta ꞌcĩg adĩman ꞌthẽccanẽẽt appahacaaꞌnya cĩg ꞌthẽccaanak.

ꞌRooma 11:30

Baa gõõng aburru niig eeta ꞌcĩg hõllõngaa iiginnu ꞌJudeei Nyekuc nẽ ꞌyioko, atamaatihuung nẽẽ ngagiit hĩnĩngĩtĩ ũtũbũrĩt eeta cĩg Ĩꞌthĩraẽlĩ ĩnõõnnõ,

ꞌRooma 6:12

Nẽẽthĩ hoti ho, ma haaꞌnyiku ꞌthẽccan haggam eleeti cugguung ꞌcĩg adaahĩ ho, hátĩ hiittiõõ hõllõngaa abũraneeku thooꞌthiok cĩgĩnnĩg ꞌcĩg abathĩ.

ꞌRooma 6:17

Nẽẽthĩ ꞌyioko, ĩlaallẽ hĩ Nyekuc, tananga baa gõõng ĩĩgĩnnu niig appahacaaꞌnya cĩg ꞌthẽccaanak, iita ithiktu niig ꞌlimman baa allimanoothikuung ngagiita.

ꞌRooma 6:22

Nẽẽthĩ ꞌyioko, hĩcĩ õõgtau niig ꞌthẽccaana nẽ iittu appahacaaꞌnya cĩg Nyekuci ho, ikia ꞌbaaniniti baa ammũdaannu niig ko, uukuung ngagiit thõõthaa ꞌcĩ ẽllẽẽmĩth hĩ rũgẽtaa ꞌcĩ aalla ooo.

ꞌRooma 6:6

Haga naag haĩ, otoddoyyioothĩk eleeti baaggaac ꞌrẽẽttĩg hurucceea hĩ Yeesu. Baa adĩmanni thõõth ciee, hátĩ hiittiõõ eleeti cĩggaac hõllõngaa ĩĩn appahacaaꞌnya cĩg ꞌthẽccaanak tarĩ.

2 Korinthia 12:20

Homoꞌthi naa haini ma hikia naana, hõllõngaa hatali ngaatĩ hammũdaakuung ngagiit aattiyyu ꞌgõõlaa ꞌcĩ hõllõngaa hadiimi naana nẽ aitiõõ hatĩ niig buúk hõllõngaa atallu ꞌgõõl ꞌcĩ haayyi naana. Nẽ hiꞌngolli naa ngaatĩ occa aꞌnyaku ꞌgerenyi, hĩ inan hĩ lĩĩlĩẽẽnĩt hĩ voggongi hĩ tongomi hĩ ꞌrianĩĩth hĩ tahahaaꞌthĩt.

ꞌGalaaꞌthia 6:3

Má ammuk ẽẽtĩ umwaa aĩ hĩllõõani ꞌgõõnõgĩ nẽ hõllõngaa ĩllõõan buúk, ĩggõõl eet tĩho ẽlẽ cĩnnĩ.

Kolooꞌthe 1:21

Baa gõõng iiginnu niig ꞌrẽẽttĩg hĩ Nyekuc. Baa aaꞌnyuung muhẽẽnĩtĩ cunuung ngagiit ĩĩtõ mĩrõk cĩg Nyekuci nẽ ĩdĩmattu thooꞌthiok ꞌcĩg abathĩ.

Kolooꞌthe 3:7

Baa gõõng adĩmannu niig thooꞌthiok iccig, baa nga aattiyyu rũgẽtaa cĩ looc nicci.

2 Timotteeo 3:13

Nẽ eeta ꞌcĩg ẽꞌngẽjĩ ooti hĩ ꞌcĩg õõlõng aĩ hagayyia thõõth nẽ hõllõngaa aga dĩdĩ buúk ko, au hatĩ abathoothi nẽẽg gẽrrẽẽt, ĩggõõl ꞌgõõnõgĩ nẽ ĩggõõl eeta ĩhõõggõ buúk.

2 Timotteeo 3:6

Ĩĩn eeta nicciag, eet ꞌcĩg maacĩg ꞌcĩg õvvõ halaꞌngiõõhĩĩ cĩg eetuk, nẽ ũlũllũũmanit ngaaĩ ꞌcĩg hõllõngaa attiran, ꞌcĩg ẽꞌthẽcattõõ ꞌcĩg aggam muhẽẽnĩtĩ ꞌcĩ abũranẽẽkĩ thooꞌthiok vẽlẽk ꞌcĩg abathĩ.

Tiito 1:16

Õõlõng eeta ꞌcĩg aattĩg noho ho aĩ, hagayya Nyekuc nẽ nẽẽ aduha thooꞌthioha ꞌcĩg adtican nẽẽg ko aĩ, hõllõngaa aga nẽẽg Nyekuc dĩdĩ. Aꞌnyak nẽẽg mẽdẽr ꞌthinneetinitõõ cĩggĩĩng hĩ thõõth ꞌcĩ abũrrĩ thõõth cĩ makayyioohu. Hõllõngaa occa adtican nẽẽg thõõth ꞌcĩ abũnnaa.

Tiito 2:12

Allimanneet thõõth cĩ Nyekuci ꞌcĩ abũnnaa, hũtũbũrĩt thooꞌthiok ꞌcĩg ĩĩn ꞌriiring cĩg looc nicci nẽ huꞌthuutti eleeti cĩggaac hũnnẽẽc ꞌlimman cĩ Nyekuci dioo, hĩcĩ adiim nẽẽnĩ;

ꞌJeemith 1:26

Má ammuk eet umwaa aĩ hĩĩnĩ eet cĩ Nyekuci nẽ õthõõth tahatak, ĩggõõl nẽẽ ẽlẽ cĩnnĩ nẽ iittiõõ hõllõngaa adticanni thõõth cĩ Nyekuci hĩ ĩnõõnnõ.

1 Pẽẽtũrũ 1:14

Aaut ꞌthẽk hĩ lohollia cĩg Nyekuci ꞌcĩg athĩknĩ. Ma nga hobodoothĩku thooꞌthiok baag ꞌrẽẽttĩg abathĩ, baa gõõng adĩmannu niig baa nga erekuung thõõtha.

Terethiinit 12:9

Nẽ ꞌbuuhi ciee obbi aꞌthĩlan gẽrrẽẽt ko, ĩĩn hũkaat baa ꞌrẽẽnĩ baa haĩ habu cĩ loriẽẽt ꞌcĩg abathĩ, hode ꞌThĩttaan, gõõng ĩggõõl looc hũtũrũũr, itiggiayyiaak looc aajĩlẽẽtĩĩ cĩgĩnnĩg vẽlẽk.

Terethiinit 13:14

Baa ĩggõõl nyaharahaahĩ nicciee eet loota nĩnga, ngaatĩ adĩmanẽẽkĩ eet thooꞌthiok ꞌcĩg ĩnaat eeta cĩg nyaharahaak baa oou. Ma nĩngaata, ikia uduhaak eet hẽtẽhẽnyta ꞌthooura cĩ nyaharahaak ꞌcĩ baa hõllõngaa adaahĩ, baa ĩĩn botohit baa acuhanni nyetuboota.

Terethiinit 18:2

Ma ho, ikia ẽggẽrẽny aajĩlõ tĩho gẽrrẽẽt ĩĩ, “Ĩꞌthaanĩ Babiloonnia ꞌtaaũnĩ cobbi hirribanĩ hĩĩ ꞌthĩĩ! Ikia ĩĩ õlõ cĩ loriẽẽt ꞌcĩg abathĩ, nẽ aautti loriẽẽta ꞌcĩg abathĩ hĩ hĩbaallĩ hĩ idiꞌngwa ꞌcĩg abathĩ vẽlẽk.