Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Tiito 3:2 - ꞌBuuk cĩ Thõõth cĩ Nyekuci

2 duhaak anneek ma hongomĩttu ꞌgoonogu, ĩĩtõ tarbalĩg nẽ ummuktu ĩhõõggõ ĩĩcĩ oou, ma hathĩngõõnyannu hĩ eet vẽlẽk hõdõõkõthĩ.

အခန်းကိုကြည့်ပါ။ ကော်ပီ




Tiito 3:2
35 ပူးပေါင်းရင်းမြစ်များ  

Elemit dtiic ꞌcĩ haaꞌnyuung naana nẽ aanytaangu hillimanuung ngagiita, hĩnĩngĩtĩ tarbal nganĩĩt ꞌthĩnĩt nẽ hatĩ ummuddiaau ꞌyiomman cĩ loriẽẽt cugguung.


Ẽdẽcĩ Paaulo aĩ, “ꞌGotoonoga, iyyia mĩĩ hõllõngaa haga ngaatĩ ĩĩnnĩ nẽẽ paadĩr cobbi, hĩnĩngĩtĩ eheeddi ꞌBuuhaa cĩ Nyekuci aĩ, ‘Ma hothoothi makayyioohit cĩ eet cugunnig ꞌbuth.’ ”


hode igorriaaha hode lobolobbiaaha hode duuttiaha hode oloꞌngiaaha, hõllõngaa aduhun habuccieet cĩ Nyekuci.


Hõllõngaa hĩĩnĩ naa appahaca cĩ eet umwa. Nẽẽthĩ hinnia, hikia hĩĩna appahaca cĩ eet vẽlẽk, hátĩ hũlũllũũmana eet ꞌcĩg mẽẽlĩg gẽrrẽẽt helemit Krĩstõ.


Haini naa Paaulo ammuku niig ainnu hĩĩnĩ naa teelliahit hatĩ harũmĩ hĩ ngagiita nẽ haꞌthĩlani hatĩ hayyia ꞌrẽẽna? Halayyuung naa ngagiit dĩdĩ haini ĩthĩktõ, hĩnĩngĩtĩ baa tarbal Krĩstõ nẽ alal ꞌthĩnĩt cĩ nẽẽnĩ.


Homoꞌthi naa haini ma hikia naana, hõllõngaa hatali ngaatĩ hammũdaakuung ngagiit aattiyyu ꞌgõõlaa ꞌcĩ hõllõngaa hadiimi naana nẽ aitiõõ hatĩ niig buúk hõllõngaa atallu ꞌgõõl ꞌcĩ haayyi naana. Nẽ hiꞌngolli naa ngaatĩ occa aꞌnyaku ꞌgerenyi, hĩ inan hĩ lĩĩlĩẽẽnĩt hĩ voggongi hĩ tongomi hĩ ꞌrianĩĩth hĩ tahahaaꞌthĩt.


Nẽẽthĩ, aaꞌnyeet Lorii ꞌcĩ Ẽllẽẽmĩth hĩmmĩnattõ, haccamattoothĩk, haaut lõꞌngõõc, haꞌnyahit ꞌthinneeti ꞌcĩg makatĩg, hĩĩtõ tarbalĩg, hũbũttaath, huꞌthuutti lemiinit,


ꞌGotoonoga hĩ ngoonoga, má ẽꞌthẽcanõõ ẽẽtĩ umwaa hõrggẽẽnaa cunuung, oboddiaaĩ niig ꞌcĩg okomtu Loriiaa cĩ Nyekuci ho eet nicci nẽ irrioottihu haau ꞌgõõlaa ꞌcĩ abũnnaa. Ma hataarroꞌthu ngaatĩ occa ẽꞌthẽcannu niig buúk kõr umwa.


Nẽẽthĩ, hĩdĩmanit eet vẽlẽk jurrung, hatĩ hummuddia ꞌrõtĩ ꞌcĩ hadĩmanĩ ĩhõõggõ jurrung, ettebehini hatĩ ĩĩn nẽẽg eet ꞌcĩg ẽlẽmĩ Makayyioohit Yeesu.


Ĩĩtõ tarbalĩg gẽrrẽẽt nẽ aꞌnyaktu ꞌthinneeti ꞌcĩg alalĩ, aꞌnyahit ꞌthinneeti ꞌcĩg makatĩg hĩ ꞌgoonogu nẽ etemeeꞌthu thooꞌthiok vẽlẽk mĩnnaniitta.


Ũtũngteek tõngõrõrẽẽꞌthĩt hĩ liilii hĩ ngoongoi hĩ jore hĩ thõõth ꞌcĩ othooꞌthu ꞌgoonogu ꞌbuth hĩ thooꞌthiok vẽlẽk ꞌcĩg abathĩ.


Ĩĩtõ tarbalĩg hĩ eet vẽlẽk hõdõõkõthĩ, hĩnĩngĩtĩ aku hatĩ Makayyioohiti hĩdĩĩkoothong.


Nẽ haaunna hinnia hĩĩgĩnna tarbalĩg hõrggẽẽnaa cunuung, haautta hĩ morwahit gõõng aꞌthũũnnĩ lõhõlĩ cĩgĩnnĩg ꞌcĩg kidicig.


Nẽ ꞌgõõlaa cĩ buúk, abũnnaa iꞌngolli ngaaĩ cĩggĩĩng eet nẽ udukta thõõth ꞌcĩ ĩĩn dĩdĩ nẽ hõllõngaa õngõmĩt eeta, hode hõllõngaa ĩĩn duuttiak nẽ aanytĩk huꞌthuutti thooꞌthiok vẽlẽk ꞌcĩg abũnnaa ꞌcĩg adĩman nẽẽgĩ.


Abũnnaa ĩĩn eet ꞌcĩ hõllõngaa ĩĩn duuttiahit hode ahaattiohit, abũnnaa ĩĩn eet ꞌcĩ alalĩ ꞌthĩnĩt. Abũnnaa ĩĩn eet ꞌcĩ arũmĩ hĩ eet vẽlẽk lõꞌngõõc nẽ hõllõngaa ammĩnan ꞌrabbẽẽta.


Nẽẽthĩ ĩĩcĩ oou, tẽlla ꞌgẽẽnyĩthĩ ꞌcĩ aku hẽẽtahujjieen. Abbĩꞌthĩĩ tamaati hĩ dtiicanĩ ꞌcĩg abũnnaa. Hõllõngaa ahal eeta nẽ aduha thõõth ꞌcĩ ĩĩn dĩdĩ hõdõõkõthĩ.


ꞌGotoonoga hĩ ngoonoga, ma hetteediku ꞌgoonogu thooꞌthiok. Ẽẽtĩ ꞌcĩ etteedĩk ꞌgõõnĩ thõõth, aaĩ hĩcĩ etteedĩk nyattal cĩ Nyekuci thõõth. Ma etteedihi nii nyattal thõõth, aitiõõ hõllõngaa aꞌthũũnnĩ nyattal, nẽẽthĩ, aburi ngaatĩ anũĩ ĩnõõnnõ.


Nẽẽthĩ hoti ho, ma nga haaburreeku eet ũgĩ nẽ ma haggiiꞌthu eeta, nẽẽthĩ, iꞌthiattaaĩ udukta thõõth ꞌcĩ ĩĩn dĩdĩ. Ma hanyigaranoonnu hode ma hothooꞌthu ꞌgoonogu ꞌbuth.


Hĩnĩngĩtĩ aduha ꞌBuuhi cĩ Nyekuci aĩ, “Ammĩnannu ꞌthẽk niig rũgẽt dĩdĩ? Adiimmu ꞌthẽk niig accamanoothiku? Ma thĩ nga hothooꞌthu thooꞌthiok ꞌcĩg abathĩ nẽ ma nga hothooꞌthu thooꞌthiok ꞌcĩg ĩĩn õlõng.


Dtuurnatta, aaut niig vẽlẽk hõdẽĩ lõꞌngõõc, ĩĩtõ tarbalĩg nẽ atamaattik ꞌgoonogu buúk, ĩmmĩnanit ꞌgotoonogu hĩ ngoonogu nẽ ma hathĩngõõnyannu.


Nẽ ꞌyioko, ukullieek ꞌgoonogu baag gõõng ookorru ꞌjieen, hĩnĩngĩtĩ iittiõõ hõllõngaa ookorru niig hĩ ĩhõõggõ, ngaatĩ adĩmannu thooꞌthiok ꞌcĩg abathĩ nẽ odoomtuung nẽẽg ngagiit, hĩnĩngĩtĩ thooꞌthiok iccig.


Ĩĩn thõõth ciee thõõth ꞌcĩ ĩĩn dĩdĩ, eetinii ꞌcĩg anũ thooꞌthiok ꞌcĩg abũraneek nẽẽg ꞌcĩg abathĩ nẽ odoomito eet ꞌcĩg ĩĩn makayyiook cĩggĩĩng. Aꞌthĩlan nẽẽg nẽ ĩthĩngõõnyanita, nẽ hõllõngaa iꞌngolli ngaatĩ accĩĩnĩ aajĩlẽẽt cĩg hẽẽtkujjieen.


Õdõõm hinnia eeta cieeg makaaꞌthĩt cĩ hẽẽtkujjieen ꞌcĩ hõllõngaa aga nẽẽgĩ. Aattĩg nẽẽg hĩ idiꞌngwaana ꞌcĩg hõllõngaa aꞌnyak muhẽẽnĩt, adĩman nẽẽg hẽlẽggĩ ꞌcĩg aduhaak muhẽẽnĩtĩ cĩnĩĩng, nĩngĩtĩ ĩkõõthakĩ eleeti cĩggĩĩng daahĩth ẽmmẽn.


Aattĩg eeta ꞌcĩg hothoothi naa ho, hĩ eeta ꞌcĩg ohonooꞌthi nẽ ẽꞌthẽcanit eleeti cĩggĩĩng ngaatĩ adĩmanĩ thooꞌthiok ꞌcĩg ĩĩn ꞌriiring. Abũrĩ nẽẽg makaaꞌthĩt vẽlẽk nẽ odoomito aajĩlẽẽt cĩg Nyekuci.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ