Tiito 3:1 - ꞌBuuk cĩ Thõõth cĩ Nyekuci

¹ Duhaak eet cugunnig hĩthĩhĩt thõõth ꞌcĩ aduha makayyiooha cĩg ꞌgaala, hiittiõõ hõllõngaa õjõthẽẽkĩ thõõth cĩnĩĩng. Aꞌnyĩĩk hũkũmattoothĩk nẽẽg hatĩ hĩdĩmanit thõõth ꞌcĩ abũnnaa hõdõõkõthĩ,

Tiito 3:1 ပူးပေါင်းရင်းမြစ်များ

Maatteeo 22:21

Ẽdẽcĩ nẽẽg anneek, “Cĩ habu cobbi cĩ ꞌRooma.” Ẽdẽcĩ Yeesu anneek, “Aanytĩk habu cĩ ꞌRooma hẽlẽggĩ cĩgĩnnĩg nẽ aanytĩhu Nyekuc hẽlẽggĩ cĩgĩnnĩg.”

1 Korinthia 15:58

Nẽẽthĩ hoti ho, ꞌgotoonoga hĩ ngoonoga, aaut okomit. Ma haaꞌnyiku ꞌgiimwa hotomooyyuunga. Aarrik eleeti cugguung hõdõõkõthĩ dtiicaa cĩ Makayyiookto, hĩnĩngĩtĩ agayyu niig aĩ, hõllõngaa ĩĩn dtiici cunuung cĩ Makayyiookto ho ꞌcĩ haaga.

Eevvetho 2:10

Hĩĩgĩn naag eet ꞌcĩg ẽhẽnyta Nyekuci ꞌcĩg ĩĩn ngeju, baag hẽhẽnytaa haaut hõdẽĩ hĩ Yeesu Krĩstõ, hátĩ hĩdĩmanit dtiicanĩ ꞌcĩg abũnnaa baag ũkũmaneekeet Nyekuci ngagĩĩt baa ĩĩcĩ oou hĩdĩmanit.

Pilippi 1:11

Aaꞌnyuung hatĩ Yeesu Krĩstõ aallattia idticanit dtiicanĩ ꞌcĩg abũnnaa, ꞌcĩg aꞌnyahaak Nyekuc bulẽẽnĩt hĩ dĩhĩthẽẽnĩt.

Kolooꞌthe 1:10

Nẽ hatĩ aꞌnyaktu rũgẽt ꞌcĩ adĩhĩꞌthu Makayyioohit nẽ aanytĩhu ĩnõõnnõ haccamanoothĩk hõdõõkõthĩ, ngaatĩ adĩmannu dtiicanĩ ꞌcĩg abũnnaa. Au hatĩ agayyu niig Nyekuc hĩllõõan.

1 Timotteeo 2:2

Laõõĩ habuẽẽt ꞌcĩg obbitig hĩ ꞌgaala vẽlẽk, hátĩ haaut naag vẽlẽk lõꞌngõõc, ꞌgõõlaa ꞌcĩ hiꞌngoliini Nyekuc nẽ huꞌthuutti thõõth cĩnnĩ.

1 Timotteeo 4:6

Má allimaneehi nii eet thooꞌthiok iccig, aku hatĩ ĩĩnĩ dticciannioohit ꞌcĩ abũnnaa cĩ Yeesu Krĩstõ, ꞌcĩ alĩꞌtha thooꞌthiohĩĩ ꞌcĩg ĩĩn dĩdĩ hĩ lemiittaa cĩ Nyekuci, hĩ ꞌlimmaana ꞌcĩ abũnnaa ꞌcĩ ẽlẽmmĩ nẽ ũnũĩ ĩnõõnnõ.

1 Timotteeo 5:10

Abũnnaa agayyi nẽẽ gẽrrẽẽt ngaatĩ adticanĩ thooꞌthiok ꞌcĩg abũnnaa, ꞌcĩg aattĩg hĩ ꞌcĩg iroktaanĩ lõhõlĩ cĩgĩnnĩg jurrung, hĩ ngaatĩ akũmanẽẽkĩ hẽẽrõn õlõõ cĩnnĩ, akũmaneek eet cĩg Nyekuci õlõõ cĩnnĩ jurrung, ẽẽl pĩĩrnattiaak nẽ ĩrrĩcana ngaatĩ adticanĩ thooꞌthiok vẽlẽk ꞌcĩg abũnnaa.

2 Timotteeo 1:6

Nẽ thõõthaa cĩ, hanneekii dticcianõõĩ ꞌbaaninit baa aaꞌnyi Nyekuci nganiit kõr baa hataadiki naa nganiit athĩn cĩgannĩg nẽ halaooyyiina.

2 Timotteeo 2:14

Nii Timotteeo, ma haaꞌnyihi eet umwa hataarõthĩ thooꞌthiok iccig, tilo ĩhõõggõ muumaa cĩ Nyekuci, hiittiõõ hõllõngaa ẽppẽhanõõnĩ thooꞌthiok. Aitiõõ pẽkanĩ hõllõngaa ẽẽl eet umwa, ẽꞌthẽcan hinnia eet ꞌcĩg athĩknĩ nẽ aaꞌnyĩk ĩhõõggõ pĩĩrnanĩt.

2 Timotteeo 2:21

Má tẽlla ẽẽtĩ thooꞌthiohĩĩ cĩg, occa hatĩ aar Makayyioohiti ĩnõõnnõ haau hĩ hẽddẽmĩ cĩnnĩ ꞌcĩ adticanĩ dtiic ꞌcĩ ẽllẽẽmĩth ꞌcĩ tiiri hĩ Makayyioohit nẽ ũkũmanoothĩk, hátĩ hidtican dtiicanĩ vẽlẽk ꞌcĩg abũnnaa.

Tiito 1:16

Õõlõng eeta ꞌcĩg aattĩg noho ho aĩ, hagayya Nyekuc nẽ nẽẽ aduha thooꞌthioha ꞌcĩg adtican nẽẽg ko aĩ, hõllõngaa aga nẽẽg Nyekuc dĩdĩ. Aꞌnyak nẽẽg mẽdẽr ꞌthinneetinitõõ cĩggĩĩng hĩ thõõth ꞌcĩ abũrrĩ thõõth cĩ makayyioohu. Hõllõngaa occa adtican nẽẽg thõõth ꞌcĩ abũnnaa.

Tiito 2:14

Baa ẽlẽmana nẽẽ ẽlẽ cĩnnĩ hadaak hĩnĩngĩtĩ ngagĩĩta, hátĩ hõõgaeet ꞌthẽccanẽẽtĩ vẽlẽk nẽ aaꞌnyeet hĩĩtõ eet cĩgĩnnĩg ꞌcĩg ũtũũnyeet nẽẽ hĩĩtõ eet cĩgĩnnĩg, ꞌcĩg hadiim hadtican thooꞌthiok ꞌcĩg abũnnaa dĩdĩ.

Tiito 3:14

Abũnnaa adticanni eeta cĩggaac jurrung, hátĩ haꞌnyahit hẽlẽggĩ vẽlẽk ꞌcĩg adiim nẽẽgĩ, hĩnĩngĩtĩ abathĩ ngaatĩ ĩĩnĩ nẽẽg nyamuttiook.

Tiito 3:8

Thõõth ꞌcĩ ĩĩn dĩdĩ cieeni, thooꞌthiok ꞌcĩg abũnnaa cieeg hĩ eet vẽlẽk. ꞌRĩccana ꞌlimmaneek eet hũnnẽẽcõ thooꞌthiok iccig, hátĩ hidticanit eeta ꞌcĩg ẽlẽmĩ thõõth cĩ Nyekuci, thooꞌthiok ꞌcĩ abũnnaa.

Ebereei 13:21

Halayyi naa haini, aꞌnyĩĩk Nyekuc haaꞌnyuung ĩthĩhĩt ĩnõõnnõ nẽ hatĩ gõõng ĩdĩmattu thooꞌthiok ꞌcĩg aũlanĩ. Aꞌnyĩĩk Yeesu heeluung ĩdĩmanit thõõth ꞌcĩ aaꞌnyĩk Nyekuc haccamanoothĩk. Aꞌnyĩĩk bulẽẽnĩt haau hĩ Yeesu Krĩstõ ooo! Aamẽn.

2 Pẽẽtũrũ 1:12

Nẽẽthĩ hoti ho, hammuhaakuung hatĩgõõng naa ngagiit thooꞌthiok iccig, tananga agayyu niig ĩhõõggõ ẽlẽk nẽ okomtu thõõthaa ꞌcĩ ĩĩn dĩdĩ, ĩĩ baa allimanoothikuung ngagiita.

ꞌJuud 1:5

Ma hataarroꞌthu thõõth cĩ eet baag ẽẽla Makayyioohiti Ijjiba. Baa hõllõngaa ẽlẽmĩ nẽẽg ũgẽẽgĩ Nyekuc, nĩngĩtĩ aruhi nẽẽ ĩhõõggõ baa uruta.