Tiito 2:8 - ꞌBuuk cĩ Thõõth cĩ Nyekuci

⁸ ꞌLimmaneek eet thõõth cĩ Nyekuci ꞌcĩ ĩĩn dĩdĩ jurrung, hátĩ hiittiõõ hõllõngaa ẽppẽhan eet umwaanĩ. Aꞌngaaõn hatĩ mĩrõha cugunnig, hĩnĩngĩtĩ aitiõõ thõõth ꞌcĩ abathĩ ꞌcĩ ammũda hĩ nganiit hode hĩ ngagĩĩt tõõ.

Tiito 2:8 ပူးပေါင်းရင်းမြစ်များ

Maarko 12:17

Nĩngĩtĩ aduhaakĩ Yeesu ĩhõõggõ annẽẽkĩ, “Aanytĩk habu cobbi cĩ ꞌRooma ꞌgii cĩnnĩ nẽ aanytĩhu Nyekuc ꞌgii cĩ Nyekuci.” Ma nĩngaata, iita idhirriaangtĩ nẽẽg gẽrrẽẽt, hĩnĩngĩtĩ thõõth cĩ Yeesu ho.

Maarko 12:28

Baa õthõõthõõ Yeesu hĩ Thadutheei, baa aaĩ ꞌlimmannioohiti cĩ nyattal cĩ Mũũꞌtha buúk nĩngaata. Baa acĩn nẽẽ ngaatĩ ẽdẽcĩ Yeesu thõõth cĩnĩĩng ko jurrung. Nĩngĩtĩ ẽẽjẽhõõthĩkĩ nẽẽ Yeesu nẽ ijin ĩĩnnĩk, “Tilooinit iina dẽẽdẽ ꞌcĩ tiiri ꞌgoonoginni vẽlẽk?”

Maarko 12:32

Ma ho, uduhaak ꞌlimmannioohiti cĩ nyattaalõ Yeesu ĩĩnnĩk, “Ẽbẽaneehu ꞌlimmannioohit! Ĩĩn thõõth ꞌcĩ aduha nii ho, thõõth dĩdĩ ꞌcĩ aĩnnĩ, ĩĩn Makayyioohiti Nyekuci hõdẽẽthõng diooni nẽ aitiõõ umwaa tarĩ tõõ.

Maarko 12:34

Ma baa athĩhĩ Yeesu ĩnõõnnõ ngaatĩ õthõõthĩ ꞌgẽẽnyĩtha ho, ĩĩnnĩk ĩnõõnnõ, “Obohoonnu niig hĩ habuccieet cĩ Nyekuci. Ma baa urutaa cĩ, iittiõõ eet umwaa ꞌcĩ nga ajin Yeesu thõõth umwa tarĩ tõõ.”

ꞌLuuka 13:17

Ma baa aduha Yeesu thõõth icci ho, ikia aggam ngaaoni eet ꞌcĩg abũrĩ thõõth cĩnnĩ ho gẽrrẽẽt nẽ baa accamattoothĩk ꞌcĩg ẽlẽmĩ ĩnõõnnõ, hĩnĩngĩtĩ hẽlẽggĩ ꞌcĩg adĩman nẽẽ ho.

2 Tẽꞌthaloonika 3:14

Ĩcĩnĩt eet ꞌcĩg abũrĩ thõõth ꞌcĩ hẽhẽẽdanna naag waragaawaa cĩ ho jurrung. Iliittia eet tĩko thõng, aꞌngaaõn hatĩ nẽẽg ẽmmẽn.

1 Timotteeo 5:14

Ĩnõõ ꞌcĩ haduhaakĩ naa ngaatĩbõyyĩꞌnya ꞌcĩg nga hidicig hũꞌthũwattĩ tarĩ, hátĩ hittirria lõhõlĩ nẽ uꞌthuutti olooyyiok cĩggĩĩng jurrung, hiittiõõ hõllõngaa ongomĩtteet mĩrõha cĩggaac ngagĩĩta.

1 Timotteeo 6:3

Má alliman ẽẽtĩ umwaa thõõth ꞌcĩ ꞌrĩĩng, ꞌcĩ hõllõngaa õõkõrõõ hĩ ꞌlimman ꞌcĩ ĩĩn dĩdĩ ꞌcĩ aku hĩ Makayyioohit cĩnaac Yeesu Krĩstõ ho,

Tiito 3:14

Abũnnaa adticanni eeta cĩggaac jurrung, hátĩ haꞌnyahit hẽlẽggĩ vẽlẽk ꞌcĩg adiim nẽẽgĩ, hĩnĩngĩtĩ abathĩ ngaatĩ ĩĩnĩ nẽẽg nyamuttiook.

1 Pẽẽtũrũ 2:12

Aaut jurrung hatĩ arũmeennu hĩ eet ꞌcĩg nga helemit Nyekuc, tananga õhõppõõcannuung nẽẽg ngagiit thooꞌthiohĩĩ ꞌcĩg abathĩ. Ma hatĩ kõr ꞌcĩ ẽttẽẽdĩ Nyekuci thooꞌthiok, adĩhĩth hatĩ nẽẽg Nyekuc ngaatĩ aduhaanĩ thooꞌthiok ꞌcĩg abũnnaa ꞌcĩg baag acĩn adĩmani niina.

1 Pẽẽtũrũ 2:15

Adiimmuung Nyekuci ngagiit ibilli eet ꞌcĩg õthõõth thooꞌthiok cĩg ꞌgiithẽttaak, ꞌgõõlaa ꞌcĩ adĩmannu thooꞌthiok ꞌcĩg aũlanĩ.

1 Pẽẽtũrũ 3:16

Attacanit ĩhõõggõ ꞌthinneetinii ꞌcĩg alalĩ nẽ aanytĩk muhẽẽnĩt cĩ ꞌthinneeti cugguung hĩĩ tẽlla. Má othooꞌthuung eeta ꞌbuth, aggam hatĩ ĩhõõggõ ngaaoni hatĩ acĩn rũgẽt cunuung ꞌcĩ abũnnaa, hĩnĩngĩtĩ iiginnu niig cĩg Krĩstõ.