Tiito 2:5 - ꞌBuuk cĩ Thõõth cĩ Nyekuci

⁵ hátĩ huꞌthuutti eleeti nẽ ũtũbũrĩt thooꞌthiok ꞌcĩg ĩĩn ꞌriiring, hĩĩtõ ngaaĩ ꞌcĩg aꞌthũũnnĩ olooyyiok cĩggĩĩng nẽ ĩthĩhĩt thooꞌthiok cĩg maaccwa cĩggĩĩng, hátĩ hiittiõõ eeta ꞌcĩg õthõõth thõõth cĩ Nyekuci ꞌbuth tõõ.

Tiito 2:5 ပူးပေါင်းရင်းမြစ်များ

ꞌThianaattõ 18:9

Ma ho, ijinit eeta niccieeg Abũrahaamõ ĩĩttĩk, “Aaĩ ngaa cunni Thaara ngaana?” Ẽdẽcĩ Abũrahamĩ anneek, “Ĩnõõnnõ caa aaĩ ꞌcieetõõ hata.”

ꞌThianaattõ 3:16

Nẽ ĩccĩĩn Nyekuci ngaa ĩĩnnĩk, “Hittoori hatĩ naa huciith hatĩ ũũkca loholeec nẽ hatĩ gõõng ũtũhũa nii lõhõlĩ huciitha. Abũraneehi hatĩ gõõng nii maac cunni nẽ ĩnõõnnõ hatĩ gõõng ꞌcĩ ĩĩn makayyioohit cunni.”

Dtiicanĩ cĩg ꞌThooyyiahu 9:36

ꞌTaaũnaa cĩ ꞌJõõppa, baa aaĩ nuyyioohiti umwaa ꞌcĩ ngayyi ꞌcĩ haĩ ꞌthaar Tabitha. Baa haĩ ꞌthaar ũgĩ cĩgĩnnĩg ꞌGiriheeyyi ꞌDõõrka, nĩngĩtĩ aĩ mẽggẽẽr. Baa adĩman nẽẽ thõõth ꞌcĩ abũnnaa ngaatĩ ẽẽlĩ hullaha.

Dtiicanĩ cĩg ꞌThooyyiahu 9:39

Nĩngĩtĩ õõkõrĩ Pẽẽtũrũ hĩ ĩhõõggõ, ma baa õdõlan ko, iita ootti eeta ĩnõõnnõ ꞌcieetha lokora. Baa abĩlĩ ngaatĩbõyyĩꞌnya nĩngaata alu nẽ etereꞌthieek ĩnõõnnõ koouꞌnya hĩ ceremwa ũgĩ ꞌcĩg baag alũũlla ꞌDõõrka baa nga arũgĩ.

ꞌRooma 14:16

Ma haaꞌnyihi thõõth cunni ꞌcĩ adahĩ ꞌgẽẽn, haꞌnyahaak Krĩstõ ngaaoni.

ꞌRooma 2:24

Aaĩ hĩcĩ eheeddi ꞌBuuhaa cĩ Nyekuci aĩ, “Ẽlẽmtaahu niig eet ꞌcĩg hõllõngaa ĩĩn ꞌJudeei hodoomito Nyekuc, hĩnĩngĩtĩ ngagiita.”

1 Korinthia 11:3

Nẽẽthĩ ꞌyioko, hadiimmuung naa ngagiit agaac ĩĩtõ, Makayyioohit cĩ eet ꞌcĩg maacĩg vẽlẽk Krĩstõ nẽ makayyioohit cĩ ngaa ꞌcĩ ngayyi, ẽẽtĩ ꞌcĩ maacẽẽnĩ nẽ Makayyioohit cĩ Krĩstõ Nyekuci.

1 Korinthia 14:34

occa hõllõngaa elemmiaakĩ ngaaĩ hothoothito lothippitaa cĩ lemmioohu. Occa ijjiaaki nẽ ĩthĩktõ haaga, hĩcĩ aduha nyattalĩ cĩ Mũũꞌtha.

Eevvetho 5:33

Nẽẽthĩ ꞌthẽk, adiim ammĩnan maac ngaa cĩnnĩ hĩcĩ ammĩnan nẽẽ ẽlẽ cĩnnĩ, nẽ adiim iꞌngolli ngaa maac cĩnnĩ.

Kolooꞌthe 3:18

Niig ngaaĩ, ĩthĩhĩt maaccwa cugguung ꞌgõõlaa ꞌcĩ adiim Makayyioohiti.

1 Timotteeo 5:10

Abũnnaa agayyi nẽẽ gẽrrẽẽt ngaatĩ adticanĩ thooꞌthiok ꞌcĩg abũnnaa, ꞌcĩg aattĩg hĩ ꞌcĩg iroktaanĩ lõhõlĩ cĩgĩnnĩg jurrung, hĩ ngaatĩ akũmanẽẽkĩ hẽẽrõn õlõõ cĩnnĩ, akũmaneek eet cĩg Nyekuci õlõõ cĩnnĩ jurrung, ẽẽl pĩĩrnattiaak nẽ ĩrrĩcana ngaatĩ adticanĩ thooꞌthiok vẽlẽk ꞌcĩg abũnnaa.

1 Timotteeo 6:1

Má aaĩ appahaca ꞌcĩ ĩĩn lemmioohit cĩ Nyekuci, occa itieelli nẽẽ makayyioohit cĩnnĩ gẽrrẽẽt ũdũt, hátĩ hiittiõõ hõllõngaa aaꞌnyĩk ꞌthaar cĩg Nyekuci hĩ ꞌlimman cĩnnĩ ngaaoni.

Tiito 2:4

Occa alliman nẽẽg ngaaĩ ꞌcĩg ĩĩn carama hĩmmĩnanit maaccwa hĩ lõhõlĩ cĩggĩĩng,