Tiito 2:3 - ꞌBuuk cĩ Thõõth cĩ Nyekuci

³ Nẽ ꞌgõõlaa nĩĩcĩ dioo, ꞌlimman morwak buúk, haauto ꞌgõõlaa ꞌcĩ accamana Nyekuci. Aꞌnyĩĩk hiittiõõ hõllõngaa addangaak eet umwa haaga nẽ ma hahuddu mẽrtĩ gẽrrẽẽt. Aꞌnyĩĩk hillimanit thõõth ꞌcĩ abũnnaa cĩ Nyekuci.

Tiito 2:3 ပူးပေါင်းရင်းမြစ်များ

ꞌRooma 1:29

Iita ẽꞌthẽcattõõ nẽẽg ꞌgoolliohĩĩ cĩg mẽẽlĩg nẽ ĩĩtõ eet ꞌcĩg abathĩ, ĩĩn lobolobbwaak nẽ idticatteek ꞌgõõnõgĩ thooꞌthiok ꞌcĩg abathĩ. Ehethiini hẽlẽggĩ cĩg eetuk, aruk eeta, ẽppẽhanõõ hĩ ꞌgõõnõgĩ, ĩggõõl eet nẽ ummuhit ngaatĩ adĩmanĩ thooꞌthiok ꞌcĩg abathĩ. Aangal ngaatĩ õꞌngõmtĩ ꞌgõõnõgĩ,

ꞌRooma 16:2

Halayyuung naa ngagiit elemit ĩnõõnnõ ꞌthaarĩĩ cĩg Makayyiooktak, ꞌgõõlaa ꞌcĩ abũnnaa ĩcĩ lemmioohu nẽ aanytĩk eliinit vẽlẽk ꞌcĩ horoong adiim nẽẽ hĩ ngagiita, hĩnĩngĩtĩ gõõng ẽẽl nẽẽ eet ꞌcĩg mẽẽlĩg gẽrrẽẽt hĩ nganĩĩt buúk.

Eevvetho 5:3

Ma haaꞌnyiku thooꞌthiok ꞌcĩg ĩĩn ꞌriiring hẽdẽẽnyta hõrggẽẽnaa cunuung hode ainnu ngaam ngaam, hĩnĩngĩtĩ ĩĩn cieeg thooꞌthiok ꞌcĩg abathĩ ꞌcĩg occa hõllõngaa adĩman eeta ꞌcĩg ẽllẽẽmĩth cĩg Nyekuci.

1 Timotteeo 3:11

Nẽ ꞌgõõlaa cĩ buúk, abũnnaa iꞌngolli ngaaĩ cĩggĩĩng eet nẽ udukta thõõth ꞌcĩ ĩĩn dĩdĩ nẽ hõllõngaa õngõmĩt eeta, hode hõllõngaa ĩĩn duuttiak nẽ aanytĩk huꞌthuutti thooꞌthiok vẽlẽk ꞌcĩg abũnnaa ꞌcĩg adĩman nẽẽgĩ.

1 Timotteeo 3:8

Abũnnaa dticcianniooha cĩg lothippit cĩ lemmioohu buúk, ĩĩn eet dĩdĩ ꞌcĩg itieelli eet nẽ hõllõngaa aꞌnyak utugeeti ꞌramma, hõllõngaa aangal mẽrta gẽrrẽẽt nẽ iittiõõ hõllõngaa ammĩnan ꞌrabbẽẽta.

1 Timotteeo 5:23

Ma nga hahudi maam diooni, taar mẽrtĩ cĩ viinoo ꞌcĩ abadtẽc, hátĩ hẽẽl hẽẽng, hĩnĩngĩtĩ gõõng ommoori nii hõdõõkõthĩ.

Tiito 1:7

Hĩnĩngĩtĩ aaꞌnyĩk Nyekuci makayyioohit cobbi cĩ lothippit cĩ lemmioohu, hidticanoothĩk ĩnõõnnõ. Abũnnaa ĩĩn eet ꞌcĩ aitiõõ thõõth ꞌcĩ abathĩ tõõ. Abũnnaa hõllõngaa ĩĩn eet ꞌcĩ athĩngõõnyanĩ, abũnnaa ĩĩn eet ꞌcĩ hõllõngaa aaburii ꞌthĩnĩt. Abũnnaa ĩĩn eet ꞌcĩ hõllõngaa ĩĩn duuttiahit, hode aangal jora, hode adiim ꞌrabbẽẽt ꞌcĩg mẽẽlĩg ꞌgõõlaa ꞌcĩ abathĩ.

Tiito 2:4

Occa alliman nẽẽg ngaaĩ ꞌcĩg ĩĩn carama hĩmmĩnanit maaccwa hĩ lõhõlĩ cĩggĩĩng,

Ebereei 5:12

Baa iittu niig lemmiook baangaani ꞌrĩng. Nẽẽthĩ, occa ꞌyioko baa illimattu ꞌgoonogu thooꞌthiok ꞌcĩg ĩĩn dĩdĩ cĩg Loriiak. Nẽẽthĩ, ĩko hinnia nga adiimmu eet umwa hillimanuung ngagiit thooꞌthiok ꞌcĩg tiirik cĩg Nyekuci? Nga aattiyyu niig hĩ ĩdõlẽẽta ꞌcĩg nga adiim aam ira nẽ hõllõngaa occa nõõ aaꞌnyĩhoothĩk ahata. Aitiõõ niig nga ũkũmattoothĩk hĩnĩngĩtĩ ꞌlimman ꞌcĩ õkõmĩ ꞌcĩ aaĩ hĩ ahat ꞌcĩ aduk ẽẽtĩ cobbiẽẽnĩ.

Terethiinit 2:20

“Aaĩ thõõth hõdẽẽthõng diooni ꞌcĩ hatabi haduhaakuunga. Alahatteehu tarĩ niig ngaa ꞌcĩ haĩ ꞌJeꞌthebeela hataa, hoolongeek eet gẽrrẽẽt, aĩ hĩĩnĩ põrõvẽtaac cĩ Nyekuci nẽ illimaneek eet õlõng nẽ tarĩ, ũlũllũũmaneek dticcianniook cĩgannĩg, huduhit ꞌgẽẽn ꞌcĩ aaꞌnyĩk ngarĩta hẽlẽggĩ ꞌcĩg aar eeta hĩĩtõ nyekuꞌnya nẽ illimaneek hidticanit thooꞌthiok ꞌcĩg ĩĩn ꞌriiring buúk.