Tiito 2:2 - ꞌBuuk cĩ Thõõth cĩ Nyekuci

² ꞌLimman eet ꞌcĩg obbitig hillimanit ngaatĩ aꞌthũũnnĩ eleeti cĩggĩĩng, aꞌnyĩĩk haꞌnyahit authet ꞌcĩ iꞌngoliini eeta ĩhõõggõ, abũnnaa aꞌnyak lemiinit ꞌcĩ ĩĩn dĩdĩ hĩ mĩnnan hĩ ꞌgõõl ꞌcĩ ẽmmẽẽꞌthĩ thooꞌthiok.

Tiito 2:2 ပူးပေါင်းရင်းမြစ်များ

Maarko 5:15

Ma baa õdõlan nẽẽg Yeesu ho, au hinnia adtuuha eet aagõõng aꞌnyak loriẽẽt ꞌcĩg abathĩ ẽllaa cĩnnĩ iccioloongan loota, ahimit ceremwa, ĩĩ eet ꞌcĩ ũbũna õõ lõꞌngõõc nẽ baa itieelli nẽẽg vẽlẽk gẽrrẽẽt.

ꞌLuuka 8:35

Nĩngĩtĩ õõ acĩnĩ eeta. Ma baa ammũdoothĩk nẽẽg Yeesu ho, adtuuha hinnia eet aa aduknaanĩ loriẽẽta ꞌcĩg abathĩ ho iccioloongan loota ꞌthõõnĩĩ cĩgĩnnĩg, itihimi ũbũna, nĩngĩtĩ itieelini eeta gẽrrẽẽt.

Dtiicanĩ cĩg ꞌThooyyiahu 24:25

Ma baa õthõõth Paaulo thõõth cĩ Nyekuci ꞌcĩ aũlan hĩ ꞌgõõl ꞌcĩ haꞌthũũnnĩ ẽlẽ hĩ thõõth ꞌcĩ etteedini thooꞌthioha, ikia itiẽẽlĩ Pelicce gẽrrẽẽt nẽ ĩĩ, “Ẽlẽ, ĩnẽẽnĩ, ũũppanit nicciaag cĩg kõr icci! Bĩĩt da nõõnĩ. Ma hatĩ hammũda ꞌthaa kõr umwa, hauyyi hatĩnĩ.”

ꞌRooma 12:3

Hĩnĩngĩtĩ bũnnai baa aaꞌnyĩhoothĩkaa nganĩĩta, haduhaakuung naa ngagiit vẽlẽk hanneekuung, ma hathĩngõõnyannu gẽrrẽẽt, nẽẽthĩ ummuhit eleeti cugguung ꞌgõõlaa ꞌcĩ abũnnaa, ꞌgõõlaa ꞌcĩ attĩmaneeku lemiinit baa aaꞌnyuung Nyekuci ngagiita.

1 Korinthia 15:34

Udtuukta thõõth ꞌcĩ abathĩ nẽ ibillu ꞌthẽccan, hĩnĩngĩtĩ aattĩg eeta ũgẽẽgĩ hõrggẽẽnaa cunuung, ꞌcĩg nga hagaacõ thõõth cĩ Nyekuci. Haduha naa thõõth icci, hátĩ haggamuung ngagiit ngaaoni.

1 Korinthia 9:25

Allimanni irettiooha gẽrrẽẽt, hátĩ hĩllõõanit nẽ hinnia allimanni nẽẽg nẽ umuddia ꞌbaaninit ꞌcĩ hõllõngaa aalla ũdũt, nẽẽthĩ, hallimanni naag, hátĩ hummuddia ꞌbaaninit ꞌcĩ aalla ũdũt.

2 Korinthia 5:13

Má haattiyyia naag hĩ eeta ꞌcĩg aitiõõ muhẽẽnĩtĩ tõõ, ĩĩn thõõth cĩnaang hĩ Nyekuc. Nẽ má aũlan muhẽẽnĩtĩ cĩnaang, aũlan hátĩ heelluung ngagiita.

ꞌGalaaꞌthia 5:23

nẽ hĩĩtõ tarbalĩg, huꞌthuutti eleeti. Nẽ má adticannu niig thooꞌthiok iccig, hõllõngaa ẽꞌthẽcannu niig nyattal.

Pilippi 4:8

Nẽẽthĩ ꞌyioko, ꞌgotoonoga hĩ ngoonoga, thõõthaa ꞌcĩ adtuurna, ummuhit thooꞌthiok ꞌcĩg ĩĩn dĩdĩ hĩ thooꞌthiok ꞌcĩg hiꞌngolli hĩ thooꞌthiok ꞌcĩg aũlanĩ, hĩ thooꞌthiok ꞌcĩg tẽllĩg hĩ thooꞌthiok cĩg occa hammĩnanĩ hĩ thooꞌthiok ꞌcĩg accamana ꞌthinneeti. Ummuhit thooꞌthiok ꞌcĩg ẽllẽẽmĩth gẽrrẽẽt ꞌcĩg occa hadĩhĩthĩ.

1 Tẽꞌthaloonika 5:6

Nẽẽthĩ hoti ho, occa hõllõngaa hattumanni naag hoogin hĩ eeta ꞌcĩg oogin ko, hĩcĩttĩ nẽ haauto dĩkĩĩm huꞌthuutti eleeti.

1 Tẽꞌthaloonika 5:8

Nẽ naag eeta ꞌcĩg haattĩg lanyita ho, haꞌnyahit muhẽẽnĩt ꞌcĩ tẽllĩ nẽ eteiinneet hilib cĩ lemiitto hĩ cĩ mĩnnaanõ nẽ hitihimit naꞌngaala cĩ eliinit cĩnaac.

1 Timotteeo 1:10

Ẽhẽnytaa nyattalĩ hĩnĩngĩtĩ eet ꞌcĩg ajanĩ tirrii tahatak, hode eet ꞌcĩg õdõra ꞌgõõnõgĩ ꞌcĩg maacĩg aar hĩ ngaaĩ, hĩ eet ꞌcĩg ĩgõrĩth ꞌgõõnõgĩ õõ ũũtẽnĩ thõng, hĩ oloꞌngiaak, hĩ eet gõõng hõllõngaa aduha thõõth ꞌcĩ ĩĩn dĩdĩ lokihooa, hĩ eet ũgĩ buúk ꞌcĩg ẽppẽhan ꞌlimman ꞌcĩ ĩĩn dĩdĩ,

1 Timotteeo 1:14

Baa tarbal Makayyioohiti cĩnaac Yeesu Krĩstõ hĩ nganĩĩta. Baa aggatan nẽẽ rũgẽt caannĩ lemiitta, hĩ mĩnnaanaa haau hĩ loholeec cĩnnẽẽnĩ.

1 Timotteeo 1:2

Heheedihi naa waraga Timotteeo, loholeec caannĩ dẽẽdẽ lemiitta. Aꞌnyĩĩk Nyekuc Baangeet cĩnaac hĩ Makayyioohit cĩnaac Yeesu Krĩstõ hatamaattihii nẽ aanyti bũnnai hĩ ganõn.

1 Timotteeo 1:5

ꞌLimman eet haꞌnyahit mĩnnan ꞌthinneetini dĩdĩ nẽ aꞌnyahit ꞌthinneeti ꞌcĩg tẽllĩg hĩ lemiinit dĩdĩ.

1 Timotteeo 3:11

Nẽ ꞌgõõlaa cĩ buúk, abũnnaa iꞌngolli ngaaĩ cĩggĩĩng eet nẽ udukta thõõth ꞌcĩ ĩĩn dĩdĩ nẽ hõllõngaa õngõmĩt eeta, hode hõllõngaa ĩĩn duuttiak nẽ aanytĩk huꞌthuutti thooꞌthiok vẽlẽk ꞌcĩg abũnnaa ꞌcĩg adĩman nẽẽgĩ.

1 Timotteeo 3:2

Abũnnaa ĩĩn makayyioohiti cĩ lothippit cĩ lemmioohu, eet ꞌcĩ aꞌnyak ngaa hõdẽẽthõng, eet ꞌcĩ aꞌthũũnnĩ ẽlẽ cĩnnĩ nẽ ĩĩ eet ꞌcĩ iꞌngolli eet, abũnnaa ĩĩn eet ꞌcĩ iꞌngolli hẽẽrõn nẽ aga ngaatĩ allimanĩ eet.

1 Timotteeo 3:4

Nẽ abũnnaa makayyioohiti cĩ lothippit cĩ lemmioohu ĩĩn eet dĩdĩ ꞌcĩ aꞌthũũnnĩ õlõ cĩnnĩ jurrung nẽ irrioonĩk lõhõlĩ cĩgĩnnĩg hĩthĩhĩt nẽ itingolli thõõth ꞌcĩ aduha nẽẽnĩ.

1 Timotteeo 3:8

Abũnnaa dticcianniooha cĩg lothippit cĩ lemmioohu buúk, ĩĩn eet dĩdĩ ꞌcĩg itieelli eet nẽ hõllõngaa aꞌnyak utugeeti ꞌramma, hõllõngaa aangal mẽrta gẽrrẽẽt nẽ iittiõõ hõllõngaa ammĩnan ꞌrabbẽẽta.

1 Timotteeo 5:1

Ma hẽtẽẽtha eet cobbi, tẽẽlĩ ĩnõõnnõ duhaak thõõth hĩdĩĩc, haau hĩcĩ occa aduhaahi maaꞌnyu. Ookorrio hĩ nyahaappanĩt, hĩcĩ aattiyyu hĩ ꞌgotoonogu.

Tiito 1:13

Ĩĩn ciee thõõth ꞌcĩ ĩĩn dĩdĩ, nẽẽthĩ, ꞌgerenyeek ĩhõõggõ gẽrrẽẽt, hátĩ helemit Nyekuc ꞌgõõlaa ꞌcĩ attiranĩ,

Tiito 1:8

Abũnnaa ĩĩn eet cĩ eetu ꞌcĩ ammĩnan thõõth ꞌcĩ abũnnaa. Abũnnaa ĩĩn eet ꞌcĩ aꞌnyak muhẽẽnĩt ꞌcĩ abũnnaa nẽ ĩĩ eet ꞌcĩ aꞌthũũnnĩ ẽlẽ, ꞌcĩ ẽllẽẽmĩthĩ.

Tiito 2:7

Nẽ nii buúk, ꞌrĩccana ngaatĩ ẽtẽrꞌthẽẽkĩ eet ꞌgõõl ꞌcĩ adĩmanĩĩ thõõth ꞌcĩ abũnnaa. ꞌLimman eet ꞌthĩnĩta dĩdĩ hĩ ꞌgõõlaa ꞌcĩ õkõmmĩ eeta.

Vilõmẽẽnõ 1:9

Nẽ hĩnĩngĩtĩ mĩnnan cĩnaac, occa hanneekii ꞌmuuk thõõth icci haau hĩ jinẽẽnĩtĩ ꞌcĩ aku hĩ nganĩĩt Paaulo, ꞌcĩ hatahaanya nẽ ꞌyioko hĩĩna baabutheenit, hĩnĩngĩtĩ Yeesu Krĩstõ buúk,

1 Pẽẽtũrũ 1:13

Aaut dĩkĩĩm nẽ aanytĩk muhẽẽnĩt cunuung hũũlan. Aarrik muhẽẽnĩt cunuung ꞌcĩ abũnnaa vẽlẽk ꞌgõõlaa ꞌcĩ hatĩ ĩĩnnĩ Nyekuci tarbal hĩ ngagiit hatĩ uppwaanna Yeesu Krĩstõ.

1 Pẽẽtũrũ 4:7

Õbõhĩ decciaanĩtĩ cĩ lootu. Nẽẽthĩ hoti ho, uꞌthuutti eleeti nẽ ĩrrĩcattaau laiinit jurrung.

1 Pẽẽtũrũ 5:8

Uꞌthuutti eleeti nẽ aauttu dĩkĩĩm. Awanĩt mirohiti cunuung habuui cĩ loriẽẽt ꞌcĩg abathĩ looc hĩ ꞌmaa ꞌcĩ arruuk adiim eet ꞌcĩ aruhi.

2 Pẽẽtũrũ 1:6

nẽ ittoorrihu ꞌgẽẽnyĩth authet cĩ haꞌthũũnnĩ eleeti jurrung nẽ ittoorrihu authet ꞌcĩ haꞌthũũnnĩ eleeti temeethi nẽ ittoorrihu temeethi ꞌgõõl ꞌcĩ haaꞌnyĩkĩ Nyekuc haccamanoothĩk;