Tiito 1:9 - ꞌBuuk cĩ Thõõth cĩ Nyekuci

⁹ Aꞌnyĩĩk hũꞌthũũtĩ thõõth baa ĩĩn dĩdĩ baa allimanoothĩk ĩnõõnnõ, hátĩ hẽẽl ꞌlimmanĩ cĩnnĩ ꞌcĩ ĩĩn dĩdĩ ho ꞌgõõnõgĩ nẽ itilo eet ꞌcĩg adiim abũrĩ thõõth icci.

Tiito 1:9 ပူးပေါင်းရင်းမြစ်များ

Dtiicanĩ cĩg ꞌThooyyiahu 18:28

Baa ẽppẽhanõõ nẽẽ hĩ eet cĩg ꞌJudeei nẽ lothippita, adticaniini nẽẽ thooꞌthiok ꞌcĩg au ꞌBuuhaa cĩ Nyekuci, huduha dĩdĩ ngaatĩ ĩĩnnĩ Yeesu Krĩstõ.

1 Korinthia 14:24

Nẽẽthĩ ꞌyioko, udukta niig vẽlẽk thooꞌthiok ꞌcĩg hatĩ au horumwa, hatĩ aduknaakuung eeta ꞌcĩg hõllõngaa ĩĩn lemmiook hĩ eet ꞌcĩg ꞌrĩĩng, occa hatĩ au ammũda nẽẽg ngaatĩ ĩĩnnĩ nẽẽg ꞌthẽccanniook nẽ idiimito ꞌgõõl ꞌcĩ ũũhũĩ ꞌthinneeti cĩggĩĩng, hĩnĩngĩtĩ thõõth ꞌcĩ aduhaannu niig ko.

1 Tẽꞌthaloonika 5:21

ĩttĩmanit hẽlẽggĩ vẽlẽk. Nẽ akatti hẽbẽrĩ thooꞌthiok iccig jurrung nẽ uꞌthuutti thõõth ꞌcĩ abũnnaa diooni.

2 Tẽꞌthaloonika 2:15

Nẽẽthĩ, ꞌgotoonoga hĩ ngoonoga, ĩnõõ ꞌcĩ hanneekuung, ĩbĩlĩt okomit nẽ uꞌthuuttu thooꞌthiok baag hallimaneekuung naag jurrung, hode haduhaakuung ũtũũgaa hode hẽhẽẽdakuung waragaawa.

1 Timotteeo 1:10

Ẽhẽnytaa nyattalĩ hĩnĩngĩtĩ eet ꞌcĩg ajanĩ tirrii tahatak, hode eet ꞌcĩg õdõra ꞌgõõnõgĩ ꞌcĩg maacĩg aar hĩ ngaaĩ, hĩ eet ꞌcĩg ĩgõrĩth ꞌgõõnõgĩ õõ ũũtẽnĩ thõng, hĩ oloꞌngiaak, hĩ eet gõõng hõllõngaa aduha thõõth ꞌcĩ ĩĩn dĩdĩ lokihooa, hĩ eet ũgĩ buúk ꞌcĩg ẽppẽhan ꞌlimman ꞌcĩ ĩĩn dĩdĩ,

1 Timotteeo 1:15

Ĩĩn thõõth ciee thõõth dĩdĩ ꞌcĩ occa hẽlẽmĩ dĩdĩ. Baa aku Yeesu Krĩstõ loota nĩnga, hátĩ hẽẽla ꞌthẽccanniook nẽ ꞌthẽccannioohit umwa naa buúk ꞌcĩ baa habathi gẽrrẽẽt.

1 Timotteeo 1:19

ꞌThũũtĩ thõõth cĩ lemiinit cunni nẽ aꞌnyahu ꞌthĩnĩt ꞌcĩ tẽllĩ, hĩnĩngĩtĩ aauto eeta ũgẽẽgĩ ꞌcĩg arahanit lemiittaa cĩnĩĩng, hĩnĩngĩtĩ hõllõngaa athĩhĩ nẽẽg molook cĩ Nyekuci ꞌcĩ othoothĩk ĩhõõggõ ꞌthinneetinitõõ cĩggĩĩng nẽ ẽꞌthẽcanit lemiinit cĩnĩĩng hĩ Nyekuc.

1 Timotteeo 4:9

Ĩĩn thõõth ꞌcĩ haduha naa ho dĩdĩ nẽ adiim occa hẽlẽmĩ,

1 Timotteeo 6:3

Má alliman ẽẽtĩ umwaa thõõth ꞌcĩ ꞌrĩĩng, ꞌcĩ hõllõngaa õõkõrõõ hĩ ꞌlimman ꞌcĩ ĩĩn dĩdĩ ꞌcĩ aku hĩ Makayyioohit cĩnaac Yeesu Krĩstõ ho,

2 Timotteeo 1:13

ꞌThũũtĩ thõõth baa hallimaneekii naa, lemiitta nẽ ĩmmĩnanuu Yeesu Krĩstõ.

2 Timotteeo 2:2

Hĩ hẽlẽggĩ baag athihi nii haduha naa hẽbẽrẽẽnnĩĩ cĩg eet ꞌcĩg mẽẽlĩg, hátĩ bĩĩt ꞌlimmaneek nii buúk eet ꞌcĩg occa ũũlũ ngaatĩ allimanĩ ꞌgõõnõgĩ.

2 Timotteeo 2:25

Nẽ tarĩ, abũnnaa ĩĩn eet ꞌcĩ tarbalĩ buúk, hátĩ hẽtẽrẽth eet ꞌcĩg ẽppẽhanõõ hĩ ĩnõõnnõ. Horoong hatĩ ũũhũ Nyekuci eet niccig, hũtũngteek ꞌthẽccanẽẽt cĩggĩĩng nẽ elemit thõõth cĩnnĩ ꞌcĩ ĩĩn dĩdĩ,

2 Timotteeo 3:14

Nẽẽthĩ niina, ala ꞌthũũtĩ thooꞌthiok baag allimanoothikii nẽ elemmu dĩdĩ. Hĩnĩngĩtĩ aga nii hĩnganĩ baag allimannii nganiita.

2 Timotteeo 4:3

Aaĩ hatĩ kõrra ꞌcĩ au aharrẽẽkĩ eeta ꞌlimman ꞌcĩ ĩĩn dĩdĩ cĩ Nyekuci ho nẽ utuhuyyi ũnnẽẽcõ hẽlẽggĩ ꞌcĩg abũraneek eleeti cĩggĩĩng haaga nẽ atabtõõthĩ ꞌlimmanniook ꞌcĩg aduhaak ĩhõõggõ thooꞌthiok cĩg adiim athĩhĩ nẽẽgĩ.

Tiito 1:11

Bĩlĩ ꞌlimman cĩnĩĩng abathĩ ho, hĩnĩngĩtĩ accanan ꞌlimmanĩ cĩnĩĩng ko halaꞌngiook ꞌcĩg mẽẽlĩg nẽ aduha nẽẽg õlõng cĩnĩĩng ko, hátĩ hummuddia ꞌrabbẽẽta.

Tiito 2:1

Nẽ nii Tiito, ꞌlimman thõõth ꞌcĩ õõkõrõõ hĩ ꞌlimman ꞌcĩ ĩĩn dĩdĩ.

ꞌJuud 1:3

ꞌGotoonoga hĩ ngoonoga, baa habũraneehi naa gẽrrẽẽt ngaatĩ hẽhẽẽdakuung ngagiit thõõth cĩ elliaanĩt cĩ Nyekuci ꞌcĩ hatĩ hõthõl naag vẽlẽk ko. Nẽẽthĩ ꞌyioko, hummuha hĩĩna hidiima hẽtẽhẽẽdahuung thõõth umwa cĩrrĩĩng, hátĩ hũkũtanuung eteyyiõõĩ lemiinit baa aaꞌnyĩk Nyekuci eet cĩgĩnnĩg vẽlẽk ꞌcĩg ẽllẽẽmĩth tabattĩ hõdẽẽthõng.

Terethiinit 2:25

Uꞌthuutti thõõth cĩ Nyekuci jurrung ĩꞌthõng hikia naana.

Terethiinit 3:11

“Hakuu hatĩ naa hĩdĩĩkoothong, uꞌthuutti thõõth caannĩ baa allimanoothikuunga, hátĩ hiittiõõ ẽẽtĩ ꞌcĩ hatĩ aggamaannuung ꞌbaaninit ꞌcĩ haaꞌnyuung naa ho tõõ.

Terethiinit 3:3

Ummuhuttooth thooꞌthiok baag allimanoothikuung ngagiit nẽ uꞌthuuttu jurrung. Ũtũbũrĩt thooꞌthiok ꞌcĩg abathĩ. Má attumaniinnu, hanĩhaakuung hatĩ naa hĩ igorriaahiti kõrraa ꞌcĩ hõllõngaa agayyu niiga.