Tiito 1:8 - ꞌBuuk cĩ Thõõth cĩ Nyekuci

⁸ Abũnnaa ĩĩn eet cĩ eetu ꞌcĩ ammĩnan thõõth ꞌcĩ abũnnaa. Abũnnaa ĩĩn eet ꞌcĩ aꞌnyak muhẽẽnĩt ꞌcĩ abũnnaa nẽ ĩĩ eet ꞌcĩ aꞌthũũnnĩ ẽlẽ, ꞌcĩ ẽllẽẽmĩthĩ.

Tiito 1:8 ပူးပေါင်းရင်းမြစ်များ

ꞌLuuka 2:25

Baa ammũdeek aaĩ ẽẽtĩ umwaa ꞌcĩ haĩ ꞌThimiõõnẽ ꞌJeruꞌthalẽma, ꞌcĩ baa itieelli Nyekuc nẽ ala ĩnõõnnõ gẽrrẽẽt ũdũt. Baa ẽrẽ nẽẽ Ellioohit hikia hẽẽla eet cĩg Ĩꞌthĩraẽlĩ, nẽ baa aaĩ Lorii ꞌcĩ Ẽllẽẽmĩth hĩ ĩnõõnnõ.

Dtiicanĩ cĩg ꞌThooyyiahu 24:25

Ma baa õthõõth Paaulo thõõth cĩ Nyekuci ꞌcĩ aũlan hĩ ꞌgõõl ꞌcĩ haꞌthũũnnĩ ẽlẽ hĩ thõõth ꞌcĩ etteedini thooꞌthioha, ikia itiẽẽlĩ Pelicce gẽrrẽẽt nẽ ĩĩ, “Ẽlẽ, ĩnẽẽnĩ, ũũppanit nicciaag cĩg kõr icci! Bĩĩt da nõõnĩ. Ma hatĩ hammũda ꞌthaa kõr umwa, hauyyi hatĩnĩ.”

1 Tẽꞌthaloonika 2:10

Iiginnu niig vẽlẽk hĩ Nyekuc hẽbẽrĩ cĩggaang, ꞌcĩg agayyu ainnu, hĩĩgĩnna naag eet ꞌcĩg ẽllẽẽmĩthĩ nẽ tẽllĩg ꞌthinneeti, hiꞌthihi thõõth umwa ꞌcĩ abathĩ hĩ ngagiit lemmiook cĩg Makayyiooktak.

1 Timotteeo 3:2

Abũnnaa ĩĩn makayyioohiti cĩ lothippit cĩ lemmioohu, eet ꞌcĩ aꞌnyak ngaa hõdẽẽthõng, eet ꞌcĩ aꞌthũũnnĩ ẽlẽ cĩnnĩ nẽ ĩĩ eet ꞌcĩ iꞌngolli eet, abũnnaa ĩĩn eet ꞌcĩ iꞌngolli hẽẽrõn nẽ aga ngaatĩ allimanĩ eet.

1 Timotteeo 4:12

Ma haaꞌnyihi eet umwa hatamaaci, hĩnĩngĩtĩ aĩ nga ĩĩnĩ hĩdĩca. Aꞌnyĩĩk lemmiook hĩcĩtta hĩ nganiit ꞌgõõl ꞌcĩ anũĩ nẽẽg thõõth cĩ Nyekuci, ꞌrioona cunni, hĩ authetaa ꞌcĩ aayyi jurrung, hĩ ꞌgõõlaa ꞌcĩ ammĩnanĩĩ eet, hĩ ngaatĩ ẽlẽmmĩ thõõth cĩ Nyekuci, hĩ ꞌgõõlaa ꞌcĩ hõllõngaa adĩmani thooꞌthiok ꞌcĩg ĩĩn ꞌriiring.

1 Timotteeo 6:11

Nẽ nii Timotteeo, ĩĩnĩ nii eet cĩ Nyekuci, ma hadĩmani thooꞌthiok ꞌcĩg abathĩ ꞌcĩg aattĩg noho, ꞌtĩmman gẽrrẽẽt ngaatĩ adĩmanĩĩ thõõth cĩ Nyekuci, hátĩ bũna au hĩ nẽẽnĩ, lẽẽm ĩnõõnnõ, mĩnnan ĩnõõnnõ nẽ etemeethu thooꞌthiok ꞌcĩg aꞌnyahaaki nẽẽnĩ nẽ ĩĩ tarballioohit.

2 Timotteeo 2:22

Lĩĩta thooꞌthiok ꞌcĩg abathĩ ꞌcĩg abũraneek nyahaappanĩta hĩ buheeci. Nũũ thõõth ꞌcĩ abũnnaa hõdõõkõthĩ, ꞌnyaak lemiinit cĩ Nyekuci hĩ mĩnnan nẽ aau lõꞌngõõc nẽ laa Makayyioohit hõdẽĩ hĩ eet ꞌcĩg tẽllĩg.

2 Timotteeo 3:3

Aitiõõ ĩhõõggõ mĩnnanĩ tõõ, hõllõngaa ammaannĩk eet ꞌcĩg adĩman ĩhõõggõ ꞌbuth, ẽmẽddaanĩ ngaatĩ õꞌngõmtĩ ꞌgõõnõgĩ, hõllõngaa aꞌthũũnnĩ eleeti cĩggĩĩng, ĩĩn tongororriaak nẽ ũtũbũrĩt thooꞌthiok vẽlẽk ꞌcĩg abũnnaa.

Tiito 2:7

Nẽ nii buúk, ꞌrĩccana ngaatĩ ẽtẽrꞌthẽẽkĩ eet ꞌgõõl ꞌcĩ adĩmanĩĩ thõõth ꞌcĩ abũnnaa. ꞌLimman eet ꞌthĩnĩta dĩdĩ hĩ ꞌgõõlaa ꞌcĩ õkõmmĩ eeta.

1 Yõaannẽ 3:14

Má hammĩnan naag ꞌgotoonogeet hĩ ngoonogeet, ẽtẽrꞌtha thõõth ciee aĩ, hũtũngteek naag daahĩth hiita rũgẽta. Nẽẽthĩ, ẽẽtĩ ꞌcĩ hõllõngaa ammĩnan ꞌgõtõnĩ hode ngõõnĩ, nga aalla nẽẽ daahĩtha.

1 Yõaannẽ 5:1

Ẽẽtĩ ꞌcĩ ẽlẽmĩ ngaatĩ ĩĩnnĩ Yeesu, Krĩstõ, ĩĩn nẽẽ loholeec cĩ Nyekuci nẽ ẽẽtĩ ꞌcĩ ammĩnan Maaꞌnyĩ, ammĩnan nẽẽ ngeerĩnĩ buúk.