Tiito 1:7 - ꞌBuuk cĩ Thõõth cĩ Nyekuci

⁷ Hĩnĩngĩtĩ aaꞌnyĩk Nyekuci makayyioohit cobbi cĩ lothippit cĩ lemmioohu, hidticanoothĩk ĩnõõnnõ. Abũnnaa ĩĩn eet ꞌcĩ aitiõõ thõõth ꞌcĩ abathĩ tõõ. Abũnnaa hõllõngaa ĩĩn eet ꞌcĩ athĩngõõnyanĩ, abũnnaa ĩĩn eet ꞌcĩ hõllõngaa aaburii ꞌthĩnĩt. Abũnnaa ĩĩn eet ꞌcĩ hõllõngaa ĩĩn duuttiahit, hode aangal jora, hode adiim ꞌrabbẽẽt ꞌcĩg mẽẽlĩg ꞌgõõlaa ꞌcĩ abathĩ.

Tiito 1:7 ပူးပေါင်းရင်းမြစ်များ

ꞌThianaattõ 49:6

Hõllõngaa occa hadiimi naa ngaatĩ hõõkõrĩ hode ngaatĩ haarĩkĩ thõõth ꞌcĩ hadĩmani ꞌgiimwa hõdẽĩ hĩ ngagiita. Iiginnu niig eet ꞌcĩg aruku eet, hĩnĩngĩtĩ liilii haaga, nẽ tarĩ etteeddu hẽlẽggĩ hũũrũ cĩg ꞌthoonu.

Maatteeo 24:45

“Nganĩ ꞌcĩ ĩĩn dticciannioohit ꞌcĩ abũnnaa ꞌcĩ ẽggẽẽnyĩth, ꞌcĩ anneek baattĩ olu, bẽẽk õlõ cĩnnĩ nẽ aaꞌnyĩk eet cĩg olu ꞌgẽẽn ꞌthaa ꞌcĩ adiimi nẽẽgĩ?

ꞌLuuka 12:42

Ẽdẽcĩ Makayyioohiti Pẽẽtũrũ anneek, “Dticciannioohit thĩ iina ꞌcĩ ẽggẽẽnyĩth nẽ idtican dtiic cĩ makayyioohit cĩnnĩ jurrung, ꞌcĩ aarĩk makayyioohiti hẽbẽk ꞌgõõnõgĩ nẽ aaꞌnyĩk ĩhõõggõ ꞌgẽẽn ꞌthaawaa ꞌcĩ aũlanĩ?

Eevvetho 5:18

Aanytĩk Lori ꞌcĩ Ẽllẽẽmĩth haggam rũgẽt cunuung. Ma hiꞌnyiathanaannu eleeti dũũtĩtha, hĩnĩngĩtĩ aĩnanaakuung dũũtĩthĩ ĩdĩmanit thooꞌthiok ꞌcĩg mẽẽlĩg ꞌcĩg abathĩ.

Pilippi 1:1

Waraga ꞌcĩ aku hĩ nganĩĩt Paaulo hĩ Timotteeo ꞌcĩg hĩĩgĩnna dticcianniook cĩg Yeesu Krĩstõ cieeni. Eheedothoothĩk waraga ciee eet vẽlẽk cĩg Nyekuci ꞌcĩg ĩĩn nuyyiook cĩg Yeesu Krĩstõ ꞌtaaũnaa cĩ Pilippi, hĩ makayyiook cugguung hĩ elliook cĩggĩĩng.

Tiito 1:5

Baa huunnikii naa nganiit dtuungaa cĩ Kerete, haĩ dẽcaak dtiic baa nga idionganĩ nẽ ẽbẽra makayyiook cĩg lemmioohu ꞌtaaũnnioohĩ vẽlẽk.

Tiito 2:3

Nẽ ꞌgõõlaa nĩĩcĩ dioo, ꞌlimman morwak buúk, haauto ꞌgõõlaa ꞌcĩ accamana Nyekuci. Aꞌnyĩĩk hiittiõõ hõllõngaa addangaak eet umwa haaga nẽ ma hahuddu mẽrtĩ gẽrrẽẽt. Aꞌnyĩĩk hillimanit thõõth ꞌcĩ abũnnaa cĩ Nyekuci.

1 Pẽẽtũrũ 4:10

Aꞌnyĩĩk eet hõdẽĩ hõdẽĩ hidticattõõĩ ꞌbaaninit ꞌcĩ baa aaꞌnyĩk Nyekuci ĩhõõggõ heelli ꞌgõõnõgĩ. Idticattõõĩ bũnnai cĩ Nyekuci ꞌcĩ maka gẽrrẽẽt ꞌgõõlaa ꞌcĩ abũnnaa.

1 Pẽẽtũrũ 5:2

Ũtũhaac eet ꞌcĩg aaꞌnyuung Nyekuci ngagiita. Idticattoothĩk ĩhõõggõ jurrung, hõllõngaa hĩnĩngĩtĩ attĩnganoothikuung thõng, nẽẽthĩ, hĩnĩngĩtĩ accamanaannu ngaatĩ adticanoothiku Nyekuc, hõllõngaa hĩnĩngĩtĩ hátĩ ummuddia ꞌrabbẽẽta.

2 Pẽẽtũrũ 2:10

Ĩĩn thõõth ciee thõõth ꞌcĩ ĩĩn dĩdĩ, eetinii ꞌcĩg anũ thooꞌthiok ꞌcĩg abũraneek nẽẽg ꞌcĩg abathĩ nẽ odoomito eet ꞌcĩg ĩĩn makayyiook cĩggĩĩng. Aꞌthĩlan nẽẽg nẽ ĩthĩngõõnyanita, nẽ hõllõngaa iꞌngolli ngaatĩ accĩĩnĩ aajĩlẽẽt cĩg hẽẽtkujjieen.