Tiito 1:6 - ꞌBuuk cĩ Thõõth cĩ Nyekuci

⁶ Abũnnaa ĩĩn makayyioohiti cĩ lothippit cĩ lemmioohu, eet ꞌcĩ aitiõõ thooꞌthioha ꞌcĩg abathĩ tõõ nẽ aꞌnyak ngaa hõdẽẽthõng nẽ abũnnaa ĩĩn lohollia cĩgĩnnĩg buúk lemmiook ꞌcĩg abũnnaa, ꞌcĩg hõllõngaa aꞌnyaha ngaaoni hĩ ꞌriiring nẽ ĩthĩhĩt thõõth cĩ maacõnĩ hĩ aatĩnĩĩng.

Tiito 1:6 ပူးပေါင်းရင်းမြစ်များ

ꞌThianaattõ 18:19

Baa hẽbẽra naa ĩnõõnnõ, hátĩ heteretheek lõhõlĩ cĩgĩnnĩg hĩ lõhõlĩ cĩg lõhõlĩ cĩgĩnnĩg, hĩthĩhĩt hatĩ gõõng nẽ uꞌthuutti thõõth cĩ Makayyiookto, ngaatĩ adĩmanĩ thooꞌthiok ꞌcĩg aũlanĩ ꞌcĩg ĩĩn dĩdĩ, hátĩ haꞌnyahaak Makayyioohiti Abũrahaamõ thooꞌthiok baag aduhaak nẽẽ ĩnõõnnõ.”

ꞌLuuka 1:5

Baa ĩĩn Ẽrõõdẽ habu cĩ ꞌJudeea, baa aaĩ paadĩrĩ ꞌcĩ haĩ ꞌThakaria cĩ habuccieet cĩ paadĩrꞌnya cĩg Abija. Baa haĩ ngaa cĩ ꞌThakaria Eliꞌthẽbẽta. Aku Eliꞌthẽbẽta hattũũgaa cĩ Arõõnẽ.

Eevvetho 5:18

Aanytĩk Lori ꞌcĩ Ẽllẽẽmĩth haggam rũgẽt cunuung. Ma hiꞌnyiathanaannu eleeti dũũtĩtha, hĩnĩngĩtĩ aĩnanaakuung dũũtĩthĩ ĩdĩmanit thooꞌthiok ꞌcĩg mẽẽlĩg ꞌcĩg abathĩ.

1 Tẽꞌthaloonika 5:14

Haduhaakuung thõõthaa ꞌcĩ õkõmĩ gẽrrẽẽt hõlõ, itilooc eet ꞌcĩg ĩĩn nyamuttiook hidticattõõ hĩ eeta vẽlẽk, uduktaak teelliak hokomit ꞌthinneeti, eelit pĩĩrnattiaak nẽ ĩdĩhattu thooꞌthiok hõrggẽẽnaa cunuung.

1 Timotteeo 1:9

Nẽ haaga naag tarĩ haĩ, hõllõngaa ẽhẽnytaa nyattalĩ hĩĩ cĩ eet ꞌcĩg abũnnaa, ẽhẽnytaa hĩĩ cĩ eet ꞌcĩg abũrĩ nyattal hĩ eet ꞌcĩg ĩĩn ꞌloorriak hĩ eet ꞌcĩg hõllõngaa aga Nyekuc nẽ ẽꞌthẽcan thooꞌthiok, aruk eet tahatak, tananga maajihi hode ngaaggi.

1 Timotteeo 3:12

Abũnnaa ꞌthẽk ẽẽtĩ ꞌcĩ adticanni lothippitaa cĩ lemmioohu, aꞌnyak ngaa hõdẽẽthõng nẽ ĩĩn eet ꞌcĩ aꞌthũũnnĩ õlõ hĩ lõhõlĩ cĩgĩnnĩg jurrung.

Tiito 1:10

Hĩnĩngĩtĩ nga mẽẽlĩg eeta ꞌcĩg abũrĩ thõõth cĩ Nyekuci, ĩggõõl ꞌgõõnõgĩ ꞌgõõlaa ꞌcĩ õthõõthĩ thooꞌthiok ꞌcĩg ĩĩn õlõng, ettebehini eet baag ẽlẽmĩ nyattal cĩ Mũũꞌtha ꞌgõõlaa ꞌcĩ ẽttẽẽdĩ eleeti cĩggĩĩng.