Tiito 1:5 - ꞌBuuk cĩ Thõõth cĩ Nyekuci

⁵ Baa huunnikii naa nganiit dtuungaa cĩ Kerete, haĩ dẽcaak dtiic baa nga idionganĩ nẽ ẽbẽra makayyiook cĩg lemmioohu ꞌtaaũnnioohĩ vẽlẽk.

Tiito 1:5 ပူးပေါင်းရင်းမြစ်များ

Dtiicanĩ cĩg ꞌThooyyiahu 11:30

Nĩngĩtĩ aduhaakĩ nẽẽg Baarnaba hĩ ꞌThaaulo hootti ꞌbaaninit cĩnĩĩng haꞌnyaktoothĩk makayyiook cĩg lemmioohu ꞌJeruꞌthalẽma.

Dtiicanĩ cĩg ꞌThooyyiahu 14:23

Ma nĩngaata, eberria Paaulo hĩ Baarnaba makayyiook cĩg lothippiꞌnya cĩg lemmioohu cũũmõ cũũmõ. Ma ho, edettia eleeti ꞌgẽẽna nẽ alaacõ Makayyioohit, hátĩ gõõng hũꞌthũũtĩ makayyiook iccig.

Dtiicanĩ cĩg ꞌThooyyiahu 2:11

eet cĩg Kerete hĩ cĩg Arabia. Baa harrittiaa naag eeta ũgẽẽgĩ hĩĩgĩn eet cĩg ꞌJudeei nẽ baa eberria eeta ũgẽẽgĩ hĩĩtõ eet cĩg ꞌJudeei. Nẽẽthĩ ꞌyioko, hĩthĩhĩt ĩhõõggõ ngaatĩ aduhaanĩ thooꞌthiok ꞌcĩg abulanneet, ꞌcĩg adtican Nyekuci thooꞌthiohĩĩ cĩggaac cũũmõ cũũmõ!”

Dtiicanĩ cĩg ꞌThooyyiahu 27:12

Hĩnĩngĩtĩ baa abathĩ dẽmẽt ꞌcĩ abĩllĩ haahũlĩta tagĩĩtha gẽrrẽẽt, ikia ẽlẽmaakeet lothippiti ngaatĩ hedeceeka ĩĩcĩ oou, muhẽẽttaa cĩ hõdõlanna ꞌtaaũn cĩ Venihi hoottia hedecciaaha waathinniook cĩg ngõõt ꞌcĩ attiran ko ĩĩca. Baa aaĩ Venihi dtuungaa cĩ Kerete hẽẽngaa cĩ baa aitiõõnnĩ ngõõtĩ tõõ.

Dtiicanĩ cĩg ꞌThooyyiahu 27:13

Ma baa iꞌthianaaĩ uuhan ngõõtĩ ꞌcĩ aku ĩĩcĩ hujjieen, ammuhuneek hinnia eeta aĩ, ikia kõrra ꞌcĩ hadĩmanĩ thooꞌthiok baag adiim nẽẽgĩ. Nĩngĩtĩ õdõngĩ ꞌthiihit ꞌcĩ adĩddĩngĩĩ ꞌcĩ abĩllĩ haahũlĩ nẽ hedeccia dẽmẽt cĩ Kerete.

Dtiicanĩ cĩg ꞌThooyyiahu 27:21

Ma baa adak eet magĩthĩ waathinniook ꞌcĩg mẽẽlĩg, ĩtĩnga Paaulo ĩbĩl muumtinii cĩggĩĩng nẽ õthõõth ĩĩ, “Hõlõ, occa ꞌthẽk baa ĩthĩktaangu nganĩĩta! ꞌYioko ꞌthẽk baa aaut Kẽrẽta, occa ꞌyioko hõllõngaa hõmmõtõõ hĩ pĩĩrnanĩt hĩ ngaatĩ hadhuhẽẽkĩ ijjio tuu.

Dtiicanĩ cĩg ꞌThooyyiahu 27:7

Hotooyyia hĩdĩĩc hĩdĩĩc waathinniook ꞌcĩg mẽẽlĩg pĩĩrnattaa cobbi gẽrrẽẽt, ĩꞌthõng hoboktooa hĩ ꞌtaaũn ꞌcĩ haĩ Cinido. Ma baa ikia alaameet ngõõtĩ ngaatĩ haĩ hedeccieeha cũrũmũũm, hiita hoottia ngaatĩ õbõhĩ hĩ nĩngĩtĩ haĩ ꞌThalamõõnẽ, ꞌcĩ aaĩ dtuungaa cĩ Kerete ꞌcĩ aaĩ bũlũcatõõ hõrggẽẽna.

1 Korinthia 11:34

Má adakuung magĩthĩ dĩdĩ, udukto nõõ õlõ, hátĩ hiittiõõ hõllõngaa etteedoothĩkuung thõõth hatĩ ommotoonnu ngaatĩ hõdẽẽthõng. Hakuu hatĩ hallimaneekuung naa thooꞌthiok ũgĩ tarĩ hatĩ hikia.

1 Korinthia 14:40

Nẽẽthĩ, occa adĩmanni hẽlẽggĩ vẽlẽk ꞌgõõlaa ꞌcĩ aũlan ĩcĩ abũnnaa.

1 Korinthia 4:17

Hĩnĩngĩtĩ thõõth icci, hĩꞌthõõakuung naa ngagiit Timotteeo, loholeec caannĩ ꞌcĩ hammĩna nẽ aꞌthũũnnĩ thõõth cĩ Makayyiookto. Ammuhaakuung hatĩ nẽẽ ngagiit authet caannĩ ꞌcĩ hanũĩ Yeesu Krĩstõ ꞌcĩ aduhõõ hĩ thõõth ꞌcĩ hallimanĩĩ naa lothippit cĩ lemmioohu ꞌtaaũnnioohĩ vẽlẽk ĩĩcĩg hõkõõĩ naana.

Kolooꞌthe 2:5

Tananga hĩĩnĩ naa ꞌrẽẽn hĩ ngagiita, haalla hammukuung ngagiit hõdõõkõthĩ. Nẽ hatali ngaatĩ hathĩknĩ aĩ, aattiyyu ꞌgõõlaa ꞌcĩ abũnnaa nẽ elemtu Krĩstõ komiitta.

1 Timotteeo 1:3

Ma baa hũũha naa ĩĩcĩ Maccedoonia, baa haduhaakii nganiit hanneekii au nõõ ꞌtaaũnaa cĩ Eevvetho, hátĩ bĩlĩ eet ꞌcĩg allimaneek eet thõõth ꞌcĩ hõllõngaa ĩĩn dĩdĩ.

2 Timotteeo 2:2

Hĩ hẽlẽggĩ baag athihi nii haduha naa hẽbẽrẽẽnnĩĩ cĩg eet ꞌcĩg mẽẽlĩg, hátĩ bĩĩt ꞌlimmaneek nii buúk eet ꞌcĩg occa ũũlũ ngaatĩ allimanĩ ꞌgõõnõgĩ.

Tiito 1:12

Baa aduha põrõvẽtaacĩ umwaa cĩnĩĩng dẽẽdẽ aĩ, “Ĩĩn eeta cĩg Kerete hõdõõkõthĩ oloꞌngiaak nẽ ĩĩn eet ꞌcĩg abathĩ gẽrrẽẽt, ĩĩn lobolobbiaak nẽ ĩĩtõ nyamuttiook buúk.”