Tiito 1:1 - ꞌBuuk cĩ Thõõth cĩ Nyekuci

¹ Waraga ꞌcĩ hẽhẽẽdakii naa Paaulo nganiit cieeni. Nganĩĩt appahaca cĩ Nyekuci nẽ hĩĩnĩ ꞌthooyyiahit cĩ Yeesu Krĩstõ. Baa hĩꞌthooyyia naa hikia hẽẽl eet baag ẽbẽra Nyekuci lemiitta hĩ ꞌgẽẽnyĩthaa cĩ thõõth ꞌcĩ ĩĩn dĩdĩ, hátĩ hiita haauto nẽẽg hĩ Nyekuci,

Tiito 1:1 ပူးပေါင်းရင်းမြစ်များ

ꞌLuuka 18:7

Ĩcca occa ꞌthẽk hõllõngaa ẽẽl Nyekuci eet cĩgĩnnĩg ꞌcĩg ẽbẽra nẽẽ ẽlẽk, ꞌcĩg ĩĩlaleek ĩnõõnnõ baalin hĩ waathĩn? Ara occa hatĩ iiggiaeek ĩhõõggõ tuu?

Dtiicanĩ cĩg ꞌThooyyiahu 13:48

Ma baa athĩhĩ eeta ꞌcĩg hõllõngaa ĩĩn ꞌJudeei nyeemuut icci ho, iita accamattoothĩk gẽrrẽẽt nẽ ubuluthit thõõth cĩ Makayyiookto. Nẽ eeta vẽlẽk ꞌcĩg baag ẽbẽra rũgẽt ꞌcĩ aalla ũdũt, elemit Makayyioohit Yeesu.

ꞌRooma 1:1

Nganĩĩt Paaulo ꞌcĩ hĩĩnĩ dticciannioohit cĩ Yeesu Krĩstõ. Baa ẽbẽraanna Nyekuci nganĩĩt hĩĩ ꞌthooyyiahit nẽ aaꞌnya hirrioon nyeemuut ꞌcĩ abũnnaa cĩ Nyekuci.

2 Korinthia 1:1

Nganĩĩt Paaulo ꞌcĩ hĩĩnĩ ꞌthooyyiahit cĩ Yeesu Krĩstõ, ꞌcĩ hẽhẽẽdakuung waraga icci, hĩnĩngĩtĩ baa ẽbẽraawa nganĩĩt Nyekuci thõõthaa cĩ. Harũmeenna hĩ Timotteeo ꞌcĩ ĩĩn lemmioohit hĩ naa buúk. Hĩꞌthõõakuung naa ngagiit waraga icci, lemmiook cĩg ꞌtaaũn cĩ Korinthia hĩ lothippit cĩ lemmiook vẽlẽk ꞌcĩg aattĩg looccaa cĩ Acaia.

Eevvetho 2:8

Baa eelliannu niig, hĩnĩngĩtĩ elemmu Nyekuc ꞌcĩ aꞌthũũnneet ngagĩĩt jurrung, hĩllõõan ꞌgii ꞌcĩ hadiim naaga. ꞌBaaninit cĩ Nyekuci hĩ ngagiit cieeni nẽ hõllõngaa ĩĩn ꞌgiimwa ꞌcĩ baa adĩmannu niig ẽmmẽn.

Pilippi 1:1

Waraga ꞌcĩ aku hĩ nganĩĩt Paaulo hĩ Timotteeo ꞌcĩg hĩĩgĩnna dticcianniook cĩg Yeesu Krĩstõ cieeni. Eheedothoothĩk waraga ciee eet vẽlẽk cĩg Nyekuci ꞌcĩg ĩĩn nuyyiook cĩg Yeesu Krĩstõ ꞌtaaũnaa cĩ Pilippi, hĩ makayyiook cugguung hĩ elliook cĩggĩĩng.

Kolooꞌthe 2:2

Hadiimi hakũtani naa ĩhõõggõ, hátĩ hũrũmtĩ hõdẽĩ nẽ ĩmmĩnanit eleeti cĩggĩĩng gẽrrẽẽt. Nẽ hadiimi naa ĩhõõggõ haꞌnyahit muhẽẽnĩt ꞌcĩ abũnnaa ꞌcĩ agaĩ thõõth cĩ Nyekuci ꞌcĩ ĩllõõan ꞌgẽẽnyĩth cĩ eetu, ĩnõõnnõ Krĩstõ.

1 Timotteeo 2:4

Adiim Nyekuci eet vẽlẽk heellia, hátĩ hiita hagaacõ thõõth ꞌcĩ ĩĩn dĩdĩ.

1 Timotteeo 3:16

Aitiõõ jinẽẽnĩtĩ tõõ, ĩĩn ciee thõõth cobbi gẽrrẽẽt, ꞌcĩ ĩllõõan ꞌgẽẽnyĩth cĩ eetu lemiittaa cĩnaac. Baa arrittiaa Yeesu loota nĩnga hĩĩ eet hĩ naaga nẽ ikia ẽtẽrẽtha Lorii ꞌcĩ Ẽllẽẽmĩth aĩ, aaꞌnyĩk nẽẽ Nyekuc hatal gẽrrẽẽt nẽ ĩcĩnĩt aajĩlẽẽta buúk ĩnõõnnõ, ma nĩngaata, ikia ũũhĩ Nyekuci ĩnõõnnõ bulẽẽtta hẽẽtahujjieen. Allimanoothĩk thõõth cĩnnĩ eet loonyini vẽlẽk, nĩngĩtĩ au ẽlẽmmĩ eeta thõõth cĩnnĩ.

1 Timotteeo 6:3

Má alliman ẽẽtĩ umwaa thõõth ꞌcĩ ꞌrĩĩng, ꞌcĩ hõllõngaa õõkõrõõ hĩ ꞌlimman ꞌcĩ ĩĩn dĩdĩ ꞌcĩ aku hĩ Makayyioohit cĩnaac Yeesu Krĩstõ ho,

2 Timotteeo 2:10

Ĩnõõ cĩ hẽmmẽẽꞌthĩ naa thooꞌthiok vẽlẽk, hĩnĩngĩtĩ eet baag ẽbẽra Nyekuci, hátĩ hummuddia nẽẽg buúk elliaanĩt ꞌcĩ aaĩ hĩ Yeesu Krĩstõ bulẽẽttaa ꞌcĩ aalla ooo.

2 Timotteeo 2:23

Ma hedecoothihi thooꞌthiok ꞌcĩg ẽppẽhanõõnĩ eeta cĩg ꞌgiithẽttaak, hĩnĩngĩtĩ aꞌnyahaaki thooꞌthioha nicciag jore.

2 Timotteeo 2:25

Nẽ tarĩ, abũnnaa ĩĩn eet ꞌcĩ tarbalĩ buúk, hátĩ hẽtẽrẽth eet ꞌcĩg ẽppẽhanõõ hĩ ĩnõõnnõ. Horoong hatĩ ũũhũ Nyekuci eet niccig, hũtũngteek ꞌthẽccanẽẽt cĩggĩĩng nẽ elemit thõõth cĩnnĩ ꞌcĩ ĩĩn dĩdĩ,

ꞌJeemith 1:1

Waraga ꞌcĩ aku hĩ ꞌJeemith, dticciannioohit cĩ Nyekuci hĩ cĩ Makayyioohit cĩnaac Yeesu Krĩstõ cieeni. Hehedihi naa waraga icci habuccieeꞌnya ꞌcĩg ĩĩn õmmõtõ hĩ ꞌramma cĩg eet cĩg ꞌJudeei ꞌcĩg ĩĩn lemmiook ꞌcĩg ĩꞌthanothoothĩk loonyin vẽlẽk.

2 Pẽẽtũrũ 1:3

ꞌTirriaanaa cĩnnĩ, aaꞌnyeet Nyekuci ngagĩĩt hẽlẽggĩ vẽlẽk ꞌcĩg hadiim naag haautti rũgẽtaa ꞌcĩ aaꞌnyĩk Nyekuc haccamanoothĩk. Hammũda naag hẽlẽggĩ iccig vẽlẽk ngaatĩ hau hagaĩ ĩnõõnnõ, baa aũũyyeet nẽẽ ngagĩĩt hiita hĩ ĩnõõnnõ bulẽẽttaa cĩnnĩ ĩcĩ ĩllõõan nẽ ẽllẽẽm gẽrrẽẽt.

2 Pẽẽtũrũ 3:11

Má atũũthĩ hatĩ hẽlẽggĩ vẽlẽk hoti, adiim occa iiginnu niig eet ꞌcĩg aattiyyu hutuno? Adiim aꞌnyaku niig authet ꞌcĩ ẽllẽẽmĩthĩ ꞌcĩ athiknu Nyekuc,

1 Yõaannẽ 2:23

Ẽẽtĩ ꞌcĩ abũrĩ Ngeertĩ Nyekuci, abũrĩ nẽẽ Maaꞌnyĩ buúk. Nẽẽthĩ, ẽẽtĩ ꞌcĩ ẽlẽmĩ Ngeertĩ Nyekuci, ẽlẽmĩ nẽẽ Maaꞌnyĩ buúk.

Terethiinit 1:1

Thõõth ꞌcĩ aduhaak Nyekuci Yeesu Krĩstõ, hátĩ huduhaak dticcianniook cĩgĩnnĩg thooꞌthiok ꞌcĩg occa au hĩdĩĩkoothong. Nĩngĩtĩ ĩꞌthõõanĩ Krĩstõ aajĩlõ cĩnnĩ hikia huduhaak nyeemuut dticciannioohit cĩnnĩ Yõaannẽ.