Terethiinit 9:17 - ꞌBuuk cĩ Thõõth cĩ Nyekuci

¹⁷ Baa hadtuuha naa nyangõõllẽẽꞌnya hĩ ꞌthukanniook cĩggĩĩng aattiyyi nyangõõllẽẽꞌnya. Baa aꞌnyak nyangõõllẽẽꞌnya ooti hĩ ꞌmaaĩta, nẽ uudakta ꞌgwoo hĩ bũrrẽt utugeetinii cĩggĩĩng.

Terethiinit 9:17 ပူးပေါင်းရင်းမြစ်များ

ꞌThianaattõ 19:24

Ma ho, udhuha Makayyioohiti Nyekuci ꞌgwoo ꞌcĩ aaburii padtahac hẽẽtahujjieen hikia hũtũũth ꞌThõõdõm hĩ ꞌGõmõõra.

Terethiinit 11:5

Má adiim mĩrõha ũgẽẽgĩ aruk ĩhõõggõ, aku ꞌgwaa utugeetinii cĩggĩĩng nẽ ũtũũth mĩrõk hĩĩ ꞌthĩĩ, ꞌgõõl ꞌcĩ hatĩ adaaknĩ nẽẽg niccia.

Terethiinit 14:10

ahũd hatĩ nẽẽ viino ꞌcĩ adduuttiak battaali lĩĩlĩẽẽttaa cĩ Nyekuci. Accananni hatĩ nẽẽ ꞌgwoyyiatõõ ꞌcĩ aaburii padtahac, ẽbẽk Mĩꞌnyõõn hĩ aajĩlẽẽt cĩgĩnnĩg ꞌcĩg ẽllẽẽmĩth noho.

Terethiinit 19:20

Ma joraa nĩĩca, ikia aggamĩ nyaharahaahĩ hĩ põrõvẽtaac cĩnnĩ ꞌcĩ ĩĩn oloꞌngiaahit, ꞌcĩ baa adtican thooꞌthiok ꞌcĩg ĩnaat eeta gẽrrẽẽt, hĩnĩngĩtĩ nyaharahaak. Baa adtican nẽẽ thooꞌthiok tĩko, aĩ hátĩ hĩggõõl eet baag aꞌnyak nyamacaar cĩ nyaharahaahõ nẽ alaacõ ꞌthooura cĩnnĩ. Ma ho, udhuktoothĩk nyaharahaahĩ hĩ põrõvẽtaac cĩnnĩ ꞌcĩ ĩĩn oloꞌngiaahit ko buúk ꞌgelemit cĩ ꞌgwoo ꞌcĩ aaburii padtahac ꞌcĩ aalla ooo.

Terethiinit 20:10

Nĩngĩtĩ adhuhõõthĩkĩ habuui cĩ loriẽẽt ꞌcĩg abathĩ baa ĩggõõl ĩhõõggõ ho, ꞌgelemit cĩ ꞌgwoo ꞌcĩ aaburii padtahac, hõõt hutuuꞌthi hõdẽĩ hĩ nyaharahaak hĩ põrõvẽtaac cĩnnĩ baa ĩĩn oloꞌngiaahit. Accananni hatĩ nẽẽg ĩĩca waathĩn hĩ baalin ooo.

Terethiinit 21:20

nẽ hĩĩtõ ꞌcĩ ĩĩn ꞌtur thardonik nẽ hĩĩtõ ꞌcĩ ĩĩn tõrkõnõn karnelia nẽ hĩĩtõ ꞌcĩ ĩĩn tũkĩramma kiriꞌtholait nẽ hĩĩtõ ꞌcĩ ĩĩn turkiyyio beril nẽ hĩĩtõ ꞌcĩ ĩĩn tũrkũwwec tõpath nẽ hĩĩtõ ꞌcĩ ĩĩn õmmõtõ kirithoparia nẽ hĩĩtõ ꞌcĩ ĩĩn õmmõtõ hĩ hõdẽĩ ꞌJacith nẽ hĩĩtõ ꞌcĩ ĩĩn õmmõtõ hĩ ꞌramma amethit.

Terethiinit 21:8

Haduhaakii hatĩ naa ꞌgii ꞌcĩ edeeꞌnyiak eet ꞌcĩg ĩĩn teelliak hĩ eet ꞌcĩg hõllõngaa ẽlẽmĩ thõõth caannĩ hĩ ꞌthẽccanniook hĩ eet ꞌcĩg aruk ꞌgõõnõgĩ hĩ eet ꞌcĩg adĩman thooꞌthiok ꞌcĩg ĩĩn ꞌriiring, hĩ ꞌcĩg adtican thooꞌthiok cĩg ngaritu hĩ eet ꞌcĩg ala hẽlẽggĩ ꞌcĩg aar eeta hĩĩtõ nyekuꞌnya hĩ oloꞌngiaak vẽlẽk. Adhuhoothĩk hatĩ nẽẽg ꞌgelemit cĩ ꞌgwoo ꞌcĩ aalla ooo. Nẽẽthĩ, ĩĩn niccia daahĩth ꞌcĩ ĩĩn ꞌramma.”

Terethiinit 9:18

Baa aruk ꞌgwaa hĩ bũrrẽt hĩ ꞌgelemit ꞌcĩ aaburii padtahac ꞌcĩ uudaha nyangõõllẽẽꞌnya niccieeg ko, eet ꞌcĩg mẽẽlĩg loota nĩnga ĩĩcĩ odoyyii.

Terethiinit 9:9

Baa ahimit nẽẽg hilibbwa ꞌcĩg ĩĩn ꞌthĩĩk iyyootinii cĩggĩĩng nẽ eggerenyit havvuuto cĩggĩĩng haauto hĩ ꞌgadiggadiꞌnya ꞌcĩg agurut nyangõõllẽẽꞌnya cĩg ũũrũta ꞌcĩg icciodanoothĩk jore.