Terethiinit 9:14 - ꞌBuuk cĩ Thõõth cĩ Nyekuci

¹⁴ Nẽ ĩĩnnĩk mõlõõhĩ nicciee aajĩlõ ꞌcĩ adtak tũũrĩ ho, “Õga aajĩlẽẽt ꞌcĩg ĩĩn ꞌwec ecebbi dẽmẽtaa cĩ hidioo cĩ Euvaratẽthĩ ho.”

Terethiinit 9:14 ပူးပေါင်းရင်းမြစ်များ

ꞌThianaattõ 15:18

Nẽ ꞌgõõlẽẽ cĩ, iita adahit Makayyioohiti hĩ Abũraamõ lõhõt. Nĩngĩtĩ annẽẽkĩ Makayyioohiti Abũraamõ “Hẽlẽma naa ngaatĩ haaꞌnyĩkĩĩ lõhõlĩ cugunnig looc nicci vẽlẽk. Iꞌthianaanĩ hatĩ lokoorriaa cĩ Ijjibi ĩꞌthõng hõdõlan hidioo cobbi cĩ Euvaratẽthĩ,

ꞌThianaattõ 2:14

Haĩ hidioo ꞌcĩ ĩĩn iyyio ꞌTigirith, arik nẽẽ õkõ ĩcĩ uruto cĩ looc ꞌcĩ haĩ Athiiria. Haĩ hidioo ꞌcĩ ĩĩn ꞌwec Euvaratẽth.

Terethiinit 16:12

Ma nĩngaata, ikia udduutik aajĩlõ ꞌcĩ ĩĩn tõrkõnõn lohilihili cĩnnĩ lĩĩlaa cobbi ĩĩcĩ Euvaratẽthĩ, nĩngĩtĩ õdõhõknĩ lĩĩl ciee, hĩĩ ꞌgõõl ꞌcĩ ovvooyyianĩ habuẽẽta ꞌcĩg au ĩĩcĩ uruto.

Terethiinit 7:1

Ma baa ho, hudtuuha aajĩlẽẽt ꞌwec ꞌcĩg abĩlĩ kũdũlnyaannĩĩ ꞌcĩg ĩĩn ꞌwec, ĩcĩg lootu. Abĩlĩ hõdẽĩ ĩĩcĩ uruto, abĩlĩ hõdẽĩ ĩĩcĩ õkõlõõthĩkĩ kõrra, abĩlĩ hõdẽĩ ĩĩcĩ hujjieen nẽ ĩbĩl umwaa ĩĩcĩ holooc. Alaam nẽẽg ngõõtanĩ ꞌwec, hátĩ hiittiõõ hõllõngaa uuhan looc hode bũlũccwa hode hẽẽna.

Terethiinit 7:2

Ma nĩngaata, hĩcĩna aajĩlõ umwa ꞌcĩ aku ĩĩcĩ uruto, ꞌcĩ aꞌnyak ꞌgiimwa cĩ Nyekuc ꞌcĩ arũgĩ, ꞌcĩ ammacaaranĩ eet. Ma ho, eggerenyeek aajĩlẽẽt ꞌcĩg ĩĩn ꞌwec baag aaꞌnyĩhoothĩk ꞌtirriani ꞌcĩ aruhi looc hĩ bũlũc ĩĩnnĩk,

Terethiinit 8:2

Nẽ hĩcĩna aajĩlẽẽt ꞌcĩg ĩĩn tũkĩramma abĩlĩ muumaa cĩ Nyekuci ho, ngaatĩ aaꞌnyĩhõõthĩkĩ tũũrẽna hõdẽĩ hõdẽĩ.

Terethiinit 8:6

Ma ho, ũkũmattoothĩk aajĩlẽẽta ꞌcĩg ĩĩn tũkĩramma ho ngaatĩ adtahĩ tũũrẽn cĩggĩĩng.

Terethiinit 9:15

Nĩngĩtĩ õõganĩ nẽẽ aajĩlẽẽt ꞌcĩg ecebbi ĩĩn ꞌwec ko nẽ ũkũmattoothĩk ꞌthaa niccia kõr tĩho, nyĩlõk hĩ irkit niccia noho, hátĩ hiita huruhit eet cĩg lootu ĩĩcĩ odoyyii.