Terethiinit 8:8 - ꞌBuuk cĩ Thõõth cĩ Nyekuci

⁸ Ma adtahĩ aajĩlõ ꞌcĩ ĩĩn ꞌramma tũũrĩ cĩnnĩ ho, ikia udhukia ꞌgwaa umwaa ꞌcĩ ĩĩkĩ muur nẽ udhuhoothĩk bũlũcatõõ nẽ ũtũhũĩ bũlũc ĩĩcĩ odoyyii ĩĩ biyyi,

Terethiinit 8:8 ပူးပေါင်းရင်းမြစ်များ

Maarko 11:23

Haduhaakuung naa ngagiit thõõth dĩdĩ, má aduhaak ẽẽtĩ umwaa muur icci anneek, ‘Bĩĩt dhuhoothĩk bũlũcatõõ,’ nẽ hõllõngaa akidan ꞌthĩnĩtatõõ cĩnnĩ nẽ ẽlẽm ĩĩ, ĩĩn hatĩ thõõth ꞌcĩ aduha nẽẽ ho dĩdĩ, aku ꞌthẽk hatĩ ĩĩn thõõth tĩho dĩdĩ.

Terethiinit 11:6

Baa aꞌnyak eeta ꞌcĩg ĩĩn ꞌramma ho ꞌtirriani ꞌcĩ abĩllĩ tammu, hátĩ hiittiõõ hõllõngaa atĩĩlĩ waathinnioohĩĩ cĩg nga irrioonĩkĩ nẽẽg eet thõõth cĩ Nyekuci. Nẽ má idiimito nẽẽgĩ, occa aga ngaatĩ ũũhũĩ maam hĩĩ biyyi nẽ aꞌnyaktaak eet pĩĩrnanĩt cobbi gẽrrẽẽt loota nĩnga.

Terethiinit 12:4

Ma ho, õrõrrõõcan ꞌbuuhi nicciee mũnyũny ĩĩcĩ odoyyii huulaa cĩnnĩ hẽẽtahujjieen, hudhuktaak looc. Nẽ ĩbĩleek ꞌbuuhi ngaa ꞌcĩ attur ꞌgoonnia ho, aĩ hátĩ hadak loholeec, hatĩ utuhuyyiaa.

Terethiinit 8:7

Ma baa adtahĩ aajĩlõ ꞌcĩ oou tũũrĩ cĩnnĩ ho, adhukiaa hinnia tẽllẽẽna hĩ ꞌgwoo ꞌcĩ õꞌngõõtanni hĩ biyyi, hiita loota nĩnga nẽ ũtũũthĩ lõõcĩ ĩĩcĩ odoyyii hĩ hẽẽn hĩ arteenit vẽlẽk hĩĩ ꞌthĩĩ.

Terethiinit 9:15

Nĩngĩtĩ õõganĩ nẽẽ aajĩlẽẽt ꞌcĩg ecebbi ĩĩn ꞌwec ko nẽ ũkũmattoothĩk ꞌthaa niccia kõr tĩho, nyĩlõk hĩ irkit niccia noho, hátĩ hiita huruhit eet cĩg lootu ĩĩcĩ odoyyii.

Terethiinit 9:18

Baa aruk ꞌgwaa hĩ bũrrẽt hĩ ꞌgelemit ꞌcĩ aaburii padtahac ꞌcĩ uudaha nyangõõllẽẽꞌnya niccieeg ko, eet ꞌcĩg mẽẽlĩg loota nĩnga ĩĩcĩ odoyyii.