Terethiinit 7:3 - ꞌBuuk cĩ Thõõth cĩ Nyekuci

³ “Ereeyyio da nõõ, ma hẽꞌthẽcannu looc hĩ bũlũc hĩ hẽẽna, ĩꞌthõng hamacaaratta muumti cĩg dticcianniook cĩg Nyekuci.”

Terethiinit 7:3 ပူးပေါင်းရင်းမြစ်များ

Luugithõõ 12:13

Ĩĩn hatĩ biyyieetta cieeg terethiinit cĩ ꞌcieethi ꞌcĩg aattiyyu niiga nẽ má hĩcĩna naa biyyi, hahaaꞌnguung hatĩ naa ngagiita. Aitiõõ hatĩ ꞌthẽrẽt ꞌcĩ adakuung ngagiit tõõ hatĩ huuka naa Ijjib.

Luugithõõ 12:23

Ma ikia õtõõĩ Makayyioohiti looc cĩ Ijjibi nẽ uruk eeta, acĩn hatĩ biyyi hẽẽnĩĩ cĩg aattĩg ngadihẽẽtĩ hĩ lokoraa cĩ hattuugu nẽ iittiõõ hõllõngaa ẽlẽmaakĩ aajĩlõ cĩ daahĩthõõ huduhun ꞌcieethi cugguung nẽ uruhuung ngagiita.

Maatteeo 24:22

Má hõllõngaa ohodeek Nyekuci korriook tĩko hĩĩtõ huturig, aitiõõ hatĩ ẽẽtĩ ꞌcĩ arũgĩ tõõ. Nẽẽthĩ, hĩnĩngĩtĩ eet ꞌcĩg ẽbẽra nẽẽnĩ, ohodeek hatĩ nẽẽ korriook tĩko hĩĩtõ huturig.

Maatteeo 24:31

Ĩꞌthõ hatĩ nẽẽ aajĩlẽẽt cĩgĩnnĩg hadtahit illieeri cobbi gẽrrẽẽt, huluttia eeta ꞌcĩg ẽbẽra Nyekuci ꞌgoolliohĩĩ ꞌcĩg ꞌrẽẽttĩg loota nĩnga hĩ hẽẽtahujjieen vẽlẽk.

Yõaannẽ 12:26

Ẽẽtĩ ꞌcĩ adticanoothĩkaa nganĩĩta, aꞌnyĩĩk hũnũa nganĩĩta nẽ nĩngĩtĩ haayyi naana, aaĩ hatĩ dticciannioohiti caannĩ buúk nĩngaata. Abuluth hatĩ Baaba eet ꞌcĩ adticanoothĩkaa nganĩĩta.

Yõaannẽ 3:33

Aduha ẽẽtĩ ꞌcĩ ẽlẽmĩ thõõth cĩnnĩ aĩ, õthõõth Nyekuci thõõth ꞌcĩ ĩĩn dĩdĩ.

ꞌRooma 6:22

Nẽẽthĩ ꞌyioko, hĩcĩ õõgtau niig ꞌthẽccaana nẽ iittu appahacaaꞌnya cĩg Nyekuci ho, ikia ꞌbaaniniti baa ammũdaannu niig ko, uukuung ngagiit thõõthaa ꞌcĩ ẽllẽẽmĩth hĩ rũgẽtaa ꞌcĩ aalla ooo.

Terethiinit 13:16

Ma nĩngaata, ikia ĩttĩnganeek nyaharahaahĩ ciee eet vẽlẽk ꞌcĩg abuli hode hõllõngaa abuli, balliook hĩ hullaha, appahacaaꞌnya hĩ eet ꞌcĩg hõllõngaa ĩĩn appahacaaꞌnya, hamacaaranit muumti hode athĩn cĩggĩĩng ꞌcĩg obbitig.

Terethiinit 13:17

Nẽ ẽẽtĩ ꞌcĩ hõllõngaa aꞌnyak nyamacaar nicci, aitiõõ hõllõngaa aaꞌnyĩhoothĩk ĩnõõnnõ hũtũũõĩ ijjio cĩgĩnnĩg, hode hũtũũwa ijjio ũgĩ buúk. Ĩĩn nyamacaar nicciee ꞌthaar cĩg nyaharahaak nicci hĩ ꞌliimira ꞌcĩ ꞌthaar cĩgĩnnĩg.

Terethiinit 14:1

Nẽ hudtuuha Mĩꞌnyõõn abĩllĩ muuraa ꞌcĩ haĩ ꞌThion, arũmĩ hĩ eet ꞌcĩg ĩĩn aalibꞌnya ꞌmiia hõdẽĩ hĩ hẽẽn ꞌwec hĩ ꞌwec (144,000), ꞌcĩg aꞌnyak ꞌthaar cĩgĩnnĩg hĩ cĩg Maacõnĩ muumtinii cĩggĩĩng.

Terethiinit 14:9

Ma ho, ũnũa aajĩlõ ꞌcĩ adtuurna ꞌcĩ ĩĩn iyyio nẽ ẽggẽrẽny nẽẽ buúk ĩĩ, “Ẽẽtĩ ꞌcĩ ala nyaharahaak hĩ ꞌthooura cĩnnĩ nẽ ẽlẽm ngaatĩ aarĩkĩ nyamacaar cĩ nyaharahaahõ muuma, hode attiaa cĩnnĩ,

Terethiinit 19:2

etteedi nii thooꞌthiok ꞌgõõlaa ꞌcĩ aũlan dĩdĩ, hĩnĩngĩtĩ uuku nii ngaa baa ĩĩn ꞌwaaꞌngiahit ꞌcĩ ẽꞌthẽcan looc ꞌwaangĩꞌthẽẽta hĩ ngaaoniitta. Etteedi nii thõõth cĩnnĩ nẽ aaꞌnyĩhuu hũdũman dticcianniook cugunnig baag aruk nẽẽnĩ.”

Terethiinit 20:4

Ma nĩngaata, hudtuuha dtaabĩt ꞌcĩg aattiyyi eeta ꞌcĩg aaꞌnyĩhoothĩk makaaꞌthĩt ꞌcĩ ẽttẽẽdĩ thooꞌthiok cĩg eet cĩg lootu. Nẽ tarĩ, hudtuuha eet baag aruhi, hĩnĩngĩtĩ irrioon thõõth cĩ Yeesu hĩ thõõth cĩ Nyekuci. Baa nga halaacõ nẽẽg nyaharahaak hode ꞌthooura cĩnnĩ nẽ abũrĩ ngaatĩ amacaaranĩ athĩn hĩ muumti cĩggĩĩng. Arũgna hatĩ nẽẽg hiita haggamit looc hõdẽĩ hĩ Yeesu Krĩstõ irkiꞌnyia aalib hõdẽĩ.

Terethiinit 22:4

Au hatĩ acĩnõõ eeta hĩ Nyekuc muumtini nẽ hatĩ eteheeddi ꞌthaara cĩgĩnnĩg muumtinii cĩggĩĩng.

Terethiinit 6:6

Nẽ hĩthĩha molook ꞌcĩ aku hõrggẽẽnaa cĩ hẽlẽggĩ ꞌcĩg arũgĩ ĩĩn ꞌwec ko nẽ õthõõth ĩĩ, “Ũũppan lokirriaacĩ cĩ ꞌgẽẽmẽ cĩ dtiic cĩ kõr hõdẽẽthõng hode lokirriaaꞌnya iyyio cĩg haal ꞌcĩg haĩ ꞌbarli, dũman cĩ dtiic ꞌcĩ õkõmĩ cĩ kõr hõdẽẽthõng. Nẽ ma hurangannu ngõõrrõ cĩ olivi hode cĩ viinoo.”

Terethiinit 7:1

Ma baa ho, hudtuuha aajĩlẽẽt ꞌwec ꞌcĩg abĩlĩ kũdũlnyaannĩĩ ꞌcĩg ĩĩn ꞌwec, ĩcĩg lootu. Abĩlĩ hõdẽĩ ĩĩcĩ uruto, abĩlĩ hõdẽĩ ĩĩcĩ õkõlõõthĩkĩ kõrra, abĩlĩ hõdẽĩ ĩĩcĩ hujjieen nẽ ĩbĩl umwaa ĩĩcĩ holooc. Alaam nẽẽg ngõõtanĩ ꞌwec, hátĩ hiittiõõ hõllõngaa uuhan looc hode bũlũccwa hode hẽẽna.

Terethiinit 7:2

Ma nĩngaata, hĩcĩna aajĩlõ umwa ꞌcĩ aku ĩĩcĩ uruto, ꞌcĩ aꞌnyak ꞌgiimwa cĩ Nyekuc ꞌcĩ arũgĩ, ꞌcĩ ammacaaranĩ eet. Ma ho, eggerenyeek aajĩlẽẽt ꞌcĩg ĩĩn ꞌwec baag aaꞌnyĩhoothĩk ꞌtirriani ꞌcĩ aruhi looc hĩ bũlũc ĩĩnnĩk,

Terethiinit 9:4

Baa adukiaak ꞌgirooc nicci thõõth ꞌcĩ aĩ, ma hegeyyu arteenit hode hẽẽn hĩ hẽlẽggĩ vẽlẽk ꞌcĩg abũtha, abũnnaa ĩccaayyu eet ꞌcĩg hõllõngaa aꞌnyak nyamacaar cĩ Nyekuci muumtinii cĩggĩĩng.