Terethiinit 7:15 - ꞌBuuk cĩ Thõõth cĩ Nyekuci

¹⁵ Ĩnõõ ꞌyioko cĩ, “Abĩllĩ nẽẽg muumaa cĩ dtaaba cĩ Nyekuci nẽ alaacõ ĩnõõnnõ baalin hĩ waathĩn ꞌCieetõõ cĩnnĩ ho. Nẽ ẽẽtĩ ꞌcĩ iccioloonganĩ dtaaba ho, ẽbbẽttaanĩk hatĩ nẽẽ cẽrẽm cĩnnĩ hubung ĩhõõggõ vẽlẽk.

Terethiinit 7:15 ပူးပေါင်းရင်းမြစ်များ

Yõaannẽ 1:14

Ma nĩngaata, ikia Thõõth baa ĩĩn lanyit ĩĩ eet nẽ hũrũmtĩ hĩ ngagĩĩt hõdẽĩ loota nĩnga. Hiita hĩcĩnĩt naag bulẽẽnĩt cĩnnĩ dĩdĩ, bulẽẽnĩt cĩ Ngeertĩ Nyekuc Maaꞌnyĩ ꞌcĩ odoyyii. Aꞌnyahaakeet nẽẽ ngagĩĩt loota nĩnga, bũnnai hĩ thõõth vẽlẽk ꞌcĩ ĩĩn dĩdĩ, ꞌcĩ aku hĩ Nyekuc.

1 Korinthia 3:16

Hõllõngaa agayyu niig aĩ, ĩĩn eleeti cugguung ꞌCieeth cĩ Nyekuci nẽ aaĩ Lorii cĩ Nyekuci hĩ ngagiita?

2 Korinthia 6:16

Ganõn iina ꞌcĩ aꞌnyak ꞌCieeth cĩ Nyekuci hĩ hẽlẽggĩ ꞌcĩg aar eeta hĩĩtõ nyekuꞌnya ho? Hĩnĩngĩtĩ hĩĩgĩn naag ꞌCieeth cĩ Nyekuc ꞌcĩ arũgĩ. Hĩcĩ aduha ꞌBuuhi cĩ Nyekuci aĩ, “Haaĩ hatĩ naa hĩ ĩhõõggõ nẽ hookorria hĩ ĩhõõggõ. Hĩĩnĩ hatĩ naa Nyekuc cĩnĩĩng nẽ ĩĩtõ nẽẽg eet cĩgannĩg.”

Ebereei 12:2

Hakatti naag Yeesu hẽbẽrĩ, ĩnõõnnõ ꞌcĩ uwwatteekeet ngagĩĩt nẽ aaꞌnyĩk lemiinit cĩnaac hũttũbanoothĩk. Hĩnĩngĩtĩ taliinit ꞌcĩ ẽrẽ ĩnõõnnõ, ikia ẽtẽmẽẽth nẽẽ ngaaoni cĩ hurucceeo. Nẽ ꞌyioko, iccioloongan nẽẽ ĩĩcĩ aꞌthiit cobbi cĩ Nyekuci dtaabawaa cĩ bulẽẽttõ.

Ebereei 8:1

Thõõth dẽẽdẽ ꞌcĩ aaddi ꞌcĩ aĩ nẽẽ, haꞌnyak naag paadĩr cobbi, ĩnõõnnõ Yeesu ꞌcĩ iccioloongan attiaa cobbi dtaabawa, makaaꞌthĩtaa cĩ Nyekuci hẽẽtahujjieen.

Terethiinit 11:19

Ma nĩngaata, ikia ubbuuhi hattũũg cĩ ꞌCieeth cĩ Nyekuci hẽẽtahujjieen nẽ edeeꞌnyia cadduk ꞌcĩ iyyangꞌthĩ nẽẽ lõhõt cĩnnĩ ꞌCieetõõ cĩnnĩ. Ma ho, ammad lõõcĩ nẽ ĩccaaõ bõrõhẽẽcĩ habath dtẽc huluba hirihidtihi cobbi gẽrrẽẽt hĩccĩnĩt tẽllẽẽn ꞌcĩg adhukiaak looc.

Terethiinit 13:6

Nẽ ikia õdõõm nyaharahaahĩ nicciee Nyekuc, hĩ ꞌthaar cĩgĩnnĩg hĩ õlõ cĩnnĩ hĩ eet vẽlẽk ꞌcĩg arũmĩ hĩ ĩnõõnnõ hẽẽtahujjieen.

Terethiinit 20:10

Nĩngĩtĩ adhuhõõthĩkĩ habuui cĩ loriẽẽt ꞌcĩg abathĩ baa ĩggõõl ĩhõõggõ ho, ꞌgelemit cĩ ꞌgwoo ꞌcĩ aaburii padtahac, hõõt hutuuꞌthi hõdẽĩ hĩ nyaharahaak hĩ põrõvẽtaac cĩnnĩ baa ĩĩn oloꞌngiaahit. Accananni hatĩ nẽẽg ĩĩca waathĩn hĩ baalin ooo.

Terethiinit 21:22

Baa aitiõõ hõllõngaa hacini ꞌCieeth cĩ Nyekuci ꞌcĩ alaiini eeta, hĩnĩngĩtĩ ĩĩtõ Makayyioohiti Nyekuci ꞌTirriannioohiti ꞌcĩ ĩllõõan vẽlẽk hĩ Mĩꞌnyõõn cĩnnĩ, ꞌCieeth cĩ Nyekuci.

Terethiinit 22:3

Aitiõõ hatĩ ꞌcĩĩnẽnĩtĩ hõllõngaa aaꞌnyĩk ꞌgiimwa ꞌcĩ abathĩ, haggam eet cĩg ꞌtaaũn nicci. Aalla hatĩ Nyekuci dtaabawaa nĩĩcĩ hĩ Mĩꞌnyõõn buúk nẽ iita eeta vẽlẽk ꞌtaaũnaa nĩĩcĩ, idticattoothĩk ĩnõõnnõ.

Terethiinit 22:5

Iittiõõ hatĩ hõllõngaa adiim eeta kõr, hode ꞌgiimwa ꞌcĩ attũllẽẽnĩ, hĩnĩngĩtĩ iittiõõ hatĩ baalini tõõ. Makayyioohit Nyekuc dioo ꞌcĩ hatĩ ikia ĩĩ lanyit cĩnĩĩng nẽ hatĩ ĩĩtõ nẽẽg makayyiook hĩ Nyekuc ooo.

Terethiinit 4:4

Baa irriamaneek dtaaba ꞌcĩ aayyi nẽẽ ho, dtaabĩta ũgẽẽgĩ tarĩ, ꞌcĩg ĩĩn hẽẽn ꞌramma hĩ ꞌwec ꞌcĩg aattiyyi makayyiooha ũgẽẽgĩ ꞌcĩg ĩĩn hẽẽn ꞌramma hĩ ꞌwec buúk, ꞌcĩg ahimit ceremwa ꞌcĩg õõppẽr nẽ aꞌnyahit tẽmẽdẽhĩt ꞌcĩg attalĩth ꞌcĩg adĩmanniaa ꞌdaaba.

Terethiinit 4:8

Nẽ aꞌnyak hẽlẽggĩ ꞌcĩg arũgĩ ĩĩn ꞌwec ko vẽlẽk, havvuuto tõrkõnõn. Havvuutõnĩĩ nĩĩcĩg, aꞌnyak hẽbẽrĩ ĩĩttõõ hĩ battaala vẽlẽk nẽ aalla ebenni hẽlẽggĩ niccieeg arũgĩ ho, baalin hĩ waathĩn aĩ, “Ẽllẽẽmĩth, ẽllẽẽmĩth, ẽllẽẽmĩth, Makayyioohiti Nyekuci ꞌTirriannioohiti ꞌcĩ ĩllõõan vẽlẽk, baa aaĩ ĩĩcĩ oou nẽ aaĩ ꞌyioko nẽ õbõda hatĩ tarĩ.”

Terethiinit 4:9

Baa aalla ebeneek hẽlẽggĩ niccieeg arũgĩ ho, eet ꞌcĩ aaĩ dtaabawa ho, tegellwa ꞌcĩg adĩkꞌthĩ ĩnõõnnõ hĩ ꞌcĩg abulꞌthĩ eet ꞌcĩ aalla arũgĩ ooo ho nẽ ĩĩttĩk ĩnõõnnõ ĩlaallẽ.

Terethiinit 7:9

Ma ngaati, hudtuuha lothippit cobbi gẽrrẽẽt cĩ eet ꞌcĩg aꞌnyamannaa ngaatĩ hagiili buúk, eet ꞌcĩg eberriaa habuccieeꞌnyanĩĩ cĩg loonyin vẽlẽk ꞌcĩg õthõõth thooꞌthiohĩ cũũmõ cũũmõ, abĩlĩ muumaa cĩ Nyekuci hĩ ĩcĩ Mĩꞌnyoono, ahimti nẽẽg vẽlẽk ceremwaanĩĩ ꞌcĩg õõrĩg nẽ aggamit urwo athĩnĩ.