Terethiinit 6:16 - ꞌBuuk cĩ Thõõth cĩ Nyekuci

¹⁶ Ma ho, urruuyõĩ nẽẽg muurriok hĩ biyyiẽẽn ĩĩttĩk, “Irribatteetu nẽ utugunyteetu. Ma haaꞌnyiku hĩcĩneet ẽẽtĩ ꞌcĩ iccioloongan dtaabawa nẽ utugunyteetu, hiittiõõ hõllõngaa alĩĩllĩkeet Mĩꞌnyõõna.

Terethiinit 6:16 ပူးပေါင်းရင်းမြစ်များ

Maatteeo 26:64

Ẽdẽcĩ Yeesu aĩ, “Eei, aaĩ hĩcĩ aduha nii ho. Nẽẽthĩ, haduhaakuung ngagiit vẽlẽk, horumwa acinnu hatĩ niig Ngeertĩ Eeto iccioloongan attiaa cobbi ĩcĩ Nyekuc Gayyioohit vẽlẽk nẽ ulluuccia diiꞌthiohĩ hẽẽtahujjieen.”

Maarko 3:5

Nĩngĩtĩ ẽggẽlẽẽmĩ Yeesu ĩhõõggõ lĩĩlĩẽẽttaa nẽ iittiõõ hõllõngaa accamanoothĩk, hĩnĩngĩtĩ baa õkõmĩ ĩhõõggõ ooti. Nẽ uduhaak eet nicci ĩĩnnĩk, “Õõd aꞌthiit cunni hũũlan.” Nĩngĩtĩ õõdĩ nẽẽ aꞌthiit nẽ ũbũna aꞌthiiti cĩnnĩ ho tarĩ!

ꞌLuuka 23:30

Aduhaak hatĩ nẽẽg muurriok ꞌcĩg obbitig anneek, “ ‘Irribatteetu!’ Nẽ tarĩ ĩĩttĩk muurriok ꞌcĩg hidicig buúk, ‘Utugunyteetu baaĩ nuun!’

Terethiinit 10:6

Nẽ ũbũtan aajĩlõ ꞌthaarĩĩ cĩg Nyekuc ꞌcĩ ẽhẽnyta hẽẽtkujjieen hĩ looc hĩ hẽlẽggĩ vẽlẽk ꞌcĩg arũgĩ ooo ĩĩ, “Iittiõõ Nyekuci hõllõngaa ereeyyi tarĩ.”

Terethiinit 19:15

Baa adukna nyetuboot umwaa ꞌcĩ ꞌlẽhẽdĩ gẽrrẽẽt ũtũũgaa cĩnnĩ, ꞌcĩ ẽꞌngẽddĩ nẽẽ eet cĩg loonyinu. “Aggam hatĩ nẽẽ loonyin hĩbahĩtaa ꞌcĩ ĩĩn ꞌthiihit.” Adduuta hatĩ nẽẽ liilii cobbi cĩ Nyekuc ꞌTirriannioohit vẽlẽk, haau hĩ viino ꞌcĩ ariha ꞌloohaa ꞌcĩ ammacciini.

Terethiinit 20:11

Nẽ hudtuuha dtaaba cobbi gẽrrẽẽt ꞌcĩ õõrĩ, hĩ eet ꞌcĩ iccioloonganĩ dtaaba tĩho. Baa aireek lõõcĩ hĩ hẽẽtkujjieen dtaaba nicci, aitiõõ hinnia nĩngĩtĩ õõ aguꞌthẽẽnĩ nẽẽg tõõ.

Terethiinit 4:2

Ma hĩdĩĩkoothong, hudtuuha Lori ĩĩcĩ muum caannĩ hĩ dtaaba cĩ hẽẽtkujjieen, ꞌcĩ iccioloonganĩ ẽẽtĩ umwaanĩ.

Terethiinit 4:5

Nẽ dtaabawa nĩĩcĩ, ammadĩ lõõcĩ nẽ ẽggẽrẽny bõrõhẽẽcĩ gẽrrẽẽt. Ĩĩcĩ muum cĩ dtaaba nicci, alanyĩt ꞌgwoyyiẽẽna tũkĩramma ꞌcĩg ĩĩn Loriẽẽt cĩg Nyekuci.

Terethiinit 4:9

Baa aalla ebeneek hẽlẽggĩ niccieeg arũgĩ ho, eet ꞌcĩ aaĩ dtaabawa ho, tegellwa ꞌcĩg adĩkꞌthĩ ĩnõõnnõ hĩ ꞌcĩg abulꞌthĩ eet ꞌcĩ aalla arũgĩ ooo ho nẽ ĩĩttĩk ĩnõõnnõ ĩlaallẽ.

Terethiinit 5:1

Nẽ hudtuuha ꞌbuuk attiaa cobbi ĩĩcĩ eet ꞌcĩ aaĩ dtaabawa ho, ꞌcĩ eheeddi ĩĩttõõ hĩ battaala vẽlẽk nẽ idili ꞌgoolliok tũkĩramma.

Terethiinit 6:10

Ẽggẽrẽny nẽẽg moloohaa cobbi aĩ, “Makayyioohit ꞌcĩ elleemi nẽ iinu dĩdĩ, hõllõngaa aruha oolo, nẽ etteedu nẽ uuku eet baag arukeet ngagĩĩt thõng inni?”

Terethiinit 9:6

Nẽ waathinnioohĩĩ ĩtĩko, adiim hatĩ eeta daahĩth nẽ hõllõngaa ammũda. Ma hatĩ abũraneek nẽẽg daahĩth, alĩĩta hinnia hatĩ daahĩthĩ ĩhõõggõ thõng.