Terethiinit 22:18 - ꞌBuuk cĩ Thõõth cĩ Nyekuci

¹⁸ Nẽ naa Yõaannẽ, hiloottuung ngagiit vẽlẽk ꞌcĩg athiknu ꞌrioon cĩ ꞌbuuk icci ho. Má ĩttoorĩk ẽẽtĩ umwaa thõõth umwa cĩnnĩ, uuk hatĩ Nyekuci ĩnõõnnõ ꞌtheretwaanĩĩ ꞌcĩg abathĩ gẽrrẽẽt eheeddi ꞌbuuhatõõ cĩ ho.

Terethiinit 22:18 ပူးပေါင်းရင်းမြစ်များ

Maatteeo 15:13

Ẽdẽcĩ Yeesu ĩhõõggõ anneek, “Abbutanniaa hatĩ hẽẽna vẽlẽk ꞌcĩg baag hõllõngaa atiboolan Nyakangaan caannĩ ꞌcĩ aaĩ hẽẽtahujjieen cõrrẽẽnĩ noho.

Eevvetho 4:17

Hĩ nuyyioohiti cĩ Makayyiookto, haduhaakuung hanneekuung ibilli authet ꞌcĩ aattiyyu hĩ eeta ꞌcĩg aggiithi ꞌcĩg hõllõngaa aga Nyekuc.

1 Tẽꞌthaloonika 4:6

Nẽẽthĩ, niig lemmiooha, ma higgoolonnu ꞌgõõlaa cĩ igoriꞌthu ngaaĩ cĩg ꞌgoonoginnu, hĩnĩngĩtĩ baa huduktaahuung naag ngagiit jurrung hiittihuung, uuk hatĩ Nyekuci eet ꞌcĩg adĩman thooꞌthiok ꞌcĩg ĩĩn ꞌriiring ꞌcĩg aattĩg nohotaa.

Terethiinit 1:3

Aggatan hatĩ Nyekuci eet vẽlẽk ꞌcĩg agiilik ꞌgõõnõgĩ thõõth ꞌcĩ aduha Nyekuci ꞌbuuhaa cĩ ho nẽ aggatan hatĩ Nyekuci eet ꞌcĩg athĩhĩ nẽ elemit thõõth ꞌcĩ adukiaa ꞌbuuhaa cĩ. Õbõhĩ kõrra ꞌcĩ hatĩ au edeeꞌnyianĩ thooꞌthioha cieeg vẽlẽk.

Terethiinit 15:1

Ma uruta, hudtuuha ꞌgiimwa hẽẽtahujjieen ꞌcĩ abulan eet nẽ ĩĩ tiir gẽrrẽẽt. Ma ho, iita aajĩlẽẽta tũkĩramma ꞌcĩg aꞌnyaha ꞌthereeni tũkĩramma ꞌcĩg adtuurna nẽ ma edeccia ꞌthereeni cieegi, ũttũbanoothĩk thĩ liilii cĩ Nyekuci.

Terethiinit 15:6

Ma ho, uduhutta aajĩlẽẽta baag ĩĩn tũkĩramma ho, ꞌCieetõõ cĩ Nyekuci battaala, aꞌnyaha ꞌthereeni tũkĩramma buúk. Baa ahimit nẽẽg ceremwa ꞌcĩg õõppẽr nẽ amarũũhĩtõ ceremwa ꞌcĩg ĩĩn ꞌdaab iyyõõtini.

Terethiinit 19:20

Ma joraa nĩĩca, ikia aggamĩ nyaharahaahĩ hĩ põrõvẽtaac cĩnnĩ ꞌcĩ ĩĩn oloꞌngiaahit, ꞌcĩ baa adtican thooꞌthiok ꞌcĩg ĩnaat eeta gẽrrẽẽt, hĩnĩngĩtĩ nyaharahaak. Baa adtican nẽẽ thooꞌthiok tĩko, aĩ hátĩ hĩggõõl eet baag aꞌnyak nyamacaar cĩ nyaharahaahõ nẽ alaacõ ꞌthooura cĩnnĩ. Ma ho, udhuktoothĩk nyaharahaahĩ hĩ põrõvẽtaac cĩnnĩ ꞌcĩ ĩĩn oloꞌngiaahit ko buúk ꞌgelemit cĩ ꞌgwoo ꞌcĩ aaburii padtahac ꞌcĩ aalla ooo.

Terethiinit 20:10

Nĩngĩtĩ adhuhõõthĩkĩ habuui cĩ loriẽẽt ꞌcĩg abathĩ baa ĩggõõl ĩhõõggõ ho, ꞌgelemit cĩ ꞌgwoo ꞌcĩ aaburii padtahac, hõõt hutuuꞌthi hõdẽĩ hĩ nyaharahaak hĩ põrõvẽtaac cĩnnĩ baa ĩĩn oloꞌngiaahit. Accananni hatĩ nẽẽg ĩĩca waathĩn hĩ baalin ooo.

Terethiinit 20:15

Nẽ eeta vẽlẽk ꞌcĩg baag hõllõngaa eheeddi ꞌthaara cĩggĩĩng ꞌbuuhaa cĩ rũgẽtõ, iita udhuktoothĩk ꞌgelemtaa cĩ ꞌgwoo ꞌcĩ aalla ooo ho.

Terethiinit 22:10

Nẽ uduhaaha tarĩ ĩnnĩhaa, “Ma hammiꞌthẽẽnĩ thooꞌthiok ꞌcĩg aduha ꞌbuuhi cieeni, hĩnĩngĩtĩ edeeꞌnyia hatĩ hẽlẽggĩ cieeg vẽlẽk hĩdĩĩkoothong.

Terethiinit 22:16

“Nganĩĩt Yeesu! Nẽ nganĩĩt ꞌcĩ hĩꞌthõõakii nganiit aajĩlõ caannĩ ho, hikia huduhaahi thooꞌthiok iccig, hátĩ hĩthĩhĩt lothippiꞌnya cĩg lemmioohu vẽlẽk. Hĩĩnĩ naa habuccieet cĩ hattũũg cĩ õlõ cĩ Daavide. Nẽ Hĩĩnĩ coobooc gõõng aara ngerrenita.”

Terethiinit 22:7

“Ĩcĩnĩt nõõnĩ! Haini naa hakuu hatĩ hĩdĩĩkoothong! Aggatan hatĩ Nyekuci eet ꞌcĩg athĩhĩ nẽ uꞌthuutti thõõth ꞌcĩ aduha ꞌbuuhi ciee ho!”

Terethiinit 22:9

Anneeka hinnia nẽẽ, “Ma halayyaa nganĩĩta, laa Nyekuc, hĩĩnĩ naa dticciannioohit cĩ Nyekuci haaga hĩ nii buúk nẽ hĩĩnĩ dticciannioohit hĩ ꞌgotoonogu põrõvẽtaaꞌnya cĩgĩnnẽẽgĩ, hĩ eet vẽlẽk ꞌcĩg athĩhĩ nẽ elemit thõõth ꞌcĩ eheeddi ꞌbuuhaa cĩ ho.”

Terethiinit 3:14

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu ꞌtaaũnaa cĩ Laodicea. “Duhaak anneek, aku nyeemuut ciee hĩ eet ꞌcĩ haĩ Aamẽn, eet ꞌcĩ ẽlẽmĩ Nyekuc nẽ ĩĩ hebereec ꞌcĩ ĩĩn dĩdĩ, ĩĩn nẽẽ eet ꞌcĩ aggam looc ꞌcĩ ĩĩn ngeju ꞌcĩ nga ẽhẽnyta Nyekuci thõng.