Terethiinit 22:17 - ꞌBuuk cĩ Thõõth cĩ Nyekuci

¹⁷ Nẽ othoothito Lorii ꞌcĩ Ẽllẽẽmĩth hĩ lothippit cĩ lemmioohu ĩĩtõ, “Ijjia!” Aꞌnyĩĩk eet ꞌcĩ athĩhĩ thõõth icci hĩĩ, “Ijjia!” Má atab ẽẽtĩ umwaa maam ꞌcĩg ahũdĩ, aꞌnyĩĩk hũhũd maam ꞌcĩg rũgẽt ꞌcĩ aalla ooo.

Terethiinit 22:17 ပူးပေါင်းရင်းမြစ်များ

Yõaannẽ 1:37

Ma baa athĩhĩ nuyyiooha ꞌcĩg ĩĩn ꞌramma thõõth icci ho, iita unuyyiõõthĩ Yeesu.

Yõaannẽ 4:10

Ẽdẽcĩ Yeesu ĩnõõnnõ anneek, “Má gaa nii ꞌbaaninit ꞌcĩ occa aaꞌnyi Nyekuci nẽ agau eet iina ꞌcĩ alayyi nganiit maam ko, occa ꞌyioko alau ĩnõõnnõ haaꞌnyi maam ꞌcĩg rũgẽtaak.”

Yõaannẽ 4:11

Ẽdẽcĩ ngaa nicciee Yeesu anneek, “Ẽẽtĩ cieeni, aitioonni nõõ uhucu ꞌcĩ adtĩĩlanĩ maam tõõ nẽ uuthik wĩĩtanẽẽcĩ thõng buúk, attiha occa hatĩ maam ꞌcĩg aaꞌnya rũgẽt ko ngaana?

Yõaannẽ 4:14

Nẽ ẽẽtĩ ꞌcĩ haaꞌnyihi naa maam cĩgannĩg, aitiõõ hatĩ hõllõngaa aam ĩnõõnnõ kõrra tarĩ ũdũt. Aattĩg maama cĩgannĩg ko hĩ maama ꞌcĩg ariha ũꞌngeecaa cĩ hidiowwo nẽ aaꞌnyĩk eet rũgẽt ꞌcĩ aalla ooo.”

Yõaannẽ 4:29

“Iita ĩcĩnĩt eet umwa ꞌcĩ aduhaaka thõõth vẽlẽk ꞌcĩ baa hĩdĩmana naana! Krĩstõ occa nẽẽnĩ?”

Yõaannẽ 7:37

Ma baa kõr ꞌcĩ edecciaaĩ Karrama, ikia ĩtĩnga Yeesu nẽ irrioon moloohaa cobbi ĩĩ, “Má aam eet umwa kõrra, aꞌnyĩĩk hikia hĩ nganĩĩt haaꞌnyĩk maam hũhũdĩ!

ꞌRooma 3:24

nẽ ikia õõgaeet Nyekuci ngagĩĩt vẽlẽk bũnnaiittaa cĩnnĩ, hĩnĩngĩtĩ elliaanĩt baa aku hĩ Yeesu Krĩstõ.

1 Korinthia 2:12

Hĩcĩ humuddia naag Lori cĩ Nyekuci, ꞌcĩ hõllõngaa ĩĩn lori cĩ looc nicci, hiita hagaacõ naag hẽlẽggĩ ꞌcĩg ẽllẽẽmĩth gẽrrẽẽt ꞌcĩg aaꞌnyeet Nyekuci haaga.

Terethiinit 14:13

Nĩngĩtĩ hathĩknĩ molook cĩ aku hẽẽtahujjieen aĩ, “Tẽhẽẽd thõõth icci loota. Iꞌthianaanĩ kõr nicci, aggatan hatĩ Makayyioohiti eet ꞌcĩg adaahĩ, hĩnĩngĩtĩ ẽlẽmĩ nẽẽg ĩnõõnnõ.” Ẽdẽcĩ Lorii ꞌcĩ Ẽllẽẽmĩthĩ aĩ, “Eei, ammũda hatĩ nẽẽg ꞌyiomman dtiicaa cĩnĩĩng õkõmĩ ho nẽ tarĩ, hatĩ aaꞌnyĩhoothĩk ĩhõõggõ ꞌbaaniniti ꞌcĩ adũman dtiic cĩnĩĩng.”

Terethiinit 2:7

“Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung. Haaꞌnyihi hatĩ naa eet ꞌcĩg abũrĩ thooꞌthiok ꞌcĩg abathĩ, huduhit hẽẽt cĩ rũgẽtõ ꞌcĩ aaĩ õlõõ cĩ Nyekuci.”

Terethiinit 21:2

Ma ho, hudtuuha ꞌtaaũn ꞌcĩ ẽllẽẽmĩth, ꞌJeruꞌthalẽm ꞌcĩ ĩĩn ngeju, ngaatĩ alluuccianĩ hĩ Nyekuc hẽẽtahujjieen, haau hĩ bũhẽẽcĩ ꞌcĩ ahimti hẽllẽẽm ꞌcĩ aꞌngiddiaak maac.

Terethiinit 21:6

Nẽ õthõõthahaa tarĩ ĩnnĩhaa, “Edeccia dtiici! Iꞌthianaanĩ hẽlẽggĩ vẽlẽk hĩ nganĩĩta nẽ adtuurnik hĩ nganĩĩta. Haaꞌnyihi hatĩ naa eet ꞌcĩ aam kõrra hũhũd maam cĩg rũgẽt ꞌcĩ aalla ooo, hõllõngaa ũũta thõng buúk.

Terethiinit 21:9

Ma nĩngaata, ikia aajĩlõ umwaa ꞌgoonoginnii ĩbaag ĩĩn tũkĩramma, baag aꞌnyak lohilihilit ꞌcĩg abbĩꞌthĩĩ ꞌthereeni ꞌcĩg abathĩ gẽrrẽẽt nẽ ĩnnĩhaa, “Ijjia da ngaati! Hadiimi heterꞌtheekii ngaa cĩ nyattaraanõ ꞌcĩ hatĩ ĩĩn ngaa cĩ Mĩꞌnyoono.”

Terethiinit 22:1

Ma ho, eteretheeha aajĩlõ hidioo umwa ꞌcĩ ariha maama dtaabawaa ꞌcĩ aayyi Nyekuci hĩ Mĩꞌnyõõn. Lĩĩl ꞌcĩ attalĩth maama nẽ ĩĩtõ tẽllĩg thõng. Ĩĩn maama tĩko maam ꞌcĩg aaꞌnyeet rũgẽt.

Terethiinit 22:16

“Nganĩĩt Yeesu! Nẽ nganĩĩt ꞌcĩ hĩꞌthõõakii nganiit aajĩlõ caannĩ ho, hikia huduhaahi thooꞌthiok iccig, hátĩ hĩthĩhĩt lothippiꞌnya cĩg lemmioohu vẽlẽk. Hĩĩnĩ naa habuccieet cĩ hattũũg cĩ õlõ cĩ Daavide. Nẽ Hĩĩnĩ coobooc gõõng aara ngerrenita.”

Terethiinit 7:17

Hĩnĩngĩtĩ ĩĩ Mĩꞌnyõõn ꞌcĩ abĩlĩ hõrggẽẽnaa cĩ dtaabaõ ho tũhayyioohit cĩnĩĩng. Õkõõĩ hatĩ nẽẽ ĩhõõggõ ngaatĩ aattiyyi maama cĩg rũgẽt ꞌcĩ aalla ooo. Attũmũny hatĩ Nyekuci tilaalõ cĩggĩĩng.”