Terethiinit 22:14 - ꞌBuuk cĩ Thõõth cĩ Nyekuci

¹⁴ “Aꞌnyĩĩk haggatan Nyekuci eet vẽlẽk ꞌcĩg ũũny ceremwa cĩggĩĩng biyyiẽẽtĩĩ cĩg Yeesu. Ẽlẽmaakĩ hatĩ nẽẽ ĩhõõggõ huduhunit hattũũgẽt cĩg ꞌtaaũn cobbi nẽ aaꞌnyĩk huduhit hẽẽt ꞌcĩ abbiiri cĩ rũgẽt ꞌcĩ aalla ooo.

Terethiinit 22:14 ပူးပေါင်းရင်းမြစ်များ

ꞌThianaattõ 2:9

Baa nẽ ẽtẽhẽnya Makayyioohiti Nyekuci hẽẽn vẽlẽk ꞌcĩg abũnnaa gẽrrẽẽt ngaatĩ hacĩnĩ hĩ ngaatĩ haduhi. Nẽ hõrggẽẽnaa cĩ manu, baa aattĩg hẽẽna ꞌramma, hẽẽt cĩ rũgẽtõ hĩ hẽẽt ꞌcĩ hagaĩ thõõth ꞌcĩ abũnnaa hĩ ꞌcĩ abathĩ.

ꞌThianaattõ 3:22

Nẽ ummuk Makayyioohiti Nyekuci ĩĩ, “Eggeenyito eeta cieeg aauto hĩ naaga, agaacõ thõõth ꞌcĩ abũnnaa hĩcĩ abathĩ. Hetedeyyieehi ĩhõõggõ ngaatĩ aduhi hẽẽt cĩ rũgẽtõ buúk, hátĩ hiittiõõ hõllõngaa arũgĩ ũdũt.”

Luugithõõ 19:10

Nẽ tarĩ uduhaak Makayyioohiti Mũũꞌtha ĩĩnnĩk, “Bodooth bĩĩt kũmmaneek eet hiita homottiooa hĩ nganĩĩta. Aꞌnyĩĩk ĩhõõggõ kõr nicci hũtũũnyĩtõ ceremwa cĩggĩĩng,

Yõaannẽ 10:7

Ma ho, uduhaak Yeesu eet tarĩ ĩĩnnĩk, “Haduhaakuung dĩdĩ, hĩĩnĩ naa hattũũg cobbi cĩ aꞌthaannu.

Yõaannẽ 10:9

Hĩĩnĩ naa hattũũg cobbi. Ẽẽtĩ ꞌcĩ adukna hĩ nganĩĩta, eelliaa hatĩnĩ. Adukna hatĩ nẽẽ hattũũg cobbi nẽ uduhun ũũk battaala, hĩ aꞌthẽẽtĩ ꞌcĩ õkõ ẽgĩ mudduuny.

Yõaannẽ 14:15

Baa aduhaak Yeesu nuyyiook cĩgĩnnĩg anneek, “Má ammĩnannaangu niig nganĩĩta, aꞌthuunnu hatĩ thõõth ꞌcĩ haduhaakuung naana.

Yõaannẽ 14:6

Ẽdẽcĩ Yeesu ĩnõõnnõ anneek, “Hĩĩnĩ naa ꞌgõõl hĩ thõõth ꞌcĩ ĩĩn dĩdĩ hĩ rũgẽt. Aitiõõ ẽẽtĩ ꞌcĩ occa õkõ hĩ Baaba, hatĩ haitiõõ naa tõõ!

Yõaannẽ 4:12

Ĩllõõani nii Yakobo baangeet cĩnaang baa aaꞌnyeet ngagĩĩt wĩĩtaneec icci nẽ uhuddiõõĩ nẽẽg hĩ lõhõlĩ cĩgĩnnĩg hĩ ẽẽtha hĩ aꞌtha cĩgĩnnĩg vẽlẽk ko?”

1 Korinthia 7:19

Ĩĩn ꞌteediniti cĩ ello hode thõõth ꞌcĩ hõllõngaa etteedini ẽlẽ, thõõth umwa haaga. Thõõth ꞌcĩ aaddi ꞌcĩ hathĩknĩ tilooinit cĩ Nyekuci dioo.

1 Korinthia 8:9

Ma haĩnanaaku eet ꞌcĩ hõllõngaa attiran muhẽẽnĩtĩ cĩ ꞌthĩnĩt cĩnnĩ, thõõth ꞌcĩ abathĩ, hĩnĩngĩtĩ agayyu niig ngaatĩ adaku ꞌgeenniok vẽlẽk.

1 Korinthia 9:5

Ĩcca occa hõllõngaa haꞌnyak naag makaaꞌthĩt ꞌcĩ hõõkõrĩ hõdẽĩ hĩ ngaa ꞌcĩ ĩĩn lemmioohit, hĩcĩ õõkõr ꞌthooyyiaha ũgẽẽgĩ hĩ ꞌgõtõõnõgĩ Makayyiooktak hĩ Pẽẽtũrũ?

ꞌGalaaꞌthia 5:6

Aitiõõ Yeesu Krĩstõ hõllõngaa aꞌnyak thõõth umwa hĩ eet ꞌcĩ ẽttẽẽdĩ ẽlẽ, hode nga hẽttẽẽdĩ ẽlẽ. Aaddi lemiiniti dioo ꞌcĩ hammĩnanõõnĩ naaga.

1 Yõaannẽ 3:3

Aaꞌnyeet thõõth ꞌcĩ haarĩkĩ ꞌthinneeti thõõth icci ho, helleemit hĩcĩ ẽllẽẽmĩth Krĩstõ.

1 Yõaannẽ 5:3

Heterꞌtheek naag Nyekuc mĩnnan cĩnaac ꞌgõõlaa ꞌcĩ hathĩknĩ tilooinit cĩnnĩ nẽ hõllõngaa õkõmĩ tilooiniti cĩnnĩ ho.

Terethiinit 2:7

“Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung. Haaꞌnyihi hatĩ naa eet ꞌcĩg abũrĩ thooꞌthiok ꞌcĩg abathĩ, huduhit hẽẽt cĩ rũgẽtõ ꞌcĩ aaĩ õlõõ cĩ Nyekuci.”

Terethiinit 21:12

Baa maka dilat cĩ araanõ nẽ ĩĩ uun nẽ aarrihoothĩk hattũũgẽta õmmõtõ hĩ ꞌramma, ꞌcĩg obbitẽẽgĩ ꞌcĩg ẽbẽk aajĩlẽẽta õmmõtõ hĩ ꞌramma buúk. Nẽ baa eheeddi ꞌthaarrioha cĩg habuccieeꞌnya cĩg Ĩꞌthĩraẽlĩ ꞌcĩg ĩĩn õmmõtõ hĩ ꞌramma hattũũgẽtĩĩ nĩĩcĩg vẽlẽk hõdẽĩ hõdẽĩ.

Terethiinit 21:27

Aitiõõ hatĩ hõllõngaa ẽlẽmaakĩ Nyekuci ꞌgii ꞌcĩ abathĩ huduhun ꞌtaaũn nicci. Nẽ aitiõõ hatĩ hõllõngaa ẽlẽmaakĩ eet ꞌcĩ ala hẽlẽggĩ ꞌcĩg aar eeta hĩĩtõ nyekuꞌnya hĩ eet ꞌcĩg ĩĩn oloꞌngiaak huduhunit. Nẽẽthĩ, aduhun hatĩ eeta ꞌcĩg eteheeddi ꞌthaara cĩggĩĩng ꞌBuuhaa cĩ Rũgẽtõ ĩcĩ Mĩꞌnyoono dioo.

Terethiinit 22:2

Ariha hidiaa nicciee hõrggẽẽnaa cĩ ꞌtaaũnõõ nẽ ũnũ ꞌgõõl cobbi cĩ ꞌtaaũn nicci. Dẽmẽtwaanĩĩ cĩg hidioo nicci, aaĩ hẽẽt cĩ rũgẽtõõ, ꞌcĩ õddõngõt nyĩlõhẽẽnnĩ vẽlẽk. Õddõngta hẽẽt nicciee hẽẽn ꞌcĩg abbiiri õmmõtõ hĩ ꞌramma nẽ bõllõõha cĩgĩnnĩg buúk ĩĩn ẽgẽrnaac ꞌcĩ ahũd eeta loonyini vẽlẽk hũbũttaathõ ũdũt, hátĩ hiittiõõ mõõrĩthĩ tõõ.

Terethiinit 22:7

“Ĩcĩnĩt nõõnĩ! Haini naa hakuu hatĩ hĩdĩĩkoothong! Aggatan hatĩ Nyekuci eet ꞌcĩg athĩhĩ nẽ uꞌthuutti thõõth ꞌcĩ aduha ꞌbuuhi ciee ho!”

Terethiinit 7:14

Nẽ hẽdẽca hĩĩnnĩha, “Aga niina.” Nĩngĩtĩ aduhaaka anneeka nẽẽ, “Eet baag ẽmmẽẽthĩ ꞌcannan baa obbi gẽrrẽẽt niccieegi. Ĩtĩllahit nẽẽg ceremwa cĩggĩĩng biyyiẽẽtĩĩ cĩg Mĩꞌnyõõnak.