Terethiinit 21:3 - ꞌBuuk cĩ Thõõth cĩ Nyekuci

³ Nẽ hĩthĩha molook ꞌcĩ ẽggẽrꞌnya dtaabawaa cĩ Nyekuci aĩ, “Nẽ ꞌyioko ĩꞌthõng ũdũt, ikia õlõ cĩ Nyekuci ũrũmtĩ hĩ eet cĩgĩnnĩg. Ĩĩn hatĩ eeta, eet cĩgĩnnĩg nẽ ĩĩ Nyekuci, Nyekuc cĩnĩĩng. Nẽ dĩdĩ aarĩk hatĩ Nyekuci õlõ cĩnnĩ hõrggẽẽnaa cĩ eet cĩgĩnnĩg.

Terethiinit 21:3 ပူးပေါင်းရင်းမြစ်များ

Yõaannẽ 1:14

Ma nĩngaata, ikia Thõõth baa ĩĩn lanyit ĩĩ eet nẽ hũrũmtĩ hĩ ngagĩĩt hõdẽĩ loota nĩnga. Hiita hĩcĩnĩt naag bulẽẽnĩt cĩnnĩ dĩdĩ, bulẽẽnĩt cĩ Ngeertĩ Nyekuc Maaꞌnyĩ ꞌcĩ odoyyii. Aꞌnyahaakeet nẽẽ ngagĩĩt loota nĩnga, bũnnai hĩ thõõth vẽlẽk ꞌcĩ ĩĩn dĩdĩ, ꞌcĩ aku hĩ Nyekuc.

Yõaannẽ 14:23

Ẽdẽcĩ Yeesu ꞌJuuda anneek, “Má ammĩnannaa eet umwaa nganĩĩta, aꞌthũũnnĩ hatĩ nẽẽ ꞌlimman caannĩ. Ammĩnan hatĩ Baaba ĩnõõnnõ buúk nẽ hatĩ hiitaawa naag hĩ Baaba hẽtẽhẽnytaawa õlõ cĩnaang hĩ ĩnõõnnõ.

2 Korinthia 6:16

Ganõn iina ꞌcĩ aꞌnyak ꞌCieeth cĩ Nyekuci hĩ hẽlẽggĩ ꞌcĩg aar eeta hĩĩtõ nyekuꞌnya ho? Hĩnĩngĩtĩ hĩĩgĩn naag ꞌCieeth cĩ Nyekuc ꞌcĩ arũgĩ. Hĩcĩ aduha ꞌBuuhi cĩ Nyekuci aĩ, “Haaĩ hatĩ naa hĩ ĩhõõggõ nẽ hookorria hĩ ĩhõõggõ. Hĩĩnĩ hatĩ naa Nyekuc cĩnĩĩng nẽ ĩĩtõ nẽẽg eet cĩgannĩg.”

2 Korinthia 6:18

“Hĩĩna hatĩ naa Maaꞌnyu cunuung nẽ iittu hatĩ niig lõhõlĩ cĩgannĩg, haduha naa Makayyioohiti ꞌTirriannioohiti ꞌcĩ hĩllõõani vẽlẽk.”

1 Tẽꞌthaloonika 3:11

Nẽẽthĩ ꞌyioko, aꞌnyĩĩk nuun Nyekuc Baangeet cĩnaac hĩ Makayyioohit Yeesu Krĩstõ, hubbuktĩheet ꞌgõõl ꞌcĩ haau hacinnuung ngagiit hĩdĩĩkoothong.

Ebereei 11:16

Nẽẽthĩ, baa adiim nẽẽg looc ꞌcĩ abũnnaa ꞌcĩ aaĩ hĩĩ hẽẽtkujjieen. Ĩnõõ ꞌcĩ hõllõngaa aꞌngaaõnĩ Nyekuci hatĩ avvĩ nẽẽg ĩnõõnnõ annẽẽkĩ Nyekuc cĩnĩĩng, hĩnĩngĩtĩ baa etehenyeek Nyekuci ĩhõõggõ ꞌtaaũn cobbi.

Ebereei 8:10

Nẽẽthĩ, aduha Makayyioohit aĩ, lõhõt caannĩ ciee ꞌcĩ ĩĩn ngeju ꞌcĩ hatĩ hadaka naag hĩ eet ꞌcĩg Ĩꞌthĩraẽlĩ kõr tĩho. Haarihi hatĩ naa nyattal caannĩ ootinii cĩggĩĩng nẽ heteheedĩha ꞌthinneetinii cĩggĩĩng. Hĩĩnĩ hatĩ naa Nyekuc cĩnĩĩng, nẽ ĩĩtõ nẽẽg eet cĩgannĩg.

Ebereei 8:2

Adticanni nẽẽ hĩ paadĩrĩ cobbi ꞌCieethaa cĩ Nyekuci ĩcĩ ĩĩn dĩdĩ, ꞌCieeth ꞌcĩ baa ẽhẽnyta Nyekuci nẽ hõllõngaa ẽhẽnyta ẽẽtĩ ꞌcĩ holli õõ haaga.

Terethiinit 10:4

Ma baa ĩbĩlĩt molookwaana cĩg bõrõhẽẽn ꞌcĩg ĩĩn tũkĩramma ho nẽ haĩ hẽtẽhẽẽd thõõth ꞌcĩ aduha nẽẽg ko loota, anneeka hinnia mõlõõhĩ umwaa hẽẽtahujjieen nẽẽ, “Ma heheedi thooꞌthiok nicciag loota, migithõõĩ.”

Terethiinit 10:8

Nẽ õthõõthahaa mõlõõhĩ aa hẽẽtkujjieen tarĩ ĩnnĩhaa, “Bĩĩt ꞌgama ꞌbuuk ꞌcĩ ubbuuhi hata, ꞌcĩ aꞌnyak aajĩlõ ꞌcĩ abĩlĩ nẽ ataadĩk ꞌthooc hõdẽẽthõng bũlũcatõõ nẽ aarĩk umwa ꞌthẽẽmĩ lokora hata.”

Terethiinit 12:10

Ma nĩngaata, hĩthĩha molook umwa ꞌcĩ aku hẽẽtahujjieen ꞌcĩ õthõõth aĩ, “Ikia kõr icci eliiniti hĩ makaaꞌthĩt hĩ habuccieet cĩ Nyekuc cĩnaac, hĩ makaaꞌthĩt cĩ Krĩstõ cĩnnĩ, hĩnĩngĩtĩ hoppocciaahit cĩ ꞌgotoonogeet cĩggaac, ꞌcĩ õhõppõõcan ĩhõõggõ muumaa cĩ Nyekuc cĩnaac baalin hĩ waathĩn, nĩngĩtĩ adhukiaakĩ looc noho hararac.

Terethiinit 21:7

Aggatanni hatĩ eeta vẽlẽk ꞌcĩg ẽmmẽẽthĩ ꞌcannan nicci nẽ hĩĩnĩ hatĩ naa Nyekuc cĩnĩĩng nẽ ĩĩtõ nẽẽg eet cĩgannĩg.

Terethiinit 22:3

Aitiõõ hatĩ ꞌcĩĩnẽnĩtĩ hõllõngaa aaꞌnyĩk ꞌgiimwa ꞌcĩ abathĩ, haggam eet cĩg ꞌtaaũn nicci. Aalla hatĩ Nyekuci dtaabawaa nĩĩcĩ hĩ Mĩꞌnyõõn buúk nẽ iita eeta vẽlẽk ꞌtaaũnaa nĩĩcĩ, idticattoothĩk ĩnõõnnõ.

Terethiinit 7:15

Ĩnõõ ꞌyioko cĩ, “Abĩllĩ nẽẽg muumaa cĩ dtaaba cĩ Nyekuci nẽ alaacõ ĩnõõnnõ baalin hĩ waathĩn ꞌCieetõõ cĩnnĩ ho. Nẽ ẽẽtĩ ꞌcĩ iccioloonganĩ dtaaba ho, ẽbbẽttaanĩk hatĩ nẽẽ cẽrẽm cĩnnĩ hubung ĩhõõggõ vẽlẽk.