Terethiinit 21:23 - ꞌBuuk cĩ Thõõth cĩ Nyekuci

²³ Nẽ aara ꞌtaaũnĩ vẽlẽk thõng. Aitiõõ eeta hõllõngaa atab kõr hode nyĩlõk, hĩnĩngĩtĩ aara bulẽẽnĩtĩ cĩ Nyekuci ꞌtaaũn vẽlẽk nẽ Mĩꞌnyõõn ꞌcĩ ĩĩn lanyit.

Terethiinit 21:23 ပူးပေါင်းရင်းမြစ်များ

Maatteeo 16:27

Hĩnĩngĩtĩ õkõ hatĩ aku Ngeertĩ Eeto bulẽẽttaa cĩ Maacõnĩ hĩ aajĩlẽẽt cĩgĩnnĩg nẽ hatĩ ikia ũdũman eet hõdẽĩ hõdẽĩ ꞌgõõlaa ꞌcĩ baa aattiyyi nẽẽg loota nĩnga.

Maarko 8:38

Má aꞌngaaõn ẽẽtĩ umwaa, hĩnĩngĩtĩ nganĩĩt hĩ ꞌlimman caannĩ waathinnioohĩĩ cĩg eet cĩg attihi eeta ngaaĩ cĩg eetuk hĩ waathinnioohĩ ꞌcĩg ĩĩnnĩ eeta ꞌthẽccanniook ko, aꞌngaaõn hatĩ Ngeertĩ Eeto buúk, hĩnĩngĩtĩ eet tĩho, hatĩ õbõda nẽẽ bulẽẽttaa cĩ Maacõnĩ, hatĩ ookorria hĩ aajĩlẽẽt ꞌcĩg ẽllẽẽmĩthĩ.”

ꞌLuuka 2:32

Ĩĩn nẽẽ lanyit ꞌcĩ eterꞌtheek loonyin vẽlẽk thõõth cunni, nẽ aꞌnyahaak hatĩ eet cugunnig Ĩꞌthĩraẽl bulẽẽnĩt.”

Yõaannẽ 1:14

Ma nĩngaata, ikia Thõõth baa ĩĩn lanyit ĩĩ eet nẽ hũrũmtĩ hĩ ngagĩĩt hõdẽĩ loota nĩnga. Hiita hĩcĩnĩt naag bulẽẽnĩt cĩnnĩ dĩdĩ, bulẽẽnĩt cĩ Ngeertĩ Nyekuc Maaꞌnyĩ ꞌcĩ odoyyii. Aꞌnyahaakeet nẽẽ ngagĩĩt loota nĩnga, bũnnai hĩ thõõth vẽlẽk ꞌcĩ ĩĩn dĩdĩ, ꞌcĩ aku hĩ Nyekuc.

Yõaannẽ 1:18

Nga hĩcĩn eet umwaa Nyekuc, Ngeerĩnĩ ꞌcĩ odoyyii dioo, ꞌcĩ ĩĩn Nyekuc dĩdĩ nẽ õbõhõõ hĩ Maaꞌnyĩ ꞌcĩ etereꞌtheet ngagĩĩt hagaac Nyekuc.

Yõaannẽ 1:4

Baa aaĩ rũgẽtĩ hĩ ĩnõõnnõ nẽ baa ĩĩn rũgẽtĩ niccia lanyit cĩ eetu.

Yõaannẽ 1:9

Lanyit ꞌcĩ ĩĩn dĩdĩ, ꞌcĩ aku aara hĩ eet vẽlẽk ko, aku hĩ eet loota nĩnga.

Yõaannẽ 17:24

“Baaba, hadiimi naa eet vẽlẽk baag aaꞌnyaa nii hũrũmteea hĩ nganĩĩt ngaatĩ haayyi naana, hátĩ hĩcĩnĩt nẽẽg bulẽẽnĩt caannĩ, bulẽẽnĩt baa aaꞌnyaa nii nganĩĩta, hĩnĩngĩtĩ ammĩnannaa nii nganĩĩt baa nga heteheꞌnyiaa lõõcĩ.

Yõaannẽ 5:23

hátĩ hitingolli eeta vẽlẽk Ngeerĩnĩ, hĩcĩ iꞌngolli nẽẽg Maaꞌnyĩ. Nẽẽthĩ, ẽẽtĩ ꞌcĩ hõllõngaa iꞌngolli Ngeertĩ Nyekuci, hõllõngaa iꞌngolli Maaꞌnyĩ baa ĩꞌthõõa Ngeerĩnĩ.

Dtiicanĩ cĩg ꞌThooyyiahu 22:11

Ma nĩngaata, itiꞌthittiaa eeta cĩgannĩg baag hõõkõrra ho ĩꞌthõng Damaathĩko, hĩnĩngĩtĩ ũttũhũl lanyit hẽbẽrĩ cĩgannĩg hĩĩtõ rubettĩg.

Terethiinit 14:4

Baa ĩĩn nẽẽg vẽlẽk eet ꞌcĩg tẽllĩg ꞌthinneeti, ꞌcĩg nga hatagguutho hĩ ngaaĩ tahatak. Nẽ anũ Mĩꞌnyõõn ooo, ꞌgõõlaa ꞌcĩ õkõõĩ, hĩnĩngĩtĩ baa eelliaa nẽẽg hõrggẽẽnaa cĩ eet vẽlẽk loota nĩnga, hátĩ haanytĩhoothĩk Nyekuc hĩ Mĩꞌnyõõn, hĩĩtõ ꞌbaaninit cĩnĩĩng ꞌcĩ oou.

Terethiinit 18:1

Ma urutaa cĩ thooꞌthiok iccig vẽlẽk, hudtuuha aajĩlõ umwa ꞌcĩ alluuccia hẽẽtahujjieen ꞌcĩ aꞌnyak ꞌtirriani cobbi gẽrrẽẽt nẽ aara ẽlẽ cĩnnĩ hũttũhũl looc vẽlẽk, hĩnĩngĩtĩ bulẽẽnĩt.

Terethiinit 21:11

Baa attũhũl bulẽẽnĩtĩ cĩ Nyekuci ꞌtaaũn. Baa alanyĩt ꞌtaaũnĩ haau hĩ bẽẽ ꞌcĩ ẽllẽẽmĩth ꞌcĩ haĩ ꞌJatheper nẽ attaal haau hĩ gĩlaathĩ.

Terethiinit 21:25

Nẽ ꞌtaaũna nĩĩcĩ, aitiõõ hattũũgẽta hõllõngaa aꞌnyũũgĩ waath hode baal, hĩnĩngĩtĩ aitiõõ baalini tõõ, aara lõõcĩ ooo haaga.

Terethiinit 22:5

Iittiõõ hatĩ hõllõngaa adiim eeta kõr, hode ꞌgiimwa ꞌcĩ attũllẽẽnĩ, hĩnĩngĩtĩ iittiõõ hatĩ baalini tõõ. Makayyioohit Nyekuc dioo ꞌcĩ hatĩ ikia ĩĩ lanyit cĩnĩĩng nẽ hatĩ ĩĩtõ nẽẽg makayyiook hĩ Nyekuc ooo.

Terethiinit 5:6

Ma nĩngaata, hudtuuha Mĩꞌnyõõn, abĩlĩ hõrggẽẽnaa cĩ dtaabaõ, irriamaneek hẽlẽggĩ ꞌcĩg ĩĩn ꞌwec ꞌcĩg arũgĩ, hĩ makayyiook ꞌcĩg ĩĩn hẽẽn ꞌramma hĩ ꞌwec, haau hĩ ẽẽtĩ baa aruhi. Baa aꞌnyak nẽẽ otto tũkĩramma hĩ hẽbẽrĩ tũkĩramma buúk, ꞌcĩg ĩĩn loriẽẽt tũkĩramma cĩg Nyekuci, ꞌcĩg ĩꞌthõõak nẽẽ looc vẽlẽk.

Terethiinit 7:17

Hĩnĩngĩtĩ ĩĩ Mĩꞌnyõõn ꞌcĩ abĩlĩ hõrggẽẽnaa cĩ dtaabaõ ho tũhayyioohit cĩnĩĩng. Õkõõĩ hatĩ nẽẽ ĩhõõggõ ngaatĩ aattiyyi maama cĩg rũgẽt ꞌcĩ aalla ooo. Attũmũny hatĩ Nyekuci tilaalõ cĩggĩĩng.”