Terethiinit 21:17 - ꞌBuuk cĩ Thõõth cĩ Nyekuci

¹⁷ Ma baa appiimanni dilat cĩ araanõ ho, ammuddiaa hinnia dtikiri cĩ dilaatõ dioo ĩĩn mĩĩtĩrꞌnya hẽẽn tõrkõnõn hĩ ꞌtur. Baa appiimaniini aajĩlõ hẽẽt ꞌthẽk ꞌcĩ aaĩ hĩ gõõng hattĩmanaanĩ naag ꞌcieeth ꞌcĩ attĩmanniaa ꞌthõõnĩ.

Terethiinit 21:17 ပူးပေါင်းရင်းမြစ်များ

Terethiinit 13:18

Adiim eggeenyi, hátĩ gaa ꞌliimira cĩ nyaharahaak nicci! Nẽẽthĩ, ma eggeenyi, occa aga ngaatĩ adticanĩĩ thõõth icci. Ĩĩn ꞌliimira cĩ nyaharahaak nicci ꞌmiiaꞌnya tõrkõnõn hĩ hẽẽn tõrkõnõn hĩ tõrkõnõn (666) nẽ ĩĩn ꞌliimira ciee cĩ nyaharahaahõ.

Terethiinit 14:3

Nẽ ẽbẽnĩ tẽgẽl ꞌcĩ ĩĩn ngeju muumaa cĩ dtaaba cĩ Nyekuci hĩ muumaa cĩ idiꞌngwa baag ĩĩn ꞌwec ko buúk, hĩ makayyiook. Baa hiꞌthihi eet ꞌcĩ aga tẽgẽl nicci ũdũt. Aga tẽgẽl tĩho eeta ꞌcĩg ĩĩn aalibꞌnya ꞌmiia hõdẽĩ hĩ hẽẽn ꞌwec hĩ ꞌwec (144,000) ko diooni, eet baag eelliaa loota nĩnga.

Terethiinit 21:16

Baa ẽhẽnytaa ꞌtaaũnĩ nicciee haꞌnyak dhooriꞌnya ꞌwec ꞌcĩg aduhõõ thõng, ma baa attĩmanni ho, ammuddiaa hinnia dhooriꞌnya cieeg vẽlẽk hõdẽĩ hõdẽĩ aꞌnyak maaĩlꞌnya ꞌcĩg uuttethaak dioo, aalib hõdẽĩ hĩ ꞌmiiaꞌnya ꞌwec (1,400) nẽ ma appiimanni hẽẽtkujjieen cĩ ꞌtaaũnõõ buúk, baa aduhõõ thõng.

Terethiinit 21:9

Ma nĩngaata, ikia aajĩlõ umwaa ꞌgoonoginnii ĩbaag ĩĩn tũkĩramma, baag aꞌnyak lohilihilit ꞌcĩg abbĩꞌthĩĩ ꞌthereeni ꞌcĩg abathĩ gẽrrẽẽt nẽ ĩnnĩhaa, “Ijjia da ngaati! Hadiimi heterꞌtheekii ngaa cĩ nyattaraanõ ꞌcĩ hatĩ ĩĩn ngaa cĩ Mĩꞌnyoono.”

Terethiinit 7:4

Ma nĩngaata, hikia hĩthĩha lothippit cĩ eet ꞌcĩg amacaaranni muumti ho. Ĩĩn nẽẽg vẽlẽk aalibꞌnya ꞌmiia hõdẽĩ hĩ hẽẽn ꞌwec hĩ ꞌwec (144,000), ꞌcĩg eberriaa hattũũgẽtĩĩ cĩg eet cĩg Ĩꞌthĩraẽlĩ.