Terethiinit 20:9 - ꞌBuuk cĩ Thõõth cĩ Nyekuci

⁹ Õvvõ hatĩ nẽẽg looc vẽlẽk nẽ irriamatteek eet cĩg Nyekuci, hĩ eet cĩg ꞌtaaũn cobbi ꞌJeruꞌthalẽm, ꞌcĩ ammĩnan eeta cĩgĩnnẽẽgĩ. Nẽẽthĩ, baa hinnia adhukiaa ꞌgwaa hẽẽtahujjieen, hikia hũtũũth mĩrõk tĩko hĩĩ ꞌthĩĩ.

Terethiinit 20:9 ပူးပေါင်းရင်းမြစ်များ

ꞌThianaattõ 19:24

Ma ho, udhuha Makayyioohiti Nyekuci ꞌgwoo ꞌcĩ aaburii padtahac hẽẽtahujjieen hikia hũtũũth ꞌThõõdõm hĩ ꞌGõmõõra.

ꞌLuuka 17:29

Ma baa kõr ꞌcĩ ĩꞌngaannĩ Lõõtĩ ꞌThõõdõma ho, udhukia ꞌgwaa ꞌcĩ aaburii padtahac hẽẽtahujjieen nẽ ũtũũth ĩhõõggõ vẽlẽk hĩĩ lõõcĩ ꞌthĩĩ.

ꞌLuuka 19:43

Niig eeta cĩg ꞌJeruꞌthalẽmĩ, aku hatĩ kõrra ꞌcĩ irriamaneekuung ngagiit mĩrõha cugguung nẽ uuktuunga. Irriamaneekuung hatĩ mĩrõha nẽ ũꞌnyũũgĩtõ lõkõrẽẽt vẽlẽk.

ꞌLuuka 21:20

“Ma ĩcĩttu ꞌJeruꞌthalẽm irriamatteek athegereeꞌnya, agayyiooth ꞌthẽk ngaatĩ õbõhõõĩ ꞌribbanĩ cĩ ꞌJeruꞌthalẽmĩ.

ꞌLuuka 9:54

Ma baa adtuuha nuyyiooha, ꞌJeemithi hĩ Yõaannẽ thõõth ꞌcĩ aaĩ hoti ho, õõt ijinit Yeesu ĩĩttĩk, “Makayyioohit, adiimmeet nii ngagĩĩt hutuvvuyyiaawa ꞌgwoo hẽẽtahujjieen hĩ baa Eliijja, hikia hũtũũth eet iccig?”

2 Tẽꞌthaloonika 1:8

ꞌcĩg aꞌnyak ꞌgwoo ꞌcĩ alanyĩtĩ. Uuk hatĩ Makayyioohiti cĩnaac Yeesu, eet ꞌcĩg hõllõngaa aga Nyekuc nẽ hõllõngaa athĩhĩ nyeemuut cĩnnĩ ꞌcĩ abũnnaa.

Ebereei 13:13

Ĩnõõ ꞌcĩ adiim hõõĩ naag buúk battaalaa cĩ ꞌtaaũnõõ hõõt hummuddioothĩk Yeesu, hátĩ hotholit pĩĩrnanĩt cĩnnĩ.

Terethiinit 11:5

Má adiim mĩrõha ũgẽẽgĩ aruk ĩhõõggõ, aku ꞌgwaa utugeetinii cĩggĩĩng nẽ ũtũũth mĩrõk hĩĩ ꞌthĩĩ, ꞌgõõl ꞌcĩ hatĩ adaaknĩ nẽẽg niccia.

Terethiinit 13:13

Nẽ baa adtican nyaharahaahĩ ciee hẽlẽggĩ ꞌcĩg ĩnaat eeta, gõõng aaꞌnyĩk ꞌgwoo hikia hẽẽtahujjieen hõdõlan looc, ẽbẽk eeta noho.