Terethiinit 2:4 - ꞌBuuk cĩ Thõõth cĩ Nyekuci

⁴ “Nẽ aaĩ ꞌgii hõdẽẽthõng ꞌcĩ nga abaccu niiga. Iittiõõ niig hõllõngaa ammĩnannaangu nganĩĩt hode ꞌgoonogu haau hĩ baa ꞌrẽẽna.

Terethiinit 2:4 ပူးပေါင်းရင်းမြစ်များ

Maatteeo 25:7

“Nĩngĩtĩ ĩꞌngaannĩ buheeci niccieeg vẽlẽk nẽ ũkũmatteek ꞌlõõmẽẽt cĩggĩĩng.

Pilippi 1:9

Halayyi naa, hátĩ haala hĩtĩlĩth mĩnnanĩ cunuung hũũk ĩĩcĩ oou nẽ agayyu nẽ tarĩ ĩthĩktu jurrung.

2 Tẽꞌthaloonika 1:3

ꞌGotoonoga hĩ ngoonoga, hẽbẽaneeka naag hõdõõkõthĩ ngaatĩ hanneeka Nyekuc ĩlaallẽ, hĩnĩngĩtĩ ngagiita. Hĩnĩngĩtĩ alĩthĩ lemiiniti cunuung ꞌcĩ elemmu Nyekuc hĩ mĩnnan ꞌcĩ ammĩnannu niig ꞌgoonogu hõdõõkõthĩ.

Terethiinit 2:14

“Haꞌnyahi naa thooꞌthiok ꞌcĩg abadtẽc ꞌcĩg hatabi haduhaakuunga, ꞌcĩg nga adĩmannu niig ꞌgõõlaa ꞌcĩ abathĩ. Aattĩg eeta ũgẽẽgĩ hõrggẽẽnaa cunuung ꞌcĩg anũ ꞌlimman cĩ Balaamĩ, eet baa eterꞌtheek Balak haaꞌnyĩk eet cĩg Ĩꞌthĩraẽlĩ hĩdĩmanit thooꞌthiok ꞌcĩg abathĩ. Baarkit, baa alũllũũmaneek Balaamĩ eet hẽꞌthẽcattõõ ꞌgõõlaa ꞌcĩ aduhi ꞌgeenniok ꞌcĩg aaꞌnyĩk eeta hẽlẽggĩ ꞌcĩg aar nẽẽg hĩĩtõ nyekuꞌnya hatĩ alayyi. Nẽ ũlũllũũmaneek hitikto tahatak.

Terethiinit 2:20

“Aaĩ thõõth hõdẽẽthõng diooni ꞌcĩ hatabi haduhaakuunga. Alahatteehu tarĩ niig ngaa ꞌcĩ haĩ ꞌJeꞌthebeela hataa, hoolongeek eet gẽrrẽẽt, aĩ hĩĩnĩ põrõvẽtaac cĩ Nyekuci nẽ illimaneek eet õlõng nẽ tarĩ, ũlũllũũmaneek dticcianniook cĩgannĩg, huduhit ꞌgẽẽn ꞌcĩ aaꞌnyĩk ngarĩta hẽlẽggĩ ꞌcĩg aar eeta hĩĩtõ nyekuꞌnya nẽ illimaneek hidticanit thooꞌthiok ꞌcĩg ĩĩn ꞌriiring buúk.