Terethiinit 19:14 - ꞌBuuk cĩ Thõõth cĩ Nyekuci

¹⁴ Nẽ baa anũ ĩnõõnnõ ũũrũtana ꞌcĩg au hẽẽtahujjieen, ꞌcĩg aꞌthuhan nyangõõllẽẽꞌnya ꞌcĩg õõrĩg nẽ itihimit ceremwa ꞌcĩg õõppẽr ꞌcĩg anyũttĩĩ.

Terethiinit 19:14 ပူးပေါင်းရင်းမြစ်များ

Maatteeo 21:5

“Nii tĩnaatĩ ꞌThionĩ, cĩĩn nõõ habu cunni ngaatĩ, ovvooyyianĩ moolĩtaa cĩ thigiiro. Aaꞌnyĩk nẽẽ ẽlẽ cĩnnĩ hĩĩ hĩdĩca.”

Maatteeo 26:53

Hõllõngaa agayyu niig aĩ, occa hajini naa Baaba nẽ occa ĩꞌthõõakaa nẽẽ nganĩĩt lothippiꞌnya õmmõtõ hĩ ꞌramma cĩg aajĩleetu hĩdĩĩkoothong?

Maatteeo 28:3

Baa aaĩ nẽẽ hĩ bõrõhẽẽcĩ ꞌcĩ ammadĩ thõng nẽ ĩĩtõ õõrĩg ceremwaana cĩgĩnnĩg haauto hĩ loduruui.

2 Tẽꞌthaloonika 1:7

nẽẽthĩ, õõgannuung hatĩ nẽẽ ngagiit ꞌcannaanaa cunuung. Nẽ õõganneet hatĩ ngagĩĩt buúk, hatĩ õbõda Makayyioohiti Yeesu hẽẽtahujjieen, ookorria hĩ aajĩlẽẽt cĩgĩnnĩg ꞌcĩg attiranĩ,

ꞌJuud 1:14

Baa ĩĩn Ẽẽnõhĩ eet ꞌcĩ ĩĩn tũkĩramma ngaatĩ anũõõꞌthĩ Aadam, nẽ baa õthõõth nẽẽ thõõth cĩ eet iccig aĩ, “Ĩcĩnĩt nõõ! Aku hatĩ Makayyioohiti õõkõra hĩ aalibꞌnya cĩg aajĩlẽẽt ꞌcĩg ẽllẽẽmĩth ꞌcĩg occa hõllõngaa agiili,

Terethiinit 14:1

Nẽ hudtuuha Mĩꞌnyõõn abĩllĩ muuraa ꞌcĩ haĩ ꞌThion, arũmĩ hĩ eet ꞌcĩg ĩĩn aalibꞌnya ꞌmiia hõdẽĩ hĩ hẽẽn ꞌwec hĩ ꞌwec (144,000), ꞌcĩg aꞌnyak ꞌthaar cĩgĩnnĩg hĩ cĩg Maacõnĩ muumtinii cĩggĩĩng.

Terethiinit 14:20

Baa aaĩ ꞌlook ꞌcĩ ammacciini viino ho, battaala ngadiihaa cĩ ꞌtaaũn cobbi. Ma baa amaccĩ viino nicciee ho, ariha hinnia biyyieeta. Ma ho, utuhuyyi biyyieeta hĩĩtõ hidioo ꞌcĩ aarĩk hĩĩ uun gẽrrẽẽt, haꞌnyak maaĩlꞌnya ꞌmiia hõdẽĩ hĩ hẽẽn turkiyyio (180) nẽ uuthik occa ũũppan ngaatĩ ammũlũũnyanaanĩ nyangõõllẽẽ.

Terethiinit 17:14

Nẽ aak hatĩ habuẽẽta niccieeg vẽlẽk jore ꞌcĩ õõ aruhõõnĩ hĩ Mĩꞌnyõõn. Ĩllõõan hatĩ Mĩꞌnyõõn ĩhõõggõ, hĩnĩngĩtĩ ĩĩn nẽẽ Makayyioohit cĩ makayyioohu nẽ ĩĩ Habu cĩ habuẽẽt vẽlẽk. Arũmĩ hatĩ Mĩꞌnyõõn hĩ eet baag avva nẽẽ nẽ ẽbẽra, hĩnĩngĩtĩ baa athĩhĩ nẽẽg ĩnõõnnõ nẽ uꞌthuutti thõõth cĩnnĩ.”

Terethiinit 19:11

Ma ho, hĩcĩnootha hẽẽtkujjieen ngaatĩ abbuuhẽnĩ tarĩ, haau ngaburuur nẽ hudtuuha nyangõõllẽẽ ꞌcĩ õõrĩ ꞌcĩ aꞌthuhan ꞌthukannioohiti ꞌcĩ haĩ ꞌthaar cĩgĩnnĩg Lemmioohit, hĩ Thõõth ꞌcĩ ĩĩn Dĩdĩ. Gõõng ẽttẽẽd nẽẽ thooꞌthiok jurrung, hatĩ aduha thõõth umwa hode hatĩ õkõ jora.

Terethiinit 19:8

Ahimtoothĩk hatĩ ngaa nicci ceremwaana ꞌcĩg õõppẽr ꞌcĩg anyũttĩĩ.” Nẽ ceremwaana ꞌcĩg õõppẽr ꞌcĩg ahimit nẽẽ ho, ĩthakꞌthoothĩk thooꞌthiok ꞌcĩg abũnnaa baag adĩman eeta cĩg Nyekuci loota nĩnga.

Terethiinit 3:4

“Nẽ nga aꞌnyaku niig eet ũgĩ lothippitaa cĩ lemmiook cĩg Thaardithi, ꞌcĩg nga hĩdĩmanit thõõth ꞌcĩ abathĩ. Hõõkõrra hatĩ hĩ ĩhõõggõ, ahimit ceremwa ꞌcĩg õõrĩg, hĩnĩngĩtĩ abũnnaa nẽẽgĩ.

Terethiinit 4:4

Baa irriamaneek dtaaba ꞌcĩ aayyi nẽẽ ho, dtaabĩta ũgẽẽgĩ tarĩ, ꞌcĩg ĩĩn hẽẽn ꞌramma hĩ ꞌwec ꞌcĩg aattiyyi makayyiooha ũgẽẽgĩ ꞌcĩg ĩĩn hẽẽn ꞌramma hĩ ꞌwec buúk, ꞌcĩg ahimit ceremwa ꞌcĩg õõppẽr nẽ aꞌnyahit tẽmẽdẽhĩt ꞌcĩg attalĩth ꞌcĩg adĩmanniaa ꞌdaaba.

Terethiinit 7:9

Ma ngaati, hudtuuha lothippit cobbi gẽrrẽẽt cĩ eet ꞌcĩg aꞌnyamannaa ngaatĩ hagiili buúk, eet ꞌcĩg eberriaa habuccieeꞌnyanĩĩ cĩg loonyin vẽlẽk ꞌcĩg õthõõth thooꞌthiohĩ cũũmõ cũũmõ, abĩlĩ muumaa cĩ Nyekuci hĩ ĩcĩ Mĩꞌnyoono, ahimti nẽẽg vẽlẽk ceremwaanĩĩ ꞌcĩg õõrĩg nẽ aggamit urwo athĩnĩ.