Terethiinit 17:15 - ꞌBuuk cĩ Thõõth cĩ Nyekuci

¹⁵ Nẽ ĩnnĩhaa aajĩlõ nẽẽ, “Bũlũccwaana ꞌcĩg acini nii iccioloonganĩ ngaa ꞌcĩ ĩĩn ꞌwaaꞌngiahit ko, ĩthakꞌthoothĩk lothippit cĩ habuccieeꞌnyanu hĩ hattũũgẽt cĩg loonyin vẽlẽk ꞌcĩg õthõõth thooꞌthiohĩ cũũmõ cũũmõ.

Terethiinit 17:15 ပူးပေါင်းရင်းမြစ်များ

Terethiinit 10:11

Nĩngĩtĩ anneeka mõlõõhĩ nicciee, “Tẽrẽth eet thooꞌthiok ꞌcĩg hatĩ au. Duhaak ꞌthẽk ĩhõõggõ vẽlẽk tarĩ, loonyinii cĩggĩĩng hĩ eet ꞌcĩg õthõõth thooꞌthiohĩ cũũmõ cũũmõ, hõdẽĩ hĩ habuẽẽt cĩggĩĩng vẽlẽk.”

Terethiinit 11:9

Waathinnioohĩĩ ꞌcĩg ĩĩn iyyio hĩ ꞌnuth, acĩn hatĩ eeta cĩg loonyin vẽlẽk hĩ habuccieeꞌnya hĩ hattũũgẽt, eleeti cĩggĩĩng nẽ hõllõngaa ẽlẽmaanĩ hadayyi.

Terethiinit 17:1

Ma ho, ikia aajĩlõ umwaa ꞌcĩ ĩĩn tũkĩramma ꞌcĩ baa ĩꞌthaanĩk ꞌthẽrẽt ꞌcĩ aꞌnyak lohilihiliiaa cĩnnĩ looc vẽlẽk ĩnnĩhaa, “Ijjia da ngaati, hatĩ heteretheehii ꞌgõõl ꞌcĩ hatĩ õkõ uuki Nyekuci ngaa ꞌcĩ ĩĩn ꞌwaaꞌngiahit cobbi gẽrrẽẽt, ꞌcĩ iccioloongan bũlũccwaanĩĩ ꞌcĩg mẽẽlĩg.

Terethiinit 5:9

Nẽ ebenit nẽẽg tẽgẽl ꞌcĩ ĩĩn ngeju ꞌcĩ aĩ, “Nganiit dioo ꞌcĩ occa õkõõĩ ꞌbuuk nẽ avvahanuu dilẽẽnĩt cĩnnĩ, hĩnĩngĩtĩ baa aruhi niina, iita eellia biyyieeta cugunnig eet hĩĩtõ eet cĩg Nyekuci habuccieeꞌnyanĩ hĩ utugeetinii ꞌcĩg õthõõth eeta vẽlẽk cũũmõ cũũmõ hĩ eet loonyini vẽlẽk.