18 Ma nĩngaata, ammad lõõcĩ hĩccaaõ bõrõhẽẽcĩ looc nicci vẽlẽk nẽ uluba hirihidtihi buúk cobbi gẽrrẽẽt, ꞌcĩ gõõng nga hikia irkiꞌnyiaannĩ vẽlẽk.
Korriook hatĩ ꞌcĩg ꞌcannan cobbi gẽrrẽẽt tĩko, ꞌcĩ nga haau nganĩngĩtĩ ẽhẽnytaanĩ Nyekuci looc nẽ hõllõngaa hatĩ aku ꞌcannani ꞌcĩ aaĩ hoti tarĩ ũdũt.
Ma nĩngaata noho, uluba hirihidtihi cobbi gẽrrẽẽt, ꞌcĩ alib ꞌtaaũn ĩĩcĩ odoyyii hadaahito eeta aalibꞌnya tũkĩramma. Nẽ iita abarritit eeta ũgẽẽgĩ ꞌcĩg baag nga arũgĩ, nĩngĩtĩ abulꞌthĩ nẽẽg Nyekuc ꞌcĩ aaĩ hẽẽtahujjieen, taliittaa cobbi.
Ma nĩngaata, ikia ubbuuhi hattũũg cĩ ꞌCieeth cĩ Nyekuci hẽẽtahujjieen nẽ edeeꞌnyia cadduk ꞌcĩ iyyangꞌthĩ nẽẽ lõhõt cĩnnĩ ꞌCieetõõ cĩnnĩ. Ma ho, ammad lõõcĩ nẽ ĩccaaõ bõrõhẽẽcĩ habath dtẽc huluba hirihidtihi cobbi gẽrrẽẽt hĩccĩnĩt tẽllẽẽn ꞌcĩg adhukiaak looc.
Nẽ dtaabawa nĩĩcĩ, ammadĩ lõõcĩ nẽ ẽggẽrẽny bõrõhẽẽcĩ gẽrrẽẽt. Ĩĩcĩ muum cĩ dtaaba nicci, alanyĩt ꞌgwoyyiẽẽna tũkĩramma ꞌcĩg ĩĩn Loriẽẽt cĩg Nyekuci.
Ma baa awaanyan Mĩꞌnyõõn doolliang ꞌcĩ ĩĩn tõrkõnõn ko, ikia uluba hirihidtihi cobbi gẽrrẽẽt nẽ ũtũhũĩ kõrra hĩĩ hollia haau hĩ cẽrẽm ꞌcĩ holliẽẽnĩ nẽ ũtũhũĩ nyĩlõhĩ hĩĩ marik, hudukto hĩ biyyi.
Ma nĩngaata, ittiha aajĩlõ lohilihili cĩ mõhõõkacõõ nẽ ũttũhũla ꞌgwoo altaarĩa nẽ ammarkiihak looc. Ma ho, ikia ẽggẽrẽny tammu nẽ ammad gẽrrẽẽt hĩ hirihidtik cobbi ꞌcĩ õmmõõnnĩ looc vẽlẽk.