Terethiinit 16:14 - ꞌBuuk cĩ Thõõth cĩ Nyekuci

¹⁴ Nẽ loriẽẽta ꞌcĩg abathĩ ĩĩn iyyio ho, aꞌnyak ꞌtirrian ꞌcĩ adticanĩ thooꞌthiok ꞌcĩg ĩnaat eeta. Ma ho, õõt uduktaak habuẽẽt cĩg lootu vẽlẽk, hulutti ngaatĩ doyyii, hátĩ hõõt joraa cĩ kõr cobbi, ꞌcĩ hatĩ ẽttẽẽdĩ Nyekuci ꞌTirriannioohiti ꞌcĩ ĩllõõan vẽlẽk, thooꞌthiok, kõr ꞌcĩ decciaanĩt cĩ lootu.

Terethiinit 16:14 ပူးပေါင်းရင်းမြစ်များ

Maatteeo 24:14

Nẽ irrioonni hatĩ nyeemuut ꞌcĩ abũnnaa cĩ habuccieet cĩ Nyekuci loonyini vẽlẽk, hátĩ hĩthĩhĩt eeta vẽlẽk, nẽẽthĩ hatĩ ikia decciaanĩtĩ cĩ lootu.”

Maatteeo 24:24

Hĩnĩngĩtĩ au hatĩ krĩstõꞌnya hĩ põrõvẽtaaꞌnya ꞌcĩg hõllõngaa ĩĩn dĩdĩ nẽ idticanit thooꞌthiok ꞌcĩg ĩnaat eeta gẽrrẽẽt, hĩttĩmanit ngaatĩ ĩggõõlĩ eet ꞌcĩg ẽbẽra Nyekuci buúk.

Maarko 13:22

Hĩnĩngĩtĩ au hatĩ uppwaanna krĩstõꞌnya hĩ põrõvẽtaaꞌnya ꞌcĩg ĩĩn oloꞌngiaak ꞌcĩg au adtican hẽlẽggĩ ꞌcĩg ĩnaat eeta, aĩ hatĩ higgoollia eet baag ẽbẽra Nyekuci, hatĩ ũũlũ ngaatĩ ĩggõõlĩ ĩhõõggõ.

ꞌLuuka 2:1

Ma waathinniook nicciag, ikia uduhaak habuui cobbi cĩ ꞌRooma ꞌcĩ haĩ Agguutto eet looccaa cĩ ꞌRooma hũtũrũũr hõõt hitigiilli.

Yõaannẽ 8:44

Ĩĩgĩnnu niig lõhõlĩ ꞌcĩg habu cĩ loriẽẽt ꞌcĩg abathĩ nẽ adĩmannu thooꞌthiok ꞌcĩg adiim lorii ꞌcĩ abathĩ ho. Baa ĩĩn nẽẽ eet ꞌcĩ aruk eet baarkit nẽ hõllõngaa aduha thõõth ꞌcĩ ĩĩn dĩdĩ, hĩnĩngĩtĩ nga huduha nẽẽ thõõth ꞌcĩ ĩĩn dĩdĩ. Ma õõlõng lorii ꞌcĩ abathĩ, gõõng nyattal cĩnnĩ niccia, hĩnĩngĩtĩ ĩĩn nẽẽ oloꞌngiaahit ꞌcĩ ĩĩn baattĩ olongo.

ꞌRooma 1:8

Ĩĩcĩ oou, hala naa Nyekuc ꞌthaarĩĩ cĩg Yeesu Krĩstõ, hĩnĩngĩtĩ ngagiit vẽlẽk. Hadĩmani naa hoti, hĩnĩngĩtĩ athithan eeta loonyini vẽlẽk lemiinit cunuung.

2 Tẽꞌthaloonika 2:9

Ma ikia ẽẽtĩ ꞌcĩ abũrĩ thõõth cĩ Nyekuci ho, aku hatĩ adtican dtiic cĩ ꞌThĩttaanõ nẽ ĩdĩman thooꞌthiok ꞌcĩg ĩnaat eeta hĩ terethiinit ꞌcĩ ĩĩn õlõng.

1 Timotteeo 4:1

Aduha Lorii ꞌcĩ Ẽllẽẽmĩth jurrung aĩ, aattĩg hatĩ eeta ũgẽẽgĩ waathinnioohĩĩ ꞌcĩg adtuurna, ꞌcĩg au abũrĩ ngaatĩ ẽlẽmmĩ Nyekuc nẽ iita ĩthĩhĩt nẽ ũnnẽẽcõ ꞌgoolinit hĩ ꞌlimman cĩ thõõth cĩ loriẽẽt ꞌcĩg abathĩ.

ꞌJeemith 3:15

Hĩnĩngĩtĩ hõllõngaa aku iniaani hĩ muruꞌthẽẽt ꞌgẽẽnyĩthaa cĩ Nyekuci. Ĩĩn nẽẽg hẽlẽggĩ cĩg lootu nẽ ĩĩn cĩg habu cĩ loriẽẽt ꞌcĩg abathĩ.

1 Yõaannẽ 5:19

Haga naag jurrung haĩ, hau naag hĩ Nyekuc nẽ aggam ꞌThĩttaanĩ eet vẽlẽk ꞌcĩg abathĩ ꞌcĩg looc nicci.

Terethiinit 12:9

Nẽ ꞌbuuhi ciee obbi aꞌthĩlan gẽrrẽẽt ko, ĩĩn hũkaat baa ꞌrẽẽnĩ baa haĩ habu cĩ loriẽẽt ꞌcĩg abathĩ, hode ꞌThĩttaan, gõõng ĩggõõl looc hũtũrũũr, itiggiayyiaak looc aajĩlẽẽtĩĩ cĩgĩnnĩg vẽlẽk.

Terethiinit 13:3

Baa aꞌnyak õõ cĩ nyaharahaak nicci umwaa carrahula cobbi gẽrrẽẽt, ꞌcĩ occa hõllõngaa alalĩ, nẽẽthĩ, baa ikia alala. Ma ho, ikia ubulan thõõth ciee eet vẽlẽk loota nĩnga, nĩngĩtĩ anũĩ nẽẽg nyaharahaak nicci.

Terethiinit 16:16

Alũta hatĩ loriẽẽta ꞌcĩg abathĩ ho habuẽẽt cĩg lootu hĩ ũũrũta cĩggĩĩng vẽlẽk ngaatĩ odoyyii, haĩ nĩngĩtĩho Ebereeiyyi, Aramageddon.

Terethiinit 16:7

Nẽ hĩthĩha molook altaarĩa ꞌcĩ õthõõth aĩ, “Eei, Makayyioohit Nyekuc ꞌTirriannioohit ꞌcĩ ĩllõõan vẽlẽk, etteedi nii thooꞌthiok jurrung ꞌgõõlaa ꞌcĩ aũlanĩ.”

Terethiinit 17:14

Nẽ aak hatĩ habuẽẽta niccieeg vẽlẽk jore ꞌcĩ õõ aruhõõnĩ hĩ Mĩꞌnyõõn. Ĩllõõan hatĩ Mĩꞌnyõõn ĩhõõggõ, hĩnĩngĩtĩ ĩĩn nẽẽ Makayyioohit cĩ makayyioohu nẽ ĩĩ Habu cĩ habuẽẽt vẽlẽk. Arũmĩ hatĩ Mĩꞌnyõõn hĩ eet baag avva nẽẽ nẽ ẽbẽra, hĩnĩngĩtĩ baa athĩhĩ nẽẽg ĩnõõnnõ nẽ uꞌthuutti thõõth cĩnnĩ.”

Terethiinit 20:8

Õkõ hatĩ ĩggõõl nẽẽ eet cĩg loonyin cĩg ꞌGoogĩ hĩ cĩg Magõgĩ ꞌcĩg aattĩg dtuurnattaa cĩ lootu nẽ ũlũta ĩhõõggõ ũũhĩ jora. Mẽẽlĩg hatĩ eeta niccieeg gẽrrẽẽt, haauto hĩ hathaac cĩ dẽmẽt cĩ bũlũcõ.

Terethiinit 3:10

Hĩnĩngĩtĩ ĩthĩktu niig tilooinit caannĩ nẽ etemeeꞌthu pĩĩrnanĩt, haꞌthuunnuung hatĩ naa buúk ngagiit kõr ꞌcĩ hatĩ attĩmaniini eeta cĩg lootu vẽlẽk.

Terethiinit 6:17

Hĩnĩngĩtĩ ikia aattĩ kõrra cĩ liilii cĩnĩĩng, nẽ nganĩ occa hatĩ ꞌcĩ akannẽẽkĩ hĩ ĩnõõnnõ ho?”