Terethiinit 14:15 - ꞌBuuk cĩ Thõõth cĩ Nyekuci

¹⁵ Ma ho, uduhuna aajĩlõ umwaa battaala ꞌCieethaa cĩ Nyekuci, ꞌcĩ eggerꞌnyeek eet ꞌcĩ iccioloongan diitha ho anneek, “ꞌThianaaĩ janiinit thẽrẽthẽrẽaa cunni ꞌlẽhẽdĩ ho, hĩnĩngĩtĩ ibbiir mana nẽ ũttũbanoothĩk kõrra cĩ janiitto loota nĩnga.”

Terethiinit 14:15 ပူးပေါင်းရင်းမြစ်များ

ꞌThianaattõ 15:6

Nĩngĩtĩ ẽlẽmmĩ Abũraamõ thõõth cĩ Makayyiookto nẽ hĩnĩngĩtĩ thõõth icci, ikia accamana Makayyioohiti ĩnõõnnõ ngaatĩ iini eet ꞌcĩ abũnnaa.

Maatteeo 13:30

Aanytĩk ꞌdwaanĩ hitiliꞌthia hĩ haal hõdẽĩ, ĩꞌthõng hõdõlan kõrra cĩ janiitto. Ma hatĩ kõr niccia, haduhaahi hatĩ naa dticcianniook cĩgannĩg huluttia nõõ ꞌdwaanĩ ĩĩcĩ oou hecebit nẽ ũtũũthĩtõ thõng. Nẽ hatĩ huduhaaha ĩhõõggõ haarrik ꞌcĩg ĩĩn haal ĩragawatõõ.’ ”

Maatteeo 13:39

nẽ mirohiti ꞌcĩ athacĩ hinyomo ꞌcĩg abathĩ ho, ĩĩn habu cĩ loriẽẽt ꞌcĩg abathĩ. Ĩĩn janiiniti dtuurnanĩt cĩ lootu nẽ janniook aajĩlẽẽta.

Maatteeo 23:32

Ĩdĩmanit noho, edecciaak dtiic baa iꞌthiattaaĩ maajihu!

Maarko 4:29

Ma ibbiir mana, aggam ẽẽtĩ habath, hĩnĩngĩtĩ õdõlan kõrra cĩ janiitto.”

1 Tẽꞌthaloonika 2:16

Alaammeet nẽẽg ngagĩĩt ngaatĩ hallimaneeka eet ꞌcĩg hõllõngaa ĩĩn ꞌJudeei thõõth cĩ Krĩstõ, hátĩ heellia nẽẽgĩ. Nẽ ꞌgõõlaa cĩ, aalla eeta cĩg ꞌJudeei ꞌcĩg hõllõngaa ĩĩn lemmiook cĩg Yeesu, ittoorothi ꞌthẽccanẽẽt cĩggĩĩng noho. Nĩngĩtĩ hatĩ aku alĩĩlĩkĩ Nyekuci ĩhõõggõ uruta.

Terethiinit 11:19

Ma nĩngaata, ikia ubbuuhi hattũũg cĩ ꞌCieeth cĩ Nyekuci hẽẽtahujjieen nẽ edeeꞌnyia cadduk ꞌcĩ iyyangꞌthĩ nẽẽ lõhõt cĩnnĩ ꞌCieetõõ cĩnnĩ. Ma ho, ammad lõõcĩ nẽ ĩccaaõ bõrõhẽẽcĩ habath dtẽc huluba hirihidtihi cobbi gẽrrẽẽt hĩccĩnĩt tẽllẽẽn ꞌcĩg adhukiaak looc.

Terethiinit 13:12

Adticaniini nẽẽ ꞌtirrian cĩ nyaharahaak baa oou baa aꞌnyak ngatubeenit õõa ꞌcĩ alal ẽlẽk. Nẽ ĩttĩnganeek eet makaaꞌthĩtaa cĩnnĩ loota nĩnga, halaacõ nyaharahaak baa oou.

Terethiinit 14:14

Ma ho, hudtuuha eet umwa ꞌcĩ aaĩ hĩ Ngeertĩ Eeto, iccioloongan diithaa ꞌcĩ õõppẽr nẽ itihim temedek ꞌcĩ ĩĩn ꞌdaab nẽ aggam thẽrẽthẽrẽ cĩ janiitto attiaa cĩnnĩ.

Terethiinit 14:16

Nĩngĩtĩ attihaanĩ ẽẽtĩ ꞌcĩ iccioloongan diitha ho, thẽrẽthẽrẽ cĩnnĩ nẽ iꞌthianaaĩ ajan looc ꞌcĩ ibbiir ko.

Terethiinit 14:17

Ma ho, uduhuna aajĩlõ umwaa tarĩ, battaala ꞌCieetõõ cĩ Nyekuci hẽẽtahujjieen, ꞌcĩ aꞌnyak thẽrẽthẽrẽ ꞌcĩ ꞌlẽhẽdĩ buúk cĩ janiitto.

Terethiinit 14:18

Ma uruta, uduhuna aajĩlõ umwaa altaarĩa, ꞌcĩ aꞌnyak ꞌtirrian ꞌcĩ aggamĩ ꞌgwoo ꞌcĩ aruhi looc nẽ uduhaak aajĩlõ umwa ĩĩnnĩk, “ꞌTiha thẽrẽthẽrẽ cunni ꞌcĩ ꞌlẽhẽdĩ hataa nẽ ajanĩ hẽẽn cĩg viinoaak loota nĩnga, hĩnĩngĩtĩ ibbiirito.”

Terethiinit 15:6

Ma ho, uduhutta aajĩlẽẽta baag ĩĩn tũkĩramma ho, ꞌCieetõõ cĩ Nyekuci battaala, aꞌnyaha ꞌthereeni tũkĩramma buúk. Baa ahimit nẽẽg ceremwa ꞌcĩg õõppẽr nẽ amarũũhĩtõ ceremwa ꞌcĩg ĩĩn ꞌdaab iyyõõtini.

Terethiinit 16:17

Ma ho, udduutik aajĩlõ ꞌcĩ ĩĩn tũkĩramma lohilihili cĩnnĩ ngõõta. Ma nĩngaata, ẽggẽrẽnya Nyekuci moloohaa cobbi dtaabawa ꞌCieethaa cĩnnĩ ĩĩ, “Hũttũbaneeha thõõth vẽlẽk!”

Terethiinit 6:10

Ẽggẽrẽny nẽẽg moloohaa cobbi aĩ, “Makayyioohit ꞌcĩ elleemi nẽ iinu dĩdĩ, hõllõngaa aruha oolo, nẽ etteedu nẽ uuku eet baag arukeet ngagĩĩt thõng inni?”