Terethiinit 14:13 - ꞌBuuk cĩ Thõõth cĩ Nyekuci

¹³ Nĩngĩtĩ hathĩknĩ molook cĩ aku hẽẽtahujjieen aĩ, “Tẽhẽẽd thõõth icci loota. Iꞌthianaanĩ kõr nicci, aggatan hatĩ Makayyioohiti eet ꞌcĩg adaahĩ, hĩnĩngĩtĩ ẽlẽmĩ nẽẽg ĩnõõnnõ.” Ẽdẽcĩ Lorii ꞌcĩ Ẽllẽẽmĩthĩ aĩ, “Eei, ammũda hatĩ nẽẽg ꞌyiomman dtiicaa cĩnĩĩng õkõmĩ ho nẽ tarĩ, hatĩ aaꞌnyĩhoothĩk ĩhõõggõ ꞌbaaniniti ꞌcĩ adũman dtiic cĩnĩĩng.”

Terethiinit 14:13 ပူးပေါင်းရင်းမြစ်များ

Maatteeo 3:17

Ma ho, õthõõtha mõlõõhĩ umwaa hẽẽtahujjieen ĩĩ, “Loholeec caannĩ ciee ꞌcĩ hamĩna, haccamanaa naa ĩnõõnnõ gẽrrẽẽt.”

ꞌLuuka 16:25

“Ẽdẽcĩ hinnia Abũrahamĩ ĩnõõnnõ anneek, ‘Ẽlẽ, muhunooth, baa ĩĩnĩ nii eet ꞌcĩ aanytĩhoothihii hẽlẽggĩ ꞌcĩg abũnnaa baa nga arugi nẽ baa accananni Laaꞌtharõ, nẽẽthĩ ꞌyioko, accamanoothĩk nẽẽ ngaati nẽ accananĩĩ niina.

ꞌLuuka 16:9

Haduhaakuunga, akattiaaĩ baliinit cĩ looc nicci ꞌgõnnaꞌthẽẽt hĩ eet cĩg looc nicci, hátĩ ma edeccia baliiniti cĩ looc nicci, ẽlẽmaakuung hatĩ Nyekuci uduhunit halang ꞌcĩ aalla ooo.

ꞌRooma 14:8

Má harũgĩ naaga, harũgĩ hĩnĩngĩtĩ Makayyioohit nẽ má hadaahĩ, hadaahĩ hĩnĩngĩtĩ Makayyioohit. Nẽẽthĩ, tananga harũgĩ hode hadaahĩ, nga hĩĩgĩn cĩg Makayyiooktak noho.

1 Korinthia 15:18

Nẽ eeta baag adaahito lemiittaa cĩ Krĩstõ buúk, iꞌngittõõthĩ.

1 Korinthia 15:20

Nẽẽthĩ dĩdĩ, baa ũrũga Krĩstõ daahĩtha! Nẽ aaꞌnyeet ngagĩĩt hagaac, ngaatĩ hatĩ arũgnaanĩ eeta ũgẽẽgĩ buúk daahĩtha.

1 Korinthia 15:58

Nẽẽthĩ hoti ho, ꞌgotoonoga hĩ ngoonoga, aaut okomit. Ma haaꞌnyiku ꞌgiimwa hotomooyyuunga. Aarrik eleeti cugguung hõdõõkõthĩ dtiicaa cĩ Makayyiookto, hĩnĩngĩtĩ agayyu niig aĩ, hõllõngaa ĩĩn dtiici cunuung cĩ Makayyiookto ho ꞌcĩ haaga.

2 Korinthia 5:8

Haaut hokomit, hĩnĩngĩtĩ mẽẽn ngaatĩ hadaaknĩ loota nĩnga nẽ hõõt õlõ hẽẽtahujjieen hũrũmtĩ hĩ Makayyioohit.

Pilippi 2:17

Aaĩ lemiiniti cunuung hĩ dtiic cunuung hĩ ꞌgaarrieeniti ꞌcĩ aaꞌnyĩhoothĩk Nyekuc. Tananga hudduuttoothĩk biyyieeta cĩgannĩg buúk hĩ ꞌgaarrieenit hõdẽĩ, hatali hatĩ gẽrrẽẽt hĩ ngagiita.

1 Tẽꞌthaloonika 4:14

Hẽlẽmĩ naag haĩ, baa adaak Yeesu nẽ ũrũga tarĩ nẽ tarĩ hẽlẽmĩ haĩ, ma hatĩ õbõdaaĩ Nyekuci Yeesu tarĩ, õõkõra hatĩ nẽẽ hĩ eet baag ẽlẽmĩ ĩnõõnnõ baa nga hadaahito nẽẽgĩ.

1 Tẽꞌthaloonika 4:16

Alluuccia hatĩ Makayyioohiti hẽẽtahujjieen ẽggẽrꞌnya moloohaa cobbi nẽ ẽggẽrꞌnya mõlõõhĩ cĩ habu cĩ aajĩleetu, hĩ molook cĩ tũũrĩ ꞌcĩ avvẽẽnĩ Nyekuci. Ma nĩngaata, arũgna hatĩ eeta baag adaahĩ lemiittaa cĩ Krĩstõ, ĩĩcĩ oou.

1 Tẽꞌthaloonika 5:10

Baa adaahĩ nẽẽ, hĩnĩngĩtĩ ngagĩĩta, hátĩ hõõt hũrũmtĩ hĩ ĩnõõnnõ ũdũt, tananga nga harũgĩ hode hadaahito ẽlẽk.

1 Timotteeo 5:24

Agayyi eet ũgĩ ꞌthẽccanẽẽta cĩggĩĩng nĩĩcĩ noho, nga hõdõlanit kõr ꞌcĩ decciaanĩt cĩ lootu buúk. Nẽ aattĩg eeta ũgẽẽgĩ ꞌcĩg hõllõngaa edeeꞌnyia ꞌthẽccanẽẽta cĩggĩĩng hĩdĩĩkoothong, au edeeꞌnyia uruta ꞌrĩng.

1 Timotteeo 5:25

Aduhõõ thõõth ciee hĩ thooꞌthiok ꞌcĩg abũnnaa. Aattĩg thooꞌthioha ꞌcĩg edeeꞌnyia nĩĩcĩ noho nẽ aitiõõ ꞌcĩg occa ammiꞌthi ũdũt tõõ.

Terethiinit 1:11

Othoothĩkaa mõlõõhĩ tĩho anneeka, “Teheedĩk ꞌbuuhatõõ thooꞌthiok ꞌcĩg acini nii vẽlẽk nẽ ĩꞌthooihuu lothippiꞌnya cĩg lemmiook ꞌcĩg ĩĩn tũkĩramma ho. ꞌThooĩk Eevvetho hĩ Thĩmĩrna hĩ Pẽrgamo hĩ Thiatira hĩ Thaardith hĩ Viladelvia hĩ Laodicea.”

Terethiinit 10:4

Ma baa ĩbĩlĩt molookwaana cĩg bõrõhẽẽn ꞌcĩg ĩĩn tũkĩramma ho nẽ haĩ hẽtẽhẽẽd thõõth ꞌcĩ aduha nẽẽg ko loota, anneeka hinnia mõlõõhĩ umwaa hẽẽtahujjieen nẽẽ, “Ma heheedi thooꞌthiok nicciag loota, migithõõĩ.”

Terethiinit 11:15

Ma baa adtahĩ aajĩlõ ꞌcĩ ĩĩn tũkĩramma tũũrĩ cĩnnĩ ho, iita awacahit molookwaana ũgẽẽgĩ ꞌcĩg mẽẽlĩg hẽẽtahujjieen ĩĩtõ, “Nẽ ꞌyioko, ikia ĩĩ habuccieet cĩ looc nicci, cĩ Makayyioohit Nyekuc cĩnaac hĩ Krĩstõ cĩnnĩ, aggam hatĩ nẽẽ habuccieet cĩnnĩ irkiꞌnyia hĩ irkiꞌnyia.”

Terethiinit 11:19

Ma nĩngaata, ikia ubbuuhi hattũũg cĩ ꞌCieeth cĩ Nyekuci hẽẽtahujjieen nẽ edeeꞌnyia cadduk ꞌcĩ iyyangꞌthĩ nẽẽ lõhõt cĩnnĩ ꞌCieetõõ cĩnnĩ. Ma ho, ammad lõõcĩ nẽ ĩccaaõ bõrõhẽẽcĩ habath dtẽc huluba hirihidtihi cobbi gẽrrẽẽt hĩccĩnĩt tẽllẽẽn ꞌcĩg adhukiaak looc.

Terethiinit 16:17

Ma ho, udduutik aajĩlõ ꞌcĩ ĩĩn tũkĩramma lohilihili cĩnnĩ ngõõta. Ma nĩngaata, ẽggẽrẽnya Nyekuci moloohaa cobbi dtaabawa ꞌCieethaa cĩnnĩ ĩĩ, “Hũttũbaneeha thõõth vẽlẽk!”

Terethiinit 19:9

Ma ho, õthõõthahaa aajĩlõ ĩnnĩhaa, “Tẽhẽẽd thõõth nicciaa loota. Aggatan hatĩ Nyekuci eet vẽlẽk ꞌcĩg au nyahũũtaawaa cĩ Mĩꞌnyoono.” Nẽ õthõõthahaa aajĩlõ tarĩ ĩĩnnĩhaa, “Ĩĩn thooꞌthioha cieeg vẽlẽk ꞌcĩg aduha Nyekuci dĩdĩ.”

Terethiinit 2:1

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu ꞌtaaũnaa cĩ Eevvetho. “Duhaak anneek, aku nyeemuut nicciaa hĩ eet ꞌcĩ aggam mũnyũny tũkĩramma attiaa cobbi, nẽ õtõ hõrggẽẽnaa cĩ ꞌthĩĩk tũkĩramma ꞌcĩg ĩĩn ꞌdaab, ꞌcĩg aꞌnyak ꞌlõõmẽẽt.

Terethiinit 2:7

“Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung. Haaꞌnyihi hatĩ naa eet ꞌcĩg abũrĩ thooꞌthiok ꞌcĩg abathĩ, huduhit hẽẽt cĩ rũgẽtõ ꞌcĩ aaĩ õlõõ cĩ Nyekuci.”

Terethiinit 20:6

Aggatan Nyekuci eet ꞌcĩg ẽllẽẽmĩth ꞌcĩg arũgtha nẽẽ daahĩthaa ꞌcĩ oou. Aitiõõ daahĩthĩ ꞌcĩ uruto hõllõngaa aꞌnyak ꞌtirrian hĩ ĩhõõggõ. Nẽẽthĩ, au hatĩ ĩĩn nẽẽg paadĩrꞌnya cĩg Nyekuci hĩ cĩg Krĩstõ, aggam hatĩ nẽẽg looc hõdẽĩ hĩ ĩnõõnnõ irkiꞌnyia aalib hõdẽĩ.

Terethiinit 21:5

Ma ho, ikia õthõõthahaa Nyekuci ꞌcĩ iccioloongan dtaabawa ho ĩnnĩhaa, “Haaꞌnyihi hatĩ naa hẽlẽggĩ vẽlẽk hĩĩtõ ngeju!” Nẽ tarĩ, õthõõthahaa ĩnnĩhaa, “Tẽhẽẽd thõõth ꞌcĩ haduhaakii naa ho loota, hĩnĩngĩtĩ haduhaakii thõõth ꞌcĩ ĩĩn dĩdĩ, ꞌcĩ occa elemi niina.”

Terethiinit 22:17

Nẽ othoothito Lorii ꞌcĩ Ẽllẽẽmĩth hĩ lothippit cĩ lemmioohu ĩĩtõ, “Ijjia!” Aꞌnyĩĩk eet ꞌcĩ athĩhĩ thõõth icci hĩĩ, “Ijjia!” Má atab ẽẽtĩ umwaa maam ꞌcĩg ahũdĩ, aꞌnyĩĩk hũhũd maam ꞌcĩg rũgẽt ꞌcĩ aalla ooo.

Terethiinit 6:11

Baa aanytĩhoothĩk eet ꞌcĩg urukti vẽlẽk ceremwaana ꞌcĩg õõrẽẽgĩ. Baa adukiaak ĩhõõggõ thõõth hiyyiomanit nõõ hĩdĩhĩdĩĩc, ĩꞌthõng hũttũbanoothĩk ꞌliimira cĩ ꞌgõtõõnõgĩ hĩ ngõõnõgĩ cĩggĩĩng, ꞌcĩg ĩĩn dticcianniook cĩg Yeesu ꞌcĩg hatĩ nga aruhi, ꞌcĩg nga hummuddioothĩk ĩhõõggõ.